कर्नाटक, तमिळनाडू, केरळ, लक्षद्वीपमध्ये पावसाची हजेरी

कर्नाटक, तमिळनाडू, केरळ, लक्षद्वीपमध्ये पावसाची हजेरी
कर्नाटक, तमिळनाडू, केरळ, लक्षद्वीपमध्ये पावसाची हजेरी

नवी दिल्ली : मॉन्सूनच्या वाटचालीचा वेग कमी झाला असला, तरी देशातील अनेक भागांत पाऊस सुररू आहे. शनिवारी (ता. १६) कर्नाटक, तमिळनाडू, केरळ, लक्षद्वीप, त्रिपुरा, मध्य प्रदेश, आंध्र प्रदेश आणि तेलंगणाच्या अनेक भागांत पावसाने हजेरी लावली. कर्नाटकचा किनारी भाग, त्रिपुरा आणि केरळमध्ये पावसाचा जोर जास्त होता. केरळमध्ये मागील सहा दिवस पावसाचा जोर होता. त्यामुळे अनेक भागांत पूर, दरडी कोसळणे, भूस्खलन यामुळे २५ जणांना आपला जीव गमवावा लागला आहे. त्रिपुरातही पूरस्थिती आता कमी झाली असून, येथील जनजीवन पूर्वपदावर येत आहे. येथे पावसाचा जोर काही प्रमाणात कमी झाला आहे. शनिवारी कर्नाटक, तमिळनाडू, केरळ, लक्षद्वीप, त्रिपुरा, मध्य प्रदेश, आंध्र प्रदेश आणि तेलंगणाच्या अनेक भागांत पावसाने हजेरी लावली.  उत्तर प्रदेशमध्ये येत्या दोन दिवसांत वादळाचा तडाखा बसणार आहे, असा इशारा हवामान खात्याने दिला आहे. त्या पार्श्वभूमीवर हवामान खात्याने राज्यातील नागरिकांना सतर्कतेचा इशारा दिला आहे. उत्तर प्रदेशच्या फतेहगडमध्ये सर्वांत उच्चांकी ४३.७ तापमानाची नोंद झाली आहे. तसेच, बुधवारी आलेल्या या वादळात १५ जणांचा मृत्यू झाला, तर २८ जण जखमी झाले. त्यानंतर आता येत्या दोन दिवसांत उत्तर प्रदेशच्या काही भागांत मोठ्या वादळाचा तडाखा बसणार आहे, असा इशारा हवामान खात्याने दिला. यापूर्वी जून महिन्याच्या पहिल्या आठवड्यात १७ जणांचा मृत्यू झाला; तर ११ जण जखमी झाले. तसेच, यादरम्यान झाडे आणि घरांची मोठी पडझड झाली होती.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com