तेलबिया आयात शुल्कवाढ, साठामर्यादा हटविणे फायद्याचे ः एसईए

खाद्यतेल
खाद्यतेल

मुंबई ः केंद्र सरकारने नुकतेच आयात होणाऱ्या कच्चे आणि रिफाइंड खाद्यतेलाच्या आयात शुल्कात ५ ते १० टक्के वाढ करण्याचा निर्णय घेतला आहे. तसेच केंद्राने तेल उद्योग व व्यापाऱ्यांवर लादलेले साठा निर्बंधही काढले आहेत. त्यामुळे त्याचा सकारात्मक परिणाम बाजारावर होऊन शेतकरी व तेल उद्योगाला प्रोत्साहन मिळेल. सरकारचा हा निर्णय फायद्याचा अाहे, असे सॉल्व्हेंट एक्स्ट्रॅक्टर असोशिएशन आॅफ इंडियाने म्हटले आहे.  द सॉल्व्हंट एक्स्ट्रॅक्टर्स असोसिएशनने केंद्र सरकारच्या निर्णयाचे स्वागत केले आहे. यंदा वेळेवर आणि चांगल्या पावसाचा अंदाज आहे. ही शेतकरी आणि खाद्यतेल निर्मिती उद्योगासाठी आनंदाची बातमी आहे. केंद्र सरकारने यापूर्वीच खाद्यबिया आणि खाद्यतेलाचा साठा नियंत्रणमुक्त केला आहे. तर नुकतेच सोयाबीन, सूर्यफूल, मोहरीवर्गीय कच्चे आणि रिफाइंड खाद्यतेलांवरील आयातशुल्कात ५ ते १० टक्के वाढ केली आहे. त्यामुळे शेतकऱ्यांना दरवाढीचा लाभ होणार असून, त्यांना हमीभाव मिळण्यासा मदत होईल. योग्य दर मिळाल्यास शेतकरी तेलबियांच्या पेरणीतही वाढ करण्याची शक्यता आहे.  त्याचसोबत केंद्र सरकारने कच्चे आणि रिफाइंड पाम तेलाच्या आयात शुल्कात १० ते २० टक्के वाढ करावी. आयात कमी करून ‘‘मेक इन इंडिया’’ योजनेतून तेल उद्योगाला चालना देऊन मूल्य वर्धनावर भर द्यावा. तसेच नुकतेच बांगलादेशातून झालेल्या वनस्पती तेलाच्या मोठ्या प्रमाणात झालेल्या आयातीमुळे देशातील तेल उद्योगाला फटका बसला आहे. त्यातही पूर्वेकडील तेल उद्योगाला जास्त फटका बसला आहे. त्यामुळे सरकारने बांगलादेशातून सध्या सुरू असलेली खाद्यतेल, वनस्पती तेलाची आयात थांबवावी आणि देशातील तेल उद्योगाला संरक्षण द्यावे, अशी विनंतीही केंद्राला केली आहे.  दरम्यान, खाद्यतेलावरील आयात शुल्कवाढीचा निर्णय घेण्यासाठी केंद्र सरकारकडे यशस्वीपणे पाठपुरावा केल्याबद्दल असोसिएशनने राज्य कृषिमूल्य आयोगाचे अध्यक्ष पाशा पटेल यांचे आभार मानले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com