राज्यात आजपासून पावसाची शक्यता

राज्यात आजपासून पावसाची शक्यता
राज्यात आजपासून पावसाची शक्यता

पुणे ः अरबी समुद्रात केरळ किनारपट्टीलगत असलेले कमी दाबाचे क्षेत्र, मध्य महाराष्ट्र, विदर्भात हवेचा कमी दाबाचा पट्टा सक्रिय असल्याने राज्यात ढगाळ हवामान होत आहे. सोमवारपासून (ता. २८) कोकण, मध्य महाराष्ट्रात पूर्वमोसमी पावसाचा अंदाज आहे. बुधवारपासून (ता. ३०) मध्य महाराष्ट्र, मराठवाड्यात विजांसह वादळी पावसाची शक्यता असल्याचे हवामान विभागाने वर्तविली आहे.   केरळ आणि कर्नाटकच्या किनाऱ्यांलगत असलेल्या कमी दाबाचे क्षेत्राची तीव्रता वाढत असल्याने या भागात ढगांनी दाटी केली आहे. पश्‍चिम किनाऱ्यालगत जोरदार वाऱ्यांसह मुसळधार पावसाची शक्यता अाहे. अरबी समुद्रात उंच लाट उसळून समुद्र खवळणार असल्याने केरळ, कर्नाटकच्या किनारपट्टीलगत मासेमारीसाठी जाण्याचा इशारा देण्यात आला आहे. कोकण, मध्य महाराष्ट्राच्या दक्षिण भागात ढग गोळा होत असल्याने पावसाला पोषक वातावरण होत आहे.  ढगाळ हवामानामुळे राज्यातील तापमानात चढ-उतार होत आहेत. विदर्भाच्या तापमानात काहीशी घट झाली अाहे. विदर्भातील वर्धा, अकोला आणि मराठवाड्यातील परभणी येथे ४५ अंशांपेक्षा अधिक तापमान असल्याने उष्णतेची लाट होती. रविवारी सकाळपर्यंतच्या २४ तासांमध्ये परभणी येथे राज्यातील उच्चांकी ४५.३ अंश सेल्सिअस तापमानाची नोंद झाली. विदर्भात मंगळवारपर्यत उष्णतेची लाट कायम राहणार असल्याचे स्पष्ट करण्यात आले आहे.  रविवारी (ता. २७) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३९.२, नगर ४२.६, जळगाव ४४.०, कोल्हापूर ३७.०, महाबळेश्वर ३३.१, मालेगाव ४२.४, नाशिक ४०.१, सांगली ३६.४, सातारा ४०.१, सोलापूर ४३.०, मुंबई ३४.१, अलिबाग ३३.२, रत्नागिरी ३४.३, डहाणू ३४.८, आैरंगाबाद ४२.०, परभणी ४५.३, नांदेड ४२.५, अकोला ४५.३, बुलडाणा ४४.४, ब्रह्मपुरी ४४.९, चंद्रपूर ४३.९, गोंदिया ४३.९, नागपूर ४३.७, वर्धा ४५.०, यवतमाळ ४४.०.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com