पावसामुळे हळद लागवड थांबली

​गेल्या वर्षी जिल्ह्यात हळदीच्या क्षेत्रात घट झाली होती. यंदा वेळेत पाऊस सुरू झाल्याने हळदीच्या क्षेत्रात वाढ होण्याची शक्‍यता आहे; परंतु यंदा हळदीच्या दरात मोठी घसरण झाली. यामुळे हळद उत्पादक शेतकऱ्यांचे आर्थिक नियोजन चुकले आहे. पुढील हंगामात दरात वाढ होण्याची शक्यता फार कमी असल्याचे सध्यातरी दिसते आहे. - शशिकांत औटी , हळद उत्पादक, मौजे डिग्रज, ता. मिरज, सांगली.
वसगडे (ता. पलूस) येथे हळद लागवड करण्यात व्यस्त असलेले मजूर.
वसगडे (ता. पलूस) येथे हळद लागवड करण्यात व्यस्त असलेले मजूर.

सांगली ः राज्यातील अनेक भागांत मुसळधार पाऊस झाल्याने हळद लागवड थांबली आहे. हळदीची आतापर्यंत १५ हजार हेक्‍टरवर लागवड झाली आहे. गतवर्षी याच काळात सुमारे १८ हजार हेक्‍टरवर लागवड झाली होती. तसेच यंदाच्या हंगामात दोन हजार हेक्‍टरने हळदीच्या क्षेत्रात वाढ होण्याची शक्‍यता हळद संशोधन केंद्राच्या सूत्रांनी व्यक्त केली आहे.  गेल्या वर्षी राज्यात पाणीटंचाई आणि वेळेत पाऊस नसल्याने हळदीच्या क्षेत्रात घट झाली होती. त्यामुळे त्याचा परिमाण उत्पादनावरही झाला होता. परिणामी, हळदीच्या दरात वाढ झाली होती. हंगामाच्या सुरवातीलाच हळदीच्या दरात दीड हजार रुपये प्रतिक्विंटलने वाढ झाली होती. दर १० ते ११ हजार रुपये प्रतिक्विंटल पर्यंत गेले. परंतु दरात चढऊतार आला. सध्या हळदीचे दर कमी असल्याने शेतकऱ्यांनी हळदीची साठवणूक केली आहे. त्यामुळे राज्यात हळदीची सुमारे ३ ते ४ लाख पोती शिल्लक आहेत. यंदा अवकाळी पाऊस आणि वेळेत पाऊस झाल्याने हळद उत्पादक शेतकऱ्यांनी हळद लागवडीचे नियोजन केले. राज्यात आतापर्यंत १५ हजार हेक्‍टरवर हळदीची लागवड झाली आहे. मात्र अनेक ठिकाणी मुसळधार पाऊस असल्याने सध्या हळद लागवड थांबली आहे.  सांगलीत क्षेत्रात वाढ जिल्ह्यात हळदीची लागवड अंतिम टप्प्यात आली आहे. गेल्या चार ते पाच दिवसांपूर्वी झालेल्या पावसामुळे जिल्ह्यातील उर्वरित भागात हळद लागवड करण्यासाठी शेतकरी पुढे आले आहे. जिल्ह्यात गतवर्षी हळदीचे क्षेत्र एक हजार हेक्‍टर होते. यंदाच्या हंगामात उपलब्ध पाणी आणि वेळेत झालेला पाऊस यामुळे  हळदीच्या क्षेत्रात पाचशे हेक्‍टरने वाढ झाली आहे. हळदीच्या क्षेत्रात अजून वाढ होईल, असा अंदाज व्यक्त केला जातो आहे.  प्रतिक्रिया पाऊस झाल्याने लागवड करण्यासाठी वाफसा नाही. हळद उत्पादकांनी २० जूनच्या अगोदर लागवड करावी. यंदा वेळेत पाऊस सुरू झाल्याने राज्यातील हळदीच्या क्षेत्रात वाढ होण्याची शक्‍यता आहे. - डॉ. मनोज माळी, प्रभारी अधिकारी, हळद संशोधन योजना, कसबे डिग्रज, जि. सांगली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com