agrowon news in marathi, orders of cut payment of agri officers, Maharashtra | Agrowon

‘त्या’ कृषी अधिकाऱ्यांचे पगार कापण्याचे आदेश
मनोज कापडे
गुरुवार, 28 जून 2018

पुणे : कृषी खात्यामधील समुपदेशन बदल्यांच्या पारदर्शक धोरणाला होणारा विरोध मोडून कृषी आयुक्तांनी ६०० अधिकाऱ्यांच्या बदल्या केल्या आहेत. मात्र, यातील १७५ अधिकारी खुर्च्या सोडण्यास तयार नाहीत. त्यामुळे खुर्च्यांना वेटोळे घालून बसलेल्या या निगरगट्ट अधिकाऱ्यांचे पगार कापण्याचे आदेश आयुक्तांनी दिले आहेत. 

पुणे : कृषी खात्यामधील समुपदेशन बदल्यांच्या पारदर्शक धोरणाला होणारा विरोध मोडून कृषी आयुक्तांनी ६०० अधिकाऱ्यांच्या बदल्या केल्या आहेत. मात्र, यातील १७५ अधिकारी खुर्च्या सोडण्यास तयार नाहीत. त्यामुळे खुर्च्यांना वेटोळे घालून बसलेल्या या निगरगट्ट अधिकाऱ्यांचे पगार कापण्याचे आदेश आयुक्तांनी दिले आहेत. 

‘‘मन मानेल तसे काम करण्यात तसेच कोणत्याही चौकश्यांमध्ये खोडा घालण्यास कृषी खात्यातील काही अधिकारी पटाईत आहेत. त्याचा प्रत्यय समुपदेशन बदल्यांच्या निमित्ताने शासनाला येतो आहे. बदल्या झाल्यानंतरदेखील अधिकारी आपल्या खुर्च्या सोडत नसल्यामुळे कृषी खात्याचे अतिरिक्त मुख्य सचिव बिजय कुमार व कृषी आयुक्त सच्चिंद्र प्रताप सिंह अवाक् झाले आहेत. त्यामुळे कायदा पाळणार नसल्यास निलंबनाला तयार राहण्याचा इशारा आयुक्तांनी दिला असून, वेतनदेखील न देण्याची भूमिका घेतली आहे,’’ अशी माहिती उच्चपदस्थ सूत्रांनी दिली.

समुपदेशन बदल्यांमध्ये आयुक्तांनी मोक्याची व मलईदार पदे ब्लॉक केली होती. या पदांवर कोणाचीही नियुक्ती होणार नव्हती. मात्र, आयुक्तांनी यादी मंत्रालयात पाठविल्यानंतर सोनेरी टोळीने ‘‘नजराणा तंत्र’’ वापरून काही ‘ब्लॉक’ केलेली पदे ‘ओपन’ करून बदल्या केल्या. तथापि, अशी पदे कमी असल्यामुळे यंदा बदल्यांमधील घोडेबाजाराला चाप बसला आहे.

बदल्या झाल्यानंतरदेखील शेकडो अधिकारी आपल्या पदाला चिकटून राहिल्याने -ऐन खरिपात शेतकऱ्यांना वाऱ्यावर सोडले गेले आहे. कृषी खात्यातील मनमानीचा हा प्रकार थेट मुख्यमंत्र्यांच्याही कानावर गेला आहे. कृषी आयुक्तांनी राज्यातील सर्व कृषी सहसंचालकांना स्वतः पत्र लिहून बदल्या झालेल्या कृषी अधिकाऱ्यांना तत्काळ कार्यमुक्त करण्याचे आदेश दिले आहेत. आयुक्तांनी ६०० बदल्या केल्या असून किमान १७५ अधिकाऱ्यांनी खुर्च्या सोडलेल्या नाहीत.

‘‘निलंबन व पगार कापण्याची कठोर भूमिका कृषी आयुक्तांनी घेतल्यामुळे काही अधिकाऱ्यांनी खुर्च्यांभोवती टाकलेले वेटोळे सैल करून बदली झालेल्या ठिकाणी जाण्याची तयारी सुरू केली आहे. काही अधिकारी नाईलाजास्तव रूजू होत असून मलईदार खुर्च्या गमावल्याची नाराजीदेखील दिसते आहे. बदल्यांमध्ये काही अधिकाऱ्यांची खरोखर गैरसोय झाली आहे. तथापि, आयुक्तांना विरोध न करता असे अधिकारी तात्काळ बदलीच्या ठिकाणी रुजू झाले आहेत’’, असेही सूत्रांनी स्पष्ट केले.

२१ जून २०१८ रोजी अपर मुख्य सचिव बिजय कुमार यांच्या उपस्थितीत मुख्यमंत्री कार्यालयात झालेल्या व्हिडिओ कॉन्फ्रसिंगमध्ये बदली करूनही खुर्च्या न सोडणाऱ्या अधिकाऱ्यांचा मुद्दा उपस्थित झाला होता. मराठवाडा व विदर्भात ऐन खरिपात कृषी अधिकाऱ्यांची पदे रिक्त कशी, असा प्रश्न उपस्थित करण्यात आला. जिल्हा अधीक्षक कृषी अधिकाऱ्यांनी तालुका कृषी अधिकारी व कृषी अधिकाऱ्यांना तत्काळ मुक्त करून बदलीच्या ठिकाणी सोडले पाहिजे’’, अशा सूचना या वेळी देण्यात आल्या.

‘‘बदल्या झालेल्या अधिकाऱ्यांचे पगार बदलीच्या ठिकाणाहूनच काढावेत असे आदेश आयुक्तांनी यानंतर दिले. बदलीच्या ठिकाणी जाण्यास नकार देणाऱ्या अधिकाऱ्यांचे निलंबनाचे प्रस्ताव तयार करण्याच्याही सूचना देण्यात आल्या आहेत’’, असे सूत्रांनी स्पष्ट केले.

...तर शिस्तभंग कारवाई
बदली होऊनदेखील अद्याप कार्यमुक्त न केलेल्या अधिकाऱ्यांना बदली झाल्याचे आदेश निघाल्याच्या तारखेपासून मानीव कार्यमुक्त करावे. कार्यमुक्त केलेल्या अधिकाऱ्यांचे वेतन संबंधित (जुन्या) कार्यालयाने करू नये. असे वेतन काढल्यास संबंधित नियंत्रण अधिकाऱ्याच्या वेतनातून या रकमेची वसुली करावी. कृषी अधिकाऱ्यांना तत्काळ कार्यमुक्त न करणाऱ्या वरिष्ठ अधिकाऱ्याविरुद्ध शिस्तभंगाची कारवाई केली जाईल, असे आदेश कृषी अायुक्तांनी दिले आहेत.

 

इतर अॅग्रो विशेष
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...