ganpati-visarjan-pune | Agrowon

बाप्पाच्या निरोपासाठी लोटला जनसागर
सकाळ वृत्तसेवा
बुधवार, 6 सप्टेंबर 2017

पुणे : आसमंतात घुमनारा शंखनाद... इमारतींवरून होणारी फुलांची उधळण... सामाजिक संदेश देणाऱ्या रांगोळ्यांचा पायघड्या... वेगवेगळ्या तालांवरील ढोल-ताशांचा दणदणाट... 'मोरया'चा जयघोष करत वादकांना दिली जाणारी उत्स्फूर्त दाद... उकाडा असला तरी क्षणाक्षणाला वाढणारी गर्दी... नानाविध रूपातील गणरायाचा थाट आणि हे सगळे अनुभवण्यासाठी लोटलेला जनसागर... अशा आनंददायी वातावरणात पुणेकरांनी मानाच्या गणपतींना मंगळवारी निरोप दिला. सकाळी साडेदहापासून सायंकाळी साडेसातपर्यंत मानाच्या गणपतींची विसर्जन मिरवणूक चालली.

पुणे : आसमंतात घुमनारा शंखनाद... इमारतींवरून होणारी फुलांची उधळण... सामाजिक संदेश देणाऱ्या रांगोळ्यांचा पायघड्या... वेगवेगळ्या तालांवरील ढोल-ताशांचा दणदणाट... 'मोरया'चा जयघोष करत वादकांना दिली जाणारी उत्स्फूर्त दाद... उकाडा असला तरी क्षणाक्षणाला वाढणारी गर्दी... नानाविध रूपातील गणरायाचा थाट आणि हे सगळे अनुभवण्यासाठी लोटलेला जनसागर... अशा आनंददायी वातावरणात पुणेकरांनी मानाच्या गणपतींना मंगळवारी निरोप दिला. सकाळी साडेदहापासून सायंकाळी साडेसातपर्यंत मानाच्या गणपतींची विसर्जन मिरवणूक चालली.

(मानाचा पहिला : कसबा गणपती)
सनई वादनाने सुरवात
कसबा गणपती सार्वजनिक गणेशोत्सव मंडळाच्या मिरवणुकीने पुण्यातील विसर्जन मिरवणुकीला सुरवात झाली. या वेळी महापौर मुक्ता टिळक, पालकमंत्री गिरीश बापट, खासदार अनिल शिरोळे, माजी खासदार सुरेश कलमाडी आदी मान्यवर उपस्थित होते. चांदीच्या पालखीतून "श्रीं'ची मिरवणूक काढण्यात आली. प्रमोद गायकवाड यांचे सनईवादन, देवळणकर बंधूंच्या नगारावादनाने मिरवणूक मंडईतून लक्ष्मी रस्त्याच्या दिशेने मार्गस्थ झाली. प्रभात बॅंड, रमणबाग प्रशाला, कामायनी विद्या मंदिरचे ढोल-ताशा पथकांनी जल्लोशपूर्ण वादन केले. महिलांचे पथकही मिरवणुकीत सहभागी झाले होते. 
मिरवणूकीचा प्रारंभ : सकाळी 10:00

(मानाचा दुसरा : तांबडी जोगेश्वरी)
'स्त्री'च्या धाडसाचे दर्शन
फुलांनी सजवलेल्या चांदीच्या पालखीत फेटा घातलेली तांबडी जोगेश्वरी सार्वजनिक गणेशोत्सव मंडळाची बाप्पाची मूर्ती मिरवणुकीत सर्वांचे लक्ष वेधून घेत होती. फुलांची उधळण करत मिरवणुकीला प्रारंभ झाला. ताल, शिवमुद्रा, शौर्य, न्यू गंधर्व बँड यांनी मंडळाच्या मिरवणुकीत रंगत आणली. त्यामुळे अनेकांनी वादन सुरु असताना ठेका धरला. याचवेळी बालशिवाजीच्या वेशातील लहान मुलांसोबत अनेकांनी 'सेल्फी'सुद्धा घेतले. स्त्री शक्तीच्या धाडसाचे दर्शनही या वेळी घडवून आणले.
मिरवणूकीचा प्रारंभ : सकाळी 11.00

(मानाचा तिसरा: गुरुजी तालीम)
गुलालाची उधळण
नेहमीप्रमाणे यंदाही गुलालाची उधळण करत गुरुजी तालीम मंडळाच्या गणपतीची विसर्जन मिरवणूक सुरु झाली. चेतक, शिवगर्जना या पथकांबरोबरच नगाराबंधूंचे सनई चौघडा गणेश भक्तांची गर्दी खेचून घेणारा ठरला. पारंपरिक वेशभूषेतील महिला लेझीम खेळ सादर करत मिरवणुकीत सहभागी झाल्या होत्या. मुशकावर विराजमान झालेला बाप्पा आणि फुलांनी सजवलेला रथ आकर्षक ठरला. मंडळाने यंदाही बाप्पाभोवती सुरक्षारक्षकांचे कडे केले होते.
मिरवणूकीचा प्रारंभ : दुपारी 12:15

(मानाचा चौथा : तुळशीबाग गणपती) 
भव्य मूर्ती अन् भव्य रथ 
फुगड्या, कागदी फुलांची उधळण, लहानांबरोबरच मोठ्याचा सहभाग असलेले तुळशीबाग सार्वजनिक गणेशोत्सव मंडळ रस्त्यावर आले. नानाविध रंगांच्या फुलांनी सजवलेला गरुड रथ आणि त्यावर विराजमान बाप्पांची भव्य मूर्ती लक्ष वेधून घेत होती. लोणकर बंधूच्या नगरावादनाने मिरवणुकीत रंगत आणली. यापाठोपाठ आलेल्या स्वरूपवर्धिनी पथकातील लहान मुलांनी विविध खेळ तर मोठ्या गटाने वादन करून आनंदाचे रंग भरले. मल्लखांबाचे प्रात्यक्षिक, श्री गजलक्ष्मीचे ढोल ताशा वादन, हिंद तरुण मंडळाचे ढोल व लेझीम वादन यांनीही तितकीच रंगत आणली.
मिरवणूकीचा प्रारंभ : दुपारी 12: 45

(केसरीवाडा गणपती)
'जय श्री राम' 
घोषणांतून गर्दीला मिळाली ऊर्जा
बिडवे बंधूच्या नादमधुर सनई वादनाने केसरीवाडा 
गणेशोत्सवाच्या विसर्जन मिरवणुकीला सुरवात झाली. त्यानंतर समर्थ पथकाने मुलींची तलवार बाजीची प्रात्यक्षिके दाखवून स्त्री शक्तीकडे लक्ष वेधले. पुणेरी पगडी घातलेले वादक या पथकात सहभागी झाले होते. 125 वर्षांपूर्वी स्वामी विवेकानंद आणि लोकमान्य टिळक यांच्या भेटीवर आधारित देखावा त्यांच्या वेशभूषेतच कलाकारांनी सादर केला. शिवमुद्रा ढोल ताशा पथकाने ही दमदार वादन केले तर श्रीराम पथकाने "जय श्री राम' अशा घोषणा देत वादनात अधिक रंगत आणली.
मिरवणूकीचा प्रारंभ : दुपारी 1:10

इतर ताज्या घडामोडी
जळगाव जिल्ह्यातील केळी, कापूस, तूर... जळगाव  ः जिल्ह्यात आठवडाभरापासून असलेले...
सांगलीत गूळ ३५५० ते ४२६० रुपये क्विंटलसांगली : येथील बाजार समितीत गुळाची आवक कमी अधिक...
नाशिकमधील शेतकऱ्यांना कर्जमाफीची... नाशिक  : गेल्या १८ ऑक्‍टोबरला मोठ्या...
वाढत्या मागणीमुळे अंड्यांच्या दरात वाढ नवी दिल्ली : वाढत्या मागणीचा पुरवठ्यावर परिणाम...
ज्वारी - भुईमुग आंतरपिकासाठी खताचे...आफ्रिकेच्या काही भागामध्ये शेतकरी ज्वारीमध्ये...
ढगाळ हवामानामुळे सांगलीतील द्राक्ष... सांगली :  द्राक्ष हंगामाच्या तोंडावर...
वर्धा जिल्ह्यात कर्जमाफीचे केवळ कागदी...वर्धा : शासनाने मोठा गाजावाजा करून १० जुलै रोजी...
शासकीय देणी थकविणाऱ्या कारखान्यांना...पुणे : राज्य शासनाची देणी थकविणाऱ्या साखर...
अकोल्यात बोंडअळी प्रादुर्भावाबाबत... अकाेला : जिल्ह्यात या हंगामात लागवड झालेल्या...
कृषिसेवक भरतीचा तपास सीआयडीकडे द्या पुणे : राज्यात झालेल्या कृषिसेवक भरती...
साध्या यंत्रमागधारकांना व्याजदरात पाच...मुंबई : राज्यातील यंत्रमाग उद्योगाला चालना...
कृषी सल्ला : आंबा, काजू, नारळ, सुपारी,...सद्यस्थितीचा विचार करता पिकानिहाय खालील प्रकारे...
कृषि सल्ला : भाजीपाला, फळभाज्यामिरची : परभणी तेजस, पुसा ज्वाला, पंत सी-१...
नाशिकला टोमॅटोच्या दरातील तेजी कायमनाशिक : जिल्ह्यात टोमॅटो हंगामाने वेग घेतला असून...
नागपुरात सोयाबीन २८०० रुपये क्विंटल नागपूर ः येथील कळमना बाजारात हंगामातील...
सोलापुरात कांदा वधारला; दर ४००० रुपये... सोलापूर ः येथील कृषी उत्पन्न बाजार समितीच्या...
कोल्हापुरात कांदा १००० ते ४२०० रुपये... कोल्हापूर : येथील कृषी उत्पन्न बाजार समितीत या...
जळगावात उडीद, मुगाच्या दरात सुधारणा जळगाव ः डाळ उद्योगासाठी प्रसिद्ध असलेल्या जळगाव...
सोलापुरात ऊसदराच्या आंदोलनाची धग कायम सोलापूर ः प्रशासन, कारखानदार यांच्याकडून अद्याप...
‘वान’च्या पाण्यावरील संपूर्ण अारक्षण... अकोला  ः वान प्रकल्प हा मुख्यतः सिंचनासाठी...