राज्यात पुढील आठवड्यात पशुगणना होण्याची शक्यता

राज्यात पुढील आठवड्यात पशुगणना होण्याची शक्यता
राज्यात पुढील आठवड्यात पशुगणना होण्याची शक्यता

पुणे ः टॅब खरेदीमधील संभ्रम आणि गाेंधळामुळे वर्षभर रखडलेल्या २० व्या पशुगणनेला पुढच्या आठवड्यात मुहूर्त लागण्याची शक्यता आहे. केंद्र शासनाने संगणकीकृत पद्धतीने पशुगणना करण्याचे आदेश दिले हाेते. आॅक्टाेबर २०१७ अखेर पशुगणना हाेणे अपेक्षित हाेते; मात्र टॅबच्या उपलब्धतेबाबतच्या दिरंगाईमुळे  पशुगणना रखडली. मात्र टॅब उपलब्धतेची प्रक्रिया पूर्ण झाली असून, पुरवठादाराकडून करार हाेण्याची शक्यता पशुसंवर्धन आयुक्तालयाकडून व्यक्त केली असून, पुढील आठवड्यात प्रत्यक्ष पशुगणनेला मुहूर्त लागण्याची शक्यता आहे.  केंद्र शासनाने `इनाफ` याेजनेअंतर्गत यंदाची २० वी पशुगणना टॅबद्वारे करण्याचा निर्णय देशपातळीवर घेतला. यासाठी केंद्र सरकार टॅब उपलब्ध करून देणार हाेते; मात्र नंतर राज्यांनी टॅब खरेदी करण्याचे सांगण्यात आले. टॅब खरेदीसाठी केंद्र शासन ६० टक्के निधी देणार हाेते. राज्याने ४० टक्के रक्कम द्यायची असे ठरले हाेते. केंद्राने टॅब खरेदी करताना सहा हजार रुपयांपर्यंतच्या मर्यादेतील खरेदीसाठी परवानगी दिली. महाराष्ट्राला ७ हजार २०० टॅबची आवश्‍यकता हाेती. मात्र एेन खरेदीच्या टप्प्यातच राज्य सरकारने माहिती तंत्रज्ञान महामंडळाच्या माध्यमातूनच खरेदी करण्याचे आदेश काढले. या आदेशानुसार पशुसंवर्धन विभागाने महामंडळाकडे मागणी नाेंदविल्यानंतर महामंडळाने याच टॅबची रक्कम ११ हजार रुपये सांगितल्याने अडचण निर्माण झाली. हेच टॅब मध्य प्रदेश सरकारने पाच हजार तीनशे रुपये दराने खरेदी केले. यामुळे टॅब खरेदीमध्ये सावळा गाेंधळ निर्माण झाला हाेता. यामुळे पशुगणना रखडली हाेती. दरम्यान टॅब खरेदीमधील दर निश्‍चिती आणि काेणाकडून खरेदी करायची आणि दराबाबतच्या अडचणीबाबत पशुसंवर्धन आयुक्तालयाने राज्य शासनाने मार्गदर्शन मागवले हाेते. त्यानुसार ५ हजार ६९९ रुपये दराने टॅब खरेदी झाली असून, पुरवठादाराबराेबर करार करण्याची प्रक्रिया पूर्ण हाेईल. यानंतर पुढील आठवड्यात प्रत्यक्ष पशुगणनेला सुरवात हाेईल, असे पशुसंवर्धन आयुक्तालयातील सूत्रांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com