agrowon news in marathi, sign of battle on milk rate issue, Maharashtra | Agrowon

दूध दराच्या प्रश्नावर संघर्षाचा बिगुल
टीम अॅग्रोवन
शनिवार, 19 मे 2018

शेतकऱ्यांना कशाचं आंदोलन करावं लागतं नाही हा प्रश्न आहे. सरकार नावाची गोष्टच शेतकऱ्यांसाठी शिल्लक राहिली नाही. दर देणं शक्य नसेल तर दूध उत्पादनाचा खर्च रोजगार हमी योजनेत जोडा.
- बच्चू कडू, आमदार

लाखगंगा, जि. औरंगाबाद : फुकट दूधवाटप केल्यानंतर सरकारने दूध भुकटीस तीन रुपये प्रतिलिटर अनुदान जाहीर केले, परंतु थेट शेतकऱ्यांचा दूध दराचा प्रश्न मार्गी लागला नाही. याविषयी लाखगंगा येथे शुक्रवारी (ता. १८) झालेल्या बैठकीत दूध दराच्या प्रश्नावर आक्रमक आंदोलनाची भूमिका दूध उत्पादक शेतकरी संघर्ष समितीने जाहीर केली. 

१ जूनला दूध दराच्या प्रश्नावर शासनाचे लक्ष वेधण्यासाठी प्रत्येक तहसील कार्यालयावर भाकड जनावरे बांधून शासनाचा निषेध करण्यात येणार आहे, हे इशारा आंदोलन असेल. त्यानंतरही शासनाने दूध दराविषयी शेतकऱ्यांना अपेक्षित निर्णय न घेतल्यास ५ जूनला पशुसंवर्धनमंत्री महादेव जानकर यांच्या घरावर धडक दिली जाईल. त्यांचे घर न्याय मिळेपर्यंत न सोडण्याचा निर्णय घेण्यात आला. तसे झाल्यास मंत्री श्री. जानकर यांच्या घरातच दुसऱ्या दिवशी शिवराज्याभिषेक दिन साजरा करून शासनकर्त्यांना छत्रपती शिवाजी महाराजांच्या राज्यकारभाराचे त्यांच्या शेतकऱ्यांप्रती असणाऱ्या वचनाची आठवण करून दिली जाणार आहे. दूध उत्पादक शेतकरी संघर्ष समितीच्या वतीने डाॅ. अजित नवले यांनी तसे नियोजन मांडले. शेतकरी व दूध उत्पादकांनी त्याला टाळ्या वाजवून सहमती दिली.

आमदार बच्चू कडू आणि डॉ. अजित नवले यांची भाषणे...


दूध दरप्रश्नी लाखगंगा गावात शुक्रवारी बैठक आमदार बच्चू कडू (अध्यक्ष, प्रहार), डॉ. अजित नवले (राज्य सरचिटणीस, महाराष्ट्र राज्य किसान सभा), धनंजय धोर्डे (शेतकरी नेते), दिगंबर तुरकने (सरपंच, लाखगंगा), शेतकरी संघटनेचे विठ्ठलराव पवार आदींच्या प्रमुख उपस्थितीत आयोजित करण्यात आली होती. 

दूध उत्पादकांच्या लूटमारीला वाचा फोडत ''लुटणे थांबवा, लुटता कशाला दूध फुकटच न्या'' असा संताप व्यक्त करत औरंगाबाद जिल्ह्यातील लाखगंगा गावाने मोफत दूध देण्याचा ठरावच केला. ३ ते ९ मे या सप्ताहात या ठरावाला राज्यव्यापी पाठिंबा देत दूध उत्पादक शेतकरी संघर्ष समितीने राज्यभर फुकट दूधवाटप करत आंदोलनही केले. आमदार कडू यांच्या नेतृत्वाखाली प्रहार संघटनेनेही मंत्रालयात गुरे घुसविण्याचा पवित्रा घेतला.

सरकारला अखेर या सर्व आंदोलनांची दखल घेत दूध दरप्रश्नी हस्तक्षेप करावा लागला. प्रश्न सोडविण्यासाठी दूध बनविणाऱ्या दूध संघ व कंपन्यांना अनुदान देण्याचा निर्णय घेतला. परंतु याचा शेतकऱ्यांना मिळणाऱ्या दरावर परिणाम झाला नाही. येत्या काळात फरक पडण्याची सुतराम शक्यता नाही. दूध दराच्या प्रश्नाला पुन्हा वाच्या फोडण्यासाठी दूध उत्पादक शेतकरी संघर्ष समितीने आंदोनचा पवित्रा घेतला आहे.

इतर अॅग्रो विशेष
जपला एकीचा वसा, उमटवला प्रगतीचा ठसा,...रावळगुंडवडी (ता. जत, जि. सांगली) येथील...
`डॉ. स्वामीनाथन आयोगाच्या शिफारशी ...शिर्डी, जि. नगर ः डॉ. स्वामीनाथन आयोगाच्या...
खरिपात झाला केवळ ५२ टक्के कर्जपुरवठापुणे : पीक पतपुरवठा आराखड्याच्या शेतकऱ्यांना कर्ज...
हुडहुडी वाढलीपुणे : उत्तरेकडून येणाऱ्या थंड वाऱ्यांच्या...
दूध पावडर निर्यात योजनेचाही फज्जापुणे : राज्य सरकारवर विश्‍वास ठेवून कमी भावात दूध...
महाराष्ट्रात सर्वाधिक पीक विम्याची नोंदनवी दिल्ली : पंतप्रधान पीकविमा योजनेअंतर्गत दोन...
पंधरा हजार धरण, तलावांतील गाळ काढणार :...मुंबई : राज्यातील छोटी धरणे, तलाव यांमधील...
‘माफसू’ उभारणार पशुविज्ञान संग्रहालयनागपूर ः मुलांना प्राणीशास्त्र कळावे त्यासोबतच...
राज्यात शनिवारपासून महारेशीम अभियाननागपूर   ः रेशीमशेतीला प्रोत्साहन मिळावे, या...
बदलत्या वातावरणामुळे केळी निसवणीवर...जळगाव ः थंड, विषम वातावरणामुळे खानदेशात केळीच्या...
सारंगखेड्याचा ‘चेतक महोत्सव’ आजपासून मुंबई : नंदूरबार जिल्ह्यातील सारंगखेडा येथे...
दूध पिशव्यांसंदर्भात दोन महिन्यांची...मुंबई: दुधाच्या पॉलिथीन पिशव्यांच्याबाबतीत राज्य...
सिंचन प्रकल्पांना नाबार्डकडून सात हजार...मुंबई : प्रधानमंत्री कृषी सिंचन योजनेंतर्गत...
‘सेमीफायनल’मध्ये भाजपला झटकानवी दिल्ली ः लोकसभेची दिशा ठरविणाऱ्या आणि अतिशय...
नगरला हंगामातील नीचांकी ९.२ अंश...पुणे : उत्तरेकडील वाऱ्यांचे प्रवाह सुरळीत...
मराठवाड्यातील सोयगाव तालुक्यात रुजतोय...औरंगाबाद जिल्ह्यातील सोयगाव तालुक्यातील शेतकरी...
दोनशे एकरांवर देशमुख यांची करार शेती..शिराळा (ता. जि. अमरावती) येथील विजय ऊर्फ मनोहर...
मिझोराममध्ये कॉंग्रेसचा दारुण पराभवगुवाहाटी ः मिझोरामच्या विधानसभा निवडणुकीत...
परभणीत मुगाची चार क्विंटल, तर उडदाची...परभणी ः जिल्ह्यात यंदाच्या खरीप हंगामातील मुगाची...
कृषीच्या पदव्युत्तर अभ्यासक्रम प्रवेश... पुणे ः राज्यातील चारही कृषी विद्यापीठांमध्ये...