agrowon news in marathi, revolution from agri dams , Maharashtra | Agrowon

खारपाणपट्ट्यात मोठ्या शेततळ्यांमुळे जलक्रांती
टीम अॅग्रोवन
गुरुवार, 28 जून 2018

अकोला ः  रस्ता, लाेहमार्गाचा विकास करण्यासाठी लागणारे गौणखनिज मिळवण्यासाठी जलसंधारणाच्या कामांची सांगड घालत निर्माण केलेल्या मोठ्या अाकाराच्या शेततळ्यामुळे खारपाणपट्ट्यात जलक्रांती येण्याचा मार्ग मोकळा झाला अाहे. दोन एकरांपासून ते सहा एकर अाकारमानाचे विशाल असे शेततळे खोदण्यात अाले असून, त्यात पाण्याचा संचय सुरू झाला अाहे.     

अकोला ः  रस्ता, लाेहमार्गाचा विकास करण्यासाठी लागणारे गौणखनिज मिळवण्यासाठी जलसंधारणाच्या कामांची सांगड घालत निर्माण केलेल्या मोठ्या अाकाराच्या शेततळ्यामुळे खारपाणपट्ट्यात जलक्रांती येण्याचा मार्ग मोकळा झाला अाहे. दोन एकरांपासून ते सहा एकर अाकारमानाचे विशाल असे शेततळे खोदण्यात अाले असून, त्यात पाण्याचा संचय सुरू झाला अाहे.     

जिल्ह्यात अकोला-अकोट मार्ग; तसेच अकोला-खंडवा लाेहमार्गाचे रुंदीकरण सुरू अाहे. हे काम करताना मोठ्या प्रमाणात गौणखनिजाची गरज निर्माण झाली होती. हा खनिज प्रशासनाला कोठूनही मिळवता अाला असता. मात्र, जाणीवपूर्वक तो मिळवताना जलसंधारणाच्या कामांशी सांगड घालण्यात अाली. यामुळे अाता अकोल्याहून अकोटकडे जाताना लागणाऱ्या अनेक गावांमध्ये जिकडे नजर जाईल तिकडे अवाढव्य स्वरूपाचे शेततळे नजरेस पडतात. मोठ्या तलावासारख्या दिसणाऱ्या या शेततळ्यांमध्ये नुकत्याच पडलेल्या पावसामुळे पाणी साठले असून, त्यांचे सौंदर्य अधिकच खुलून दिसते अाहे. 

या कामांची नुकतीच खासदार संजय धोत्रे, जिल्हाधिकारी आस्तिक कुमार पाण्डेय यांनी पाहणी केली. राष्ट्रीय महामार्ग क्रमांक सहाचे बांधकाम, अकोट-अकोला रोडचे रुंदीकरण, अकोला-खंडवा लाेहमार्गाचे विस्तारीकरण यासाठी गौणखनिजांची गरज भागविण्यासाठी या कामांशी जलसंधारणाच्या कामांची सांगड घालण्यात अाली अाहे. जिल्हाधिकाऱ्यांच्या मार्गदर्शनात जिल्हा खनिकर्म अधिकारी डॉ. अतुल दौड यांनी सातत्याने पाठपुरावा करीत हे सर्व शेततळे तयार केले. 

अकोट तालुक्यातील कालवाडी येथे सर्वांत मोठे सहा एकरांचे शेततळे बनविण्यात अाले अाहे. तरोडा या गावात चार एकरांवर तर वणी वारुळा येथे अडीच एकरांत, बळेगाव येथे अडीच एकर, तसेच दोन एकरांचे शेततळे खोदण्यात अाले. करोडी येथेही चार एकरांत, दनोरी शिवारात चार एकरांत अाणि देवरी शिवारात तीन एकरांत शेततळे खोदण्यात अालेले अाहेत. गायरान जमीन, नदीचे पात्र आणि शेतकऱ्यांच्या शेतात या शेततळ्यांची निर्मिती करण्यात आली आहे.

अकोट तालुक्यात खारनाल्याचे पाच किलोमीटर खोलीकरण व रुंदीकरणसुद्धा झाले अाहे. यातील गौणखनिज लाेहमार्गासाठी वापरण्यात आला आहे. सुमारे ५० फूट खोल करण्यात आलेल्या या शेततळ्यांमध्ये पावसाचे अाता १५ ते २० फुटांपर्यंत पाणी जमा झाले आहे, तर खारपाणपट्ट्यात काही ठिकाणी झरे लागल्याने हा जलसंचय वाढत आहे.

शेततळ्यांमध्ये मोठ्या प्रमाणात पाणी साचणार असल्याने या भागातील सिंचनासाठी पाण्याचा प्रश्न मिटला अाहे. भविष्यात अपघात टाळण्यासाठी या शेततळ्यांना कुंपण घालण्याचे निर्देश जिल्हाधिकाऱ्यांनी संबंधित अधिकाऱ्यांना दिले आहेत. शेततळ्यांच्या भिंतीवरील माती बरेचदा खचते त्यामुळे त्या ठिकाणी खस गवत लावण्यात येणार आहे. 

इतर अॅग्रो विशेष
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...