agrowon news in marathi, parbhani shakti jowar variety introduce , Maharashtra | Agrowon

पहिल्या जैवसमृद्ध खरीप ज्वारीच्या ‘परभणी शक्ती’ वाणाचे प्रसारण
टीम अॅग्रोवन
शुक्रवार, 13 जुलै 2018

परभणी : वसंतराव नाईक मराठवाडा कृषी विद्यापीठ आणि पट्टणचेरू, हैदराबाद येथील आंतरराष्ट्रीय अर्ध कोरडवाहू उष्णकटिबंधीय पीक संशोधन संस्था (इक्रिसॅट) यांच्या संयुक्त संशोधन प्रकल्पांतर्गत विकसित करण्यात आलेल्या खरीप ज्वारीच्या ‘परभणी शक्ती’ या लोह आणि जस्ताचे अधिक प्रमाण असलेल्या जैवसमृद्ध (बायोफोर्टिफाइड) वाणांचे प्रसारण नुकतेच इक्रिसॅटमध्ये करण्यात आले.

परभणी : वसंतराव नाईक मराठवाडा कृषी विद्यापीठ आणि पट्टणचेरू, हैदराबाद येथील आंतरराष्ट्रीय अर्ध कोरडवाहू उष्णकटिबंधीय पीक संशोधन संस्था (इक्रिसॅट) यांच्या संयुक्त संशोधन प्रकल्पांतर्गत विकसित करण्यात आलेल्या खरीप ज्वारीच्या ‘परभणी शक्ती’ या लोह आणि जस्ताचे अधिक प्रमाण असलेल्या जैवसमृद्ध (बायोफोर्टिफाइड) वाणांचे प्रसारण नुकतेच इक्रिसॅटमध्ये करण्यात आले.

या वेळी इक्रिसॅटचे महासंचालक डॉ. पीटर कारबेरी, वनामकृविचे कुलगुरू डॉ. अशोक ढवण यांची प्रमुख उपस्थिती होती. संशोधन संचालक डॉ. दत्तप्रसाद वासकर, उपमहासंचालक डॉ. किरण शर्मा, संशोधन संचालक डॉ. पी. एम. गौर, ज्वारी पैदासकार डॉ. शिवाजी म्हेत्रे, डॉ. अशोक कुमार आदींसह विविध पिकांचे पैदासकार उपस्थित होते. 

खरीप ज्वारीचा हा देशातील पहिलेच जैवसमृद्ध वाण ठरले आहे. या वाणाच्या धान्यांमध्ये लोह आणि जस्ताचे प्रमाण अधिक आहे. त्यामुळे हा वाण महिला, लहान मुलांतील कुपोषमुक्तीसाठी उपयुक्त ठरणार आहे. या संशोधनाबद्दल डाॅ. पीटर कारबेरी यांनी कुलगुरूसह शास्त्रज्ञांचे अभिनंदन केले. 
डॉ. ढवण म्हणाले, की या वाणांचे मोठ्या प्रमाणावर बीजोत्पादन घेऊन शेतकऱ्यांना बियाणे उपलब्ध करून देण्यात येईल.

या वेळी मानोली (ता. मानवत, जि. परभणी) येथील प्रगतिशील शेतकरी मदन महाराज शिंदे, सुनंदाताई शिंदे, गणेश घाडगे, अहिल्याबाई शिंदे आदींनी त्‍यांच्‍या शेतावर घेतलेल्‍या परभणी शक्ती या वाणांच्या प्रात्‍यक्षिकांचे अनुभव सांगितले. या शेतक­ऱ्यांना परभणी शक्ती वाणाचे बियाणेवाटप करण्यात आले.

वाणाची वैशिष्ट्ये
या वाणांमध्ये लोहाचे प्रमाण प्रतिकिलो ४४ ते ४६ मिलिग्रॅम तर जस्त प्रतिकिलो ३२ ते ३३ मिलिग्रॅम आहे. भाकरीची प्रत चांगली आहे. कडबा उच्‍च प्रतीचा आहे. धान्य उत्पादन प्रतिहेक्टरी ३६ ते ३८ क्विंटल आणि कडब्याचे उत्पादन १०५ ते ११० क्विंटल आहे. हा वाण खोडमाशी, खोडकीड व काळ्या बुरशी रोगास प्रतिकारक्षम आहे. या वाणांच्या गेली चार वर्षे राज्य तसेच राष्ट्रीय स्तरावर चाचण्या घेण्यात आल्या.
 

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...