agrowon news in marathi, prime minister modi says, every man had contributed in country development, Maharashtra | Agrowon

विकास यात्रेत प्रत्येक भारतीयाचे योगदान : पंतप्रधान मोदी
वृत्तसेवा
रविवार, 27 मे 2018

नवी दिल्ली ः चार वर्षांपूर्वी भारतात बदल घडविण्याच्या उद्देशाने आम्ही प्रवासाला सुरुवात केली. या चार वर्षांमध्ये विकासाला एका चळवळीचे रुप प्राप्त झाले. भारताच्या या विकास यात्रेत प्रत्येक भारतीयाचे मोलाचे योगदान आहे. सरकारवर विश्वास दाखवणाऱ्या जनतेसमोर मी नतमस्तक होतो, अशा शब्दांत पंतप्रधान नरेंद्र मोदी यांनी भावना व्यक्त केल्या.

नवी दिल्ली ः चार वर्षांपूर्वी भारतात बदल घडविण्याच्या उद्देशाने आम्ही प्रवासाला सुरुवात केली. या चार वर्षांमध्ये विकासाला एका चळवळीचे रुप प्राप्त झाले. भारताच्या या विकास यात्रेत प्रत्येक भारतीयाचे मोलाचे योगदान आहे. सरकारवर विश्वास दाखवणाऱ्या जनतेसमोर मी नतमस्तक होतो, अशा शब्दांत पंतप्रधान नरेंद्र मोदी यांनी भावना व्यक्त केल्या.

केंद्रातील मोदी सरकारला शनिवारी (ता. २६) चार वर्षे पूर्ण झाली. यानिमित्त पंतप्रधान नरेंद्र मोदी यांनी ट्विटरच्या माध्यमातून देशवासीयांचे आभार मानले. ते म्हणाले, की २०१४ मध्ये याच दिवशी आम्ही भारतात बदल घडवण्यासाठी कामाला सुरुवात केली. गेल्या चार वर्षांत विकासाला एका चळवळीचे रुप प्राप्त झाले. प्रत्येक भारतीयाने या विकास यात्रेत योगदान दिले. १२५ कोटी भारतीयांनी भारताला नव्या उंचीवर नेले. मोदी सरकारवर विश्वास दाखवणाऱ्या देशवासीयांसमोर मी नतमस्तक होतो. तुमचा पाठिंबा आणि प्रेम यामुळे आम्हाला प्रोत्साहन आणि शक्ती मिळते. आम्ही यापुढेही अशाच पद्धतीने जनतेची सेवा करत राहू. 

अर्थव्यवस्था सुधारली ः जेटली
केंद्रीय अर्थमंत्री अरुण जेटली म्हणाले, की गेल्या चार वर्षांमध्ये पंतप्रधान नरेंद्र मोदी यांच्या नेतृत्वाखालील उत्तम सरकार आणि उत्तम अर्थकारण व चांगले राजकारण यांच्या एकत्रित मिश्रणामुळे भारताची अर्थव्यवस्था सुधारली. एकेकाळी भारत फ्रॅजाइल फाइव्ह (नाजूक अर्थव्यवस्था असणारे पाच देश) यादीतून जगभरात ब्राइट स्पॉट म्हणजे लखलखता तारा म्हणून आता ओळखला जातो. फेसबुकवर त्यांनी यावर भाष्य करणारा ब्लॉग लिहिला आहे. मुद्रा योजना, पीकविमा योजना आणि ग्रामीण भागातील रस्त्यांसाठी दिलेल्या निधीबाबतही यांनी लिहलं आहे. पायाभूत सुविधांच्या विकासावर या वर्षात 134 टक्क्यांनी वाढ झाली आहे. 

चार वर्षांत केवळ अपयशी 
बहुजन समाज पक्षाच्या सर्वेसर्वा मायावती म्हणाल्या, की मोदी सरकारची ही चार वर्षे अत्यंत निराशाजनक होती. भाजपच्या काही सहकारी पक्षांनी त्यांची सोडलेली साथ हे त्याचेच निदर्शक आहे. पंतप्रधान नरेंद्र मोदी यांनी केलेली प्रत्येक गोष्ट ऐतिहासिक ठरली आहे, त्यात इंधन दरवाढ, दलितांवरील अत्याचार, बेरोजगारी आणि गरिबी ऐतिहासिक पातळीवर पोचली आहे. केंद्रातील सरकार सर्वच पातळ्यांवर अयशस्वी ठरले आहे.

अनागोंदीची चार वर्षे
उत्तर प्रदेशचे माजी मुख्यमंत्री अखिलेश यादव म्हणाले, की मोदी सरकारची चार वर्षे म्हणजे राजकारणात भ्रष्टाचार, बॅंक यंत्रणेत अपयश, इंधन दरवाढ, रुपयाचे अवमूल्यन, देशाचा पैसा बाहेर पळवून नेणे, जीएसटीमुळे महागाई वाढ, दलितांवर अत्याचार, बेरोजगारी आणि व्यापाऱ्यांवर अन्याय या गोष्टींनी भरलेली आहेत.

 

कृषी, परराष्ट्र, रोजगार, इंधनाच्या 
क्षेत्रात मोदी नापास ः राहुल गांधी

मागील चार वर्षांत मोदी सरकार महत्त्वाच्या सर्वच क्षेत्रात अपयशी ठरले आहे. केवळ घोषणा, स्वतःची प्रतिमा आणि योगा यामध्येच त्यांनी विकास केल्याचे ट्विट कॉंग्रेसचे अध्यक्ष राहुल गांधी यांनी केले आहे. या ट्विटमध्ये कृषी विकास, परराष्ट्र धोरण, इंधनाच्या किमती, रोजगाराच्या संधी या सर्वच क्षेत्रात मोदी सरकार (F फेल) अपयशी ठरले आहे. मात्र, घोषणा, स्वः प्रतिमा यांच्यात (A+) तर योगा (B-) एवढ्याच बाबींचा विकास झाल्याचे राहुल गांधी म्हणले. मोदी हे बोलण्यातच मास्टर असून, जटील समस्या सोडविण्यात अडखळत आहेत, असेही ते म्हणाले.

चार वर्षांचे प्रगतिपुस्तक     

कृषी     नापास
परराष्ट्र धोरण   नापास
इंधन दर   नापास
रोजगार निर्मिती  नापास
घोषणा ए (+)
स्वः प्रतिमा   ए (+)
योगा  बी (-)

काँग्रेसचा विश्वासघात दिवस
केंद्रातील भाजप सरकारला शनिवारी (ता. २६) चार वर्षे पूर्ण केली. त्यानिमित्ताने भाजपकडून वर्षपूर्ती साजरी केली जात आहे. मात्र, भाजपने निवडणुकीच्या काळात २०१४ मध्ये दिलेली आश्वासने चार वर्षांत पूर्ण केली नाही. केंद्रातील मोदी सरकारने शेतकरी, गरीब जणतेचा विश्वासघात केला, अशी टीका करत काँग्रेसने हा दिवस विश्वासघात दिवस म्हणून साजरा केला. शनिवारी काँग्रेसने देशभरात आंदोलन केले. काँग्रेसने विविध ठिकाणी स्थानिक नेत्यांच्या नेतृत्वात आंदोलन केले. या वेळी इंधन दरवाढ, बेरोजगारी, महागाई आणि गरिबीवर सरकारला नियंत्रण अणण्यात अपयश आल्याची टीका काँग्रेसने केली. कुठे महिलांनी सायकल रिक्षा चालवत तर चुलीवर स्वयंपाक करत इंधन दरवाढीचा निषेध केला, तर अनेक ठिकाणी मोर्चा, रास्ता रोको, धरणे आणि निदर्शने करण्यात आली.

इतर अॅग्रो विशेष
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...
निफाड तालुक्‍यात द्राक्ष काढणीला सुरवातनिफाड, जि. नाशिक  ः तालुक्‍यातील उगाव,...
पशुगणनेकरिता आता महिनाअखेरपर्यंत मुदतनागपूर   ः पशुगणनेसाठी पूरक साहित्याचा...
ट्रायकोकार्ड निर्मिती प्रशिक्षण प्रकल्प...नागपूर ः कृषी विभाग आणि कृषी विद्यापीठातील...
राज्य वित्त आयोगाच्या अध्यक्षांनी जाणून...औरंगाबाद :  राज्य वित्त आयोगाचे अध्यक्ष व्ही...
दराअभावी कांदापट्टा सुन्ननाशिक : कांद्याला अगदी मोड फुटेस्तोवर वाट...
वनशेतीसह आंतरपिके ठरतोय फायद्याचा सौदाशाश्वत उत्पादनासाठी पारंपरिक पिकांसोबत वनशेतीचा...
अर्थसंकल्पीय कृषी कर्ज तरतूदीत १० टक्के...नवी दिल्ली : आगामी २०१९-२०च्या अर्थसंकल्पात शेती...
राज्यात शुक्रवारपासून पावसाचा अंदाजपुणे : वायव्य भारतातील पश्चिमी चक्रावाताची...
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...