agrowon news in marathi, setback for assembly work due to heavy rain, Maharashtra | Agrowon

विधिमंडळ कामकाजाला जोरदार पावसाचा फटका
टीम अॅग्रोवन
शनिवार, 7 जुलै 2018

नागपूर  : सरकारने आपल्या अट्टहासाने नागपूरला पावसाळी अधिवेशन घेतल्यानंतर तिसऱ्या दिवशी (ता. ६) पहिल्याच पावसात वीज गेल्याने विधिमंडळाच्या अधिवेशनाचे कामकाज स्थगित करावे लागले. राज्यात दुर्गम प्रदेशात वीजपुरवठा केला असल्याचा दावा करणाऱ्या सरकारच्या विधान भवनच्या पॉवर हाउसमधे पाणी साचल्याने संपूर्ण वीज बंद करण्याची नामुष्की ओढवली. त्यामुळे दोन्ही सभागृहांचे कामकाज सोमवारपर्यंत स्थगित करण्यात आले. 

नागपूर  : सरकारने आपल्या अट्टहासाने नागपूरला पावसाळी अधिवेशन घेतल्यानंतर तिसऱ्या दिवशी (ता. ६) पहिल्याच पावसात वीज गेल्याने विधिमंडळाच्या अधिवेशनाचे कामकाज स्थगित करावे लागले. राज्यात दुर्गम प्रदेशात वीजपुरवठा केला असल्याचा दावा करणाऱ्या सरकारच्या विधान भवनच्या पॉवर हाउसमधे पाणी साचल्याने संपूर्ण वीज बंद करण्याची नामुष्की ओढवली. त्यामुळे दोन्ही सभागृहांचे कामकाज सोमवारपर्यंत स्थगित करण्यात आले. 

पॉवर हाउसमध्ये पाणी गेल्याने धोक्याचा इशारा म्हणून जनरेटरदेखील सुरू करण्यास अधिकाऱ्यांनी मज्जाव केला. विधान भवनाचे हे हाल तर महाराष्ट्राचे काय हाल असतील? असा सवाल विरोधी आमदार सत्ताधारी आमदारांना विधान भवनाच्या आवारात विचारत होते. 

या वेळी विधान भवन परिसरात विरोधी सर्व सदस्य या विषयावरून सरकारच्या कारभाराची खिल्ली उडवत होते. विरोधी पक्षाच्या नेत्यांनी सरकारच्या या निष्काळजीपणावर सडकून टीका केली. अजित पवार यांनी तर संताप व्यक्त करत, कशाला केला होता अट्टहास? मुहूर्तावर अधिवेशन घेतले तरी संकट टाळता आले नाही काय? असा सवाल केला. 

 

‘‘विधिमंडळाच्या इतिहासात अधिवेशन काळात लाइट जाऊन कामकाज बंद पडावे लागण्याची ही पहिलीच वेळ आहे. सरकारचा नियोजनशून्य कारभार, नागपूरला अधिवेशन घेण्याचा निरर्थक बालहट्ट यामुळे ही वेळ आली आहे,’’ अशी टीका विरोधी पक्षनेते धनंजय मुंडे यांनी केली. राज्यात जलयुक्त शिवार अयशस्वी झाले असले, तरी फडणवीस सरकारने नागपुरात पावसाळी अधिवेशन घेऊन ''जलयुक्त नागपूर'' असल्याचे मात्र दाखवून दिले आहे, असेही धनंजय मुंडे म्हणाले. 

दरम्यान, पावसामुळे अधिवेशनाचे कामकाज बंद होण्याची ही पहिली वेळ नसून, नागपुरात झालेल्या पहिल्या पावसाळी अधिवेशनातदेखील पाऊस आल्याने कामकाज बंद केले होते, असा दावा सत्ताधारी पक्षाकडून केला जात आहे.
 
शिवसेनेचा पलटवार 
पाऊस पडल्याने मुंबई दरवर्षी तुंबते यावरून शिवसेनेवर निशाणा साधणाऱ्या भाजपवर नागपूर तुंबल्याने शिवसेनेने पलटवार केला. रविभवन व आमदार निवासासह विधान भवनात पाणी तुंबल्याने शिवसेनेने हल्लाबोल केला. मुंबईचा नैसर्गिक भूभाग समुद्रसपाटीला असून, नागपूरपेक्षा कित्येक पट पाऊस जास्त पडतो. मात्र मुंबई महापालिका तातडीने उपाययोजना करून परिस्थिती नियंत्रणात आणते, असा दावा आमदार सुनील प्रभू यांनी केला. मुंबई तुंबल्यानंतर महापालिकेवर भ्रष्टाचाराचे आरोप केले जातात. आता नागपुरात पावसामुळे इतिहासात पहिल्यांदाच अधिवेशन बंद करावे लागले याला नागपूर महापालिका जबाबदार नाही काय? जो न्याय राजधानी मुंबई मनपाला दिला जातो तो न्याय उपराजधानी नागपूर देणार काय, असा सवाल शिवसेना नेते व आमदार उपस्थित करत आहेत.

 

इतर ताज्या घडामोडी
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
उन्हाळ कांद्याच्या सिंचनाबाबत अडचणी जळगाव  ः उन्हाळ कांदा लागवडीसंबंधी खानदेशात...
पाकमधून होणाऱ्या सर्व आयातीवर जबर शुल्कनवी दिल्लीः पुलवामा येथील हल्ल्याच्या...
हुतात्मा जवानांच्या कुटुंबीयांना ५० लाख...बुलडाणा ः तीन दिवसांपूर्वी काश्‍मीरमधील...
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...