agrowon news in marathi, support to scientist for extension of biotechnology , Maharashtra | Agrowon

जैवतंत्रज्ञान प्रसारासाठी शास्त्रज्ञांना पाठिंबा : शेतकरी संघटना
टीम अॅग्रोवन
शुक्रवार, 8 जून 2018

पुणे  : जनुकीय तंत्रज्ञान शेतकऱ्यांच्या फायद्याचे असतानाही केवळ दडपशाहीच्या जोरावर सरकारकडून या तंत्रज्ञानाचा प्रसार रोखण्यात आला आहे. त्यामुळे तंत्रज्ञानाच्या प्रसारातील अडथळे हटविण्यासाठी शास्त्रज्ञांना पाठिंबा देण्याचा निर्णय शेतकरी संघटनेच्या तंत्रज्ञान स्वातंत्र्य परिषदेत घेण्यात आला. 

पुणे  : जनुकीय तंत्रज्ञान शेतकऱ्यांच्या फायद्याचे असतानाही केवळ दडपशाहीच्या जोरावर सरकारकडून या तंत्रज्ञानाचा प्रसार रोखण्यात आला आहे. त्यामुळे तंत्रज्ञानाच्या प्रसारातील अडथळे हटविण्यासाठी शास्त्रज्ञांना पाठिंबा देण्याचा निर्णय शेतकरी संघटनेच्या तंत्रज्ञान स्वातंत्र्य परिषदेत घेण्यात आला. 

दिवंगत शेतकरी नेते शरद जोशी यांच्या प्रतिमेला प्र. भा. भोसले यांच्या हस्ते बीटी कपाशीचा पुप्षहार घालून परिषदेला सुरवात झाली. या वेळी संघटनेचे प्रदेशाध्यक्ष अनिल घनवट, अजित नरदे, गुणवंत पाटील, असोसिएशन ऑफ बायोटेकचे शिवेंद्र बजाज, शास्त्रज्ञ डॉ. पुनीत लुथ्रा, डॉ. सुभाष थेटे व डॉ. दत्तात्रेय शिराळे, राजीव साने, प्रदीप आपटे, माजी खासदार प्रदीप रावत, संजीव माने, अमर हबीब, उपस्थित होते. राज्याच्या विविध भागांतून या परिषदेसाठी शेतकरी आले होते. 

शेतकरी संघटनेच्या तंत्रज्ञान आघाडीचे प्रमुख अजित नरदे या वेळी म्हणाले, की देशातील शेतकऱ्यांना तंत्रज्ञानाच्या वापरापासून हेतुतः दूर ठेवण्याचा प्रयत्न केला जात आहे. २००० मध्ये गुजरातमध्ये प्रथमतः बीटी कपाशीची लागवड झाली असता केंद्र सरकारने विरोधी भूमिका घेतली. बीटी कापूस नष्ट करण्याचे आदेश सरकारने दिल्यानंतर शेतकरी संघटनेचे प्रतिनिधी गुजरातमध्ये गेले व तेथील शेतकऱ्यांच्या बाजूने उभे राहिले. आतादेखील विरोधाची भूमिका सरकार घेत आहे. मात्र, आमच्या विकासाचे तंत्रज्ञान आमच्यापर्यंत पोचविण्यास आडकाठी आणणाऱ्यांचा शेतकरी कडाडून विरोध करतील.

जैवतंत्रज्ञान राक्षसी नसून ते पर्यावरणाला उपयुक्त आहे. त्यामुळे बाऊ न करता कृषी क्षेत्रात जैवतंत्रज्ञानाला मान्यता दिली पाहिजे. मात्र, भारतात या तंत्रज्ञानाच्या विरोधात गैरसमज पसरवून शेतकऱ्यांना या तंत्राच्या वापरापासून दूर ठेवले जात आहे. जगात २७ देशांमधील १८० लाख शेतकरी १८० दशलक्ष हेक्टरपेक्षाही जादा क्षेत्रात जनुकीय सुधारणा केलेल्या (जीएम) पिकांची लागवड करण्यात आलेली आहे. त्यामुळे भारतीय शेतकऱ्यालादेखील या तंत्रापासून दूर ठेवता येणार नाही, असे डॉ. बिहाणी म्हणाले. 

मोन्सॅन्टो कंपनीचे शास्त्रज्ञ डॉ. पुनीत लुथ्रा म्हणाले, की की जागतिक शेतीत जनुकीय तंत्रज्ञानाचा वापर झपाट्याने वाढतो आहे. दुष्काळाला सहनशील, योग्य नत्र वापर, उत्पादकता वाढ, आरोग्यदायी तेल, तणनाशकांना सहनशील, पीक संरक्षण अशा विविध क्षेत्रांत या तंत्रज्ञाचा वापर पुढील एक दशकात होण्याची चिन्हे आहेत. मात्र, भारतात या तंत्राच्या प्रसारात गैरसमजातून अडथळे येत आहेत. याउलट पाकिस्तान व बांगलादेशने जीएम पिकांना स्वीकारत आहेत. 

शास्त्रज्ञ डॉ. सुभाष थेटे म्हणाले, की गुलाबी बोंड अळी कापूस पिकावरच जगू शकते. नॉन बीटी रेफ्युजी बियाणे लावण्याची पद्धत बंद केल्यामुळे या अळीचा प्रसार वाढला. पंजाब, हरियानातदेखील रेफ्युजी बियाणे लावले जात नाही; मात्र तेथे ऑक्टोबर, नोव्हेंबरमध्ये संपूर्ण कापूस क्षेत्र हे रब्बी पिकांखाली जाऊन बोंड अळीची शृंखला तुटते. 

असोसिएशन ऑफ बायोटेकचे शिवेंद्र बजाज म्हणाले, की २०१० पासून जनुकीय तंत्रज्ञानाला विरोध सुरू आहे. राजकीय विचारधारेमुळे तंत्रज्ञानाला विरोध असून, त्यामुळे देशातील कृषी विकासाला फटका बसला आहे.

‘एचटी’साठी शेतकरी संघटना काढणार यात्रा
‘एचटी’ बीटी अर्थात तणनाशकाला सहनशील असलेल्या कपाशीच्या बियाण्यास मान्यता देण्यासाठी शेतकरी संघटना धुळे ते चंद्रपूर अशी तंत्रज्ञान स्वातंत्र्य यात्रा काढणार असल्याचा ठराव तंत्रज्ञान स्वातंत्र्य परिषदेत करण्यात आला. राज्यात प्रत्येक शेतकऱ्याने किमान एक गुंठ्यात एचीबीटी कपाशी, बीटी वांगी व मोहरीची लागवड करावी, बीटी लागवड करण्याऱ्या शेतकऱ्यांना संरक्षण देण्यासाठी पथके नेमण्याचा ठराव देखील परिषदेत करण्यात आला.

इतर अॅग्रो विशेष
उच्च जीवनमूल्य जपणारी आदिवासी संस्कृती मेळघाटात अंधश्रद्धेचे प्रमाण खूप आहे. यावर...
आर्थिक विकासवाट . देशात नोटाबंदीच्या निर्णयाला नुकतीच दोन वर्षे...
खानदेशातील जलसाठ्यात घट जळगाव : खानदेशात पाणीबाणी वाढू लागली असून,...
जिनर्स कापूस खरेदी केंद्रांसाठी ९००...जळगाव ः भारतीय कापूस महामंडळाच्या (सीसीआय) कापूस...
राज्यात दुधाचे दर पुन्हा घसरलेपुणे: राज्यात होत असलेल्या जादा दुधाच्या...
दावणीला आणि छावणीला परिस्थितीनुसार चारा...बीड : राज्यात सरासरीच्या ७० टक्के पाऊस पडला असून...
सत्ताधाऱ्यांना नमवण्याची ताकद...मुंबई : गेल्या चार वर्षांत देश चुकीच्या...
दुष्काळातही माळरानावर हिरवाई फुलवण्याचे...लातूर जिल्ह्यातील वाघोली येथील सोनवणे कुटुंब...
सेंद्रिय पद्धतीने ऊस लागवड ते...लातूर येथील विलास सहकारी साखर कारखान्याने...
श्री विठ्ठल-रुक्मिणीचे २४ तास दर्शनसोलापूर ः पंढरपुरात श्री विठ्ठल -रुक्मिणीच्या...
हरभरा पेरणी ३३ टक्क्यांनी माघारलीनवी दिल्ली ः देशातील दुष्काळी स्थितीचा परिणाम...
राणी लक्ष्मीबाईंचे गाव बनले पाणीदारसातारा: झाशीची राणी लक्ष्मीबाईंचे मूळ गाव म्हणजे...
विदर्भापाठोपाठ मराठवाडा, मध्य...पुणे : राज्यात किमान तापमानाचा पारा घसरल्याने...
खानदेशात जनावरांची निम्म्या दरात विक्रीचाळीसगाव, जि. जळगाव ः लांबलेल्या व अवेळी पडलेल्या...
रब्बी पेरणी २० टक्क्यांनी घटलीनवी दिल्ली ः देशातील बहुतांशी भागात यंदाच्या...
सातारा, सोलापूर, परभणीत ऊसदरासाठी आंदोलनपुणे ः गेल्या गळीत हंगामातील थकबाकी द्यावी तसेच...
निर्यातीच्या केळीला १८०० रुपये दरजळगाव ः राज्यात निर्यातीच्या केळीला यंदा उच्चांकी...
नागपूर, गोंदिया गारठलेपुणे : उत्तरेकडील वाऱ्यांच्या प्रभावामुळे राज्यात...
ऊसदराबाबत हवे दीर्घकालीन धोरणऊसदराचा प्रश्न मिटत नाही तोपर्यंत आम्ही कोणताही...
दक्षिण महाराष्टात ऊसतोडी सुरूकोल्हापूर : ऊसदराचा तिढा शनिवारी (ता. ११) दुपारी...