विविध पर्यायांतून दुधाला दर देण्यासाठी प्रयत्नशील ः पाशा पटेल

पुणे ः दूध उत्पादक शेतकरी आणि संघांना आंदाेलनाची वेळ येऊ देणार नाही. यासाठी मी स्वतः प्रयत्नशील असून, केवळ आंदाेलनामुळेच प्रश्‍न सुटणार नाही, तर विविध पर्यायांतून दुधाला चांगले दर देण्यासाठी राज्य आणि केंद्र सरकारशी समन्वयाने मार्ग काढू, असे आश्‍वासन राज्य कृषी मूल्य आयाेगाचे अध्यक्ष पाशा पटेल यांनी मंगळवारी (ता. ३) झालेल्या मुख्यमंत्री दूध सल्लागार समितीच्या बैठकीत दिले. दूध प्रश्‍नासाठी करावयाच्या उपायाेजनांसाठी मुख्यमंत्र्यांना सल्ला देण्यासाठी स्थापन करण्यात आलेल्या दूध सल्लागार समितीची बैठक मंगळवारी (ता. ३) श्री. पटेल यांच्या अध्यक्षतेखाली झाली. या बैठकीमध्ये विविध मुद्द्यांवर चर्चा झाल्यानंतर दुग्धजन्य पदार्थावरी जीएसटील १२ टक्क्यांवरून ५ टक्के करावा, शालेय पाेषण आहारात दुधाचा समावेश करावा, युराेपातून हाेणाऱ्या लॅक्टाेज आणि वे पावडरवरील आायात शुल्क ६० टक्के करावे, आणि गुजरातच्या धर्तीवर दूध पावडर निर्यात अनुदान ५० रुपये द्यावे. अशा प्रमुख मागण्या मुख्यमंत्र्यांना सादर करण्यात येणार आहे. या मागण्यांच्या पाठपुराव्यासाठी मुख्यमंत्र्यांद्वारा केंद्र सरकारशी समन्वय करणार आहे. असेही पटेल यांनी या वेळी सांगितले. दरम्यान, दुग्धजन्य पदार्थांच्या आराेग्यवर्धक जनजागृतीसाठी स्वतंत्र ट्रस्ट स्थापन करण्यात येईल. यासाठी दूध संघांना आपल्या नफ्यातील काही वाटा ट्रस्टसाठी द्यावा, अशी मागणी स्वराज डेअरीचे अध्यत्र रणजित निंबाळकर यांनी केली. बैठकीला साेनई दूधचे दशरथ माने, साेलापूर संघाचे अध्यक्ष आमदार प्रशांत परिचारक, बारामती दूध संघाचे संदीप जगताप, पुणे जिल्हा दूध संघाचे गाेपाळ म्हस्के, कार्यकारी संचालक डॉ. विवेक क्षीरसागर, गाेविंद डेअरीचे राजीव मिश्रा, पराग डेअरीचे संजय मिश्रा, गाेकुळचे दत्तात्रेय घाणेकर, डायनॅमिक्सचे प्रवीण आैटी, प्रभातचे राजेश लेले आदी उपस्थित हाेते. स्वाभिमानीच्या आंदाेलनाला पाठिंबा नाही ः माने दुधाला दर नसल्याने अगाेदरच शेतकरी अडचणीत असताना, आंदाेलन करून अधिक अडचणीत येणार आहे. आंदाेलनामुळे परराज्यांतील दूध विक्रीला संधी मिळते. याची झळ गेल्या दाेन वर्षांपूर्वी झालेल्या आंदाेलनामुळे बसली अाहे. त्यातून अजून सावरता आलेले नाही. अमूलचे दूध पाेलिस आणि सैन्याच्या बंदाेबस्तात विक्री झाल्याने अमूल राज्यात फाेफावला आहे. यामुळे स्वाभिमानीच्या आंदाेलनाला आमचा पाठिंबा नाही, असे ठामपणे दशरथ माने यांनी या वेळी सांगितले.