agrowon news in marathi, Sugar mills yet to clear over Rs 12,000 cr dues, Maharashtra | Agrowon

साखर कारखान्यांकडे १२ हजार कोटींची थकबाकी
वृत्तसेवा
सोमवार, 16 जुलै 2018

लखनौ ः उत्तर प्रदेशात २०१७-१८ च्या हंगामात साखरेचे विक्रमी उत्पादन झाल्यानंतर दर पडल्याने साखर कारखाने अडचणीत आले आहेत. कारखान्यांना शेतकऱ्यांची देणी अवघड होत असल्याने थकबाकीचा आकडा वाढला आहे. काही कारखान्यांनी शेतकऱ्यांना उसाचे हप्ते दिले असले तरीही अद्याप कारखान्यांकडे १२ हजार कोटींची थकबाकी आहे. 

लखनौ ः उत्तर प्रदेशात २०१७-१८ च्या हंगामात साखरेचे विक्रमी उत्पादन झाल्यानंतर दर पडल्याने साखर कारखाने अडचणीत आले आहेत. कारखान्यांना शेतकऱ्यांची देणी अवघड होत असल्याने थकबाकीचा आकडा वाढला आहे. काही कारखान्यांनी शेतकऱ्यांना उसाचे हप्ते दिले असले तरीही अद्याप कारखान्यांकडे १२ हजार कोटींची थकबाकी आहे. 

गेल्या हंगामात उत्तर प्रदेशात साखरेचे उत्पादन १.२ कोटी टन साखरेचे उत्पादन झाले आहे. त्यामुळे कारखान्यांकडे अतिरिक्त साखर पडून असून कारखाने अडचणीत आले आहेत. त्यामुळे अशी स्थिती २०१८-१९ च्या हंगामात होऊ नये यासाठी खासगी साखर कारखान्यांनी शेतकऱ्यांना बांधावर जाऊन कमी ऊस लागवड करावी किंवा काही भागात लागवड करू नये, अशा सूचना केल्या होत्या.

पुढच्या हंगामात शेतकऱ्यांनी जास्त ऊस लागवड केल्यास अतिरिक्त उसाचा प्रश्न निर्माण होऊ नये किंवा या उसाचे गाळप केल्यास अतिरिक्त साखरेच्या साठ्यात वाढ होऊ नये यासाठी खासगी साखर कारखाने प्रयत्नशील आहेत. तसेच या कारखान्यांनी शेतकऱ्यांना ऊस लागवडीसाठी प्रोत्साहन मिळावे यासाठी देत असलेल्या सुविधाही कमी केल्या आहेत. यामध्ये खासगी ऊस बेणे, कीटकनाशक आणि इतर कृषी निविष्ठांवरील अनुदाने आणि सवलतीच्या दरात कपात केली आहे. 

साखर कारखाने गाळपास ऊस कमी पडू नये यासाठी १६ चौरस किलोमीटरच्या क्षेत्रात ऊस विकास कार्यक्रम राबवितात. परिणामी २०१७-१८ च्या हंगामात ऊस लागवड क्षेत्रात २.५ लाख हेक्टरने वाढ होऊन २३ लाख हेक्टरवर ऊस लागवड झाली होती. यात आता पुढील हंगामात एकलाख हेक्टरने वाढ होण्याची शक्यता आहे. राज्यात मागील पाच वर्षामध्ये ऊस लागवड क्षेत्रात झपाट्याने वाढ झाली आहे. यंदा साखर कारखाने अतिरिक्त उत्पादनामुळे अडचणीत आल्याने त्यांनी यंदा ऊस विभागाने सुरु केलेल्या ऊस सर्वेक्षणात सहभागी होण्यास नकार दिला आहे. 

ऊस विभागाच्या अधिकाऱ्यांनी सांगितले आहे, की पुढील हंगामात ऊस लागवड वाढणार असून हंगामाच्या मध्यातच लोकसभेच्या निवडणुका येणार आहेत. त्यामुळे हा मुद्दा चर्चेत येऊन नये आणि शेतकऱ्यांचा सर्व ऊस गाळपास जावा यासाठी विभाग प्रयत्नशील आहे. 

तसेच शेतकऱ्यांच्या सर्व उसाचे गाळप व्हावे यासाठी राज्य सरकार प्रयत्नशील असून जास्तीत जास्त ऊस गाळप व्हावे यासाठी साखर कारखान्यांना आॅक्टोबरच्या दुसऱ्या आठवड्यापासूनच गाळप सुरू करण्यास राज्य सरकारने सांगितले आहे. 

ऊस न लावण्याचे कारखान्यांचे आवाहन
२०१७ च्या हंगामात अतिरिक्त साखर उत्पादन झाल्याने कारखान्यांमध्ये अद्यापही साखर दराअभावी पडून आहे. त्यामुळे पुढच्या हंगामात शेतकऱ्यांनी जास्त ऊस लागवड केल्यास अतिरिक्त उसाचा प्रश्न निर्माण होऊ शकतो, त्यामुळे खासगी साखर कारखान्यांनी शेतकऱ्यांना ऊस लागवड न करण्याचे आवाहन केले आहे. तसेच साखर कारखाने गाळपास ऊस कमी पडू नये यासाठी १६ चौरस किलोमीटरच्या क्षेत्रात ऊस विकास कार्यक्रम राबवितात. या कारखान्यांनी शेतकऱ्यांना ऊस लागवडीसाठी प्रोत्साहन मिळावे यासाठी देत असलेल्या सुविधाही कमी केल्या आहेत. तसेच खासगी ऊस बेणे, कीटकनाशक आणि इतर कृषी निविष्ठांवरील अनुदाने आणि सवलतीच्या दरात कपात केली आहे.

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...