marathi-news-mns-chief-raj-thackeray-criticize-narendra-modi-and-government | Agrowon

बुलेट ट्रेनने अहमदाबाद जाऊन ढोकळा खाण्यापेक्षा इथे चांगले मिळतात
सकाळ वृत्तसेवा
गुरुवार, 21 सप्टेंबर 2017

मुंबई : सोशल मिडीयात काही लपून राहत नाही. सोशल मिडीया अंगाशी येत असलेले पाहून अमित शहा म्हणत आहेत सोशल मिडीयावर विश्वास ठेवू नका. अनेक भक्तांच्या पट्ट्या निघाल्या आहेत. मोदींची निव्वळ थापेबाजी सुरु आहे, अशी जोरदार टीका मनसे अध्यक्ष राज ठाकरे यांनी केली. ते म्हणाले बुलेट ट्रेनविषय़ी पहिल्यांदा बोलणारा मी होतो. तुम्ही मुंबई-दिली, मुंबई-कोलकता करायला हवी होती. अहमदाबादला जाऊन ढोकळा खाण्यापेक्षा येथे चांगले ढोकळे मिळतात.

मुंबई : सोशल मिडीयात काही लपून राहत नाही. सोशल मिडीया अंगाशी येत असलेले पाहून अमित शहा म्हणत आहेत सोशल मिडीयावर विश्वास ठेवू नका. अनेक भक्तांच्या पट्ट्या निघाल्या आहेत. मोदींची निव्वळ थापेबाजी सुरु आहे, अशी जोरदार टीका मनसे अध्यक्ष राज ठाकरे यांनी केली. ते म्हणाले बुलेट ट्रेनविषय़ी पहिल्यांदा बोलणारा मी होतो. तुम्ही मुंबई-दिली, मुंबई-कोलकता करायला हवी होती. अहमदाबादला जाऊन ढोकळा खाण्यापेक्षा येथे चांगले ढोकळे मिळतात.

मुंबई रवींद्र नाट्यमंदिरात राज ठाकरे यांच्या फेसबुक पेजचे अनावरण करण्यात आले. राज ठाकरे यांनी या कार्यक्रमातही उपस्थितांशी संवाद साधला. या कार्यक्रमात अजित भुरे यांनी राज ठाकरेंवर लिहिलेल्या लेखातील काही मुद्दे वाचून दाखविले.

राज ठाकरे म्हणाले, ''सोशल मिडीयाचा वापर 2009 पासून सुरु झाला. फेसबुक पेजवर खरे असेल हे ठरवून मी येथे आलो आहे. मोदींच्या ट्विटर अकाऊंटवर 48 टक्के फॉलोअर्स फेक आहेत. त्यावर कोणतेही आकडे फुगवलेले नसतील. मोदी नेपाळमध्ये गेले असताना एका नागरिकाने त्यांना सांगितले माझे नाव थापा तर त्यावर मोदी म्हणाले मला थापाडे म्हणतात. नुसती भाषणे किती काळ ऐकायची. काहीतरी होईल अशी अपेक्षा होती. आतापर्यंत नुसती भाषणचं ऐकत आलोय. मेक इन इंडियावर कोणी बोलायलाच तयार नाही. निवडणुकीपूर्वी देशभरातून लोखंड जमा केले होते. सरदार वल्लभभाई पटेल यांच्या पुतळ्यासाठी, कुठायं आता तो पुतळा. नोटाबंदीचे तसेच झाले. रिझर्व्ह बँकेने सांगितले 99 टक्के पैसे परत आले. मगं काळा पैसा कुठे गेला. परदेशातील काळा पैसा आणणार आणि प्रत्येकाच्या खात्यात 15 लाख रुपये टाकणार असे म्हटले होते. पण, या सगळ्या थापाच निघाल्या. या भाजपनेच म्हटले होते, देशातील 65 टक्के नागरिकांचे बँकेत खातेच नाही. मग तुम्हाला कळले नाही का नोटाबंदी करताना. अजून वेळ गेलेली नाही. पण, या गोष्टींची सवय झाली की तसेच वागायला सुरवात होते. मध्येच कुठेतरी योगा काढायचा आणि झाले मग सुरु स्वच्छ भारत. त्यानंतर आता नवीन काहीतरी काढायचं. आता फुटबॉल सुरु केले आहे. तुम्ही त्या सिंधुदुर्गचा फुटबॉल करून ठेवला. भारत स्वच्छ करण्यापूर्वी महानगरपालिका, राज्य सरकार स्वच्छ करायला घ्या. काँग्रेसच्या आणि आताच्या काळात काय फरक पडला सांगा. साडेतीन वर्षांत नोटेचा रंग बदलल्याशिवाय काही झाले नाही. बुलेट ट्रेनविषय़ी पहिल्यांदा बोलणारा मी होतो. तुम्ही मुंबई-दिली, मुंबई-कोलकता करायला हवी होती. अहमदाबादला जाऊन ढोकळा खाण्यापेक्षा येथे चांगले ढोकळे मिळतात. मुंबई आमची आहे आणि राहणाराच. मुंबई गुजरातला जोडण्याचे जुने स्वप्न आहे, त्यासाठी हे सर्व सुरु आहे. मुंबई मेट्रोपण त्यासाठी सुरुच केली. मराठी माणसाचे अस्तित्व संपवण्याचा प्रयत्न आहे. मराठी माणसाला नख लावण्याचा प्रयत्न केला तर महाराष्ट्रभर धिंगाणा घालू. भाजपमधील मराठी नेते हुजरे आहेत.''

शेतकरी गळफास घेऊन मरत असताना बुलटे ट्रेनने प्रवास कमी झाला पाहिजे, हे कशासाठी. फेसबुक पेज विरोध करण्यासाठी नाही, तर चुकीचे ते चुकीचे आणि चांगले ते चांगले सांगण्यासाठी. सत्ताधाऱ्यांचे अभिनंदनही करेल आणि चाबूक काढायला मागे पुढे बघणार नाही. जपानच्या पंतप्रधानांना गुजरातच्या प्रचारासाठी वापरण्यात येत आहे, हे त्यांना तिकडे गेल्यावर कळले, असे राज ठाकरे यांनी सांगितले. 

दाऊदलाच यायचंय भारतात - राज ठाकरे
दाऊद इब्राहिमला स्वतः भारतात यायचे आहे. त्यामुळे तो केंद्र सरकारबरोबर बोलणे करत आहे. भाजपवाले आता हेच सांगणार बघा आम्ही दाऊदला आणले. काँग्रेसला आतापर्यंत जमले नाही आम्ही केले. चीनचे सैन्य पण फक्त डोकलाममध्येच आले. तेही गेले परत आणि आम्हीही आलो परत, सगळे ठरलेल होते, असे राज ठाकरे यांनी सांगितले.

महिन्यातून एकदा 'फेसबुक लाईव्ह' करणार
सोशल मिडीया हे लोकांपर्यंत पोहचण्यासाठी प्रभावी माध्यम असून, महाराष्ट्र नवनिर्माण सेनेचे (मनसे) धोरणे लोकांपर्यंत मांडण्यासाठी फेसबुक पेजचा वापर करणार आहे. त्यामुळे दर महिन्यातून मी फेसबुक लाईव्हच्या माध्यमातून नागरिकांशी संवाद साधणार आहे, असे राज ठाकरे यांनी सांगितले.

इतर ताज्या घडामोडी
प्रकल्पग्रस्त वयोवृद्ध शेतकऱ्याचा...मुंबई : धुळे जिल्ह्यातील धर्मा पाटील या...
हिरव्या मिरचीच्या दरात जळगावात सुधारणाजळगाव ः येथील कृषी उत्पन्न बाजार समितीमध्ये...
शेतकरी कन्या झाली उत्पादन शुल्क निरीक्षकयवतमाळ : इंजिनिअर होऊन प्रशासकीय सेवेत आपले...
चिकू बागेत आच्छादन, पाणी व्यवस्थापन...चिकूचे झाड जस जसे जुने होते त्याप्रमाणे त्याचा...
‘गिरणा’तून दुसरे आवर्तन सुरू पण... जळगाव  ः जिल्ह्यातील शेतीसाठी महत्त्वपूर्ण...
मातीच्या ऱ्हासासोबत घडले प्राचीन...महान मानल्या जाणाऱ्या अनेक प्राचीन संस्कृतींचा...
अर्थसंकल्पासाठी नागरिकांनी सूचना...मुंबई : शासनाच्या ध्येय-धोरणांचे प्रतिनिधीत्व...
माफसूला जागतिक स्तरावर लौकिक मिळवून...नागपूर : पदभरती, ॲक्रीडेशन यासारखी आव्हाने...
कर्जमाफीची रक्कम द्या; अन्याथ लेखी द्यापुणे : २००८ मधील कर्जमाफीची रक्कम नाबार्डने...
नुकसानभरपाईची मागणी तथ्यांवर आधारित...नागपूर : नॅशनल सीड असोसिएशनने बोंड अळीला...
बदल्यांअभावी राज्यात कृषी... नागपूर : राज्यात गेल्या दोन वर्षांपासून कृषी...
हवामान बदलाचा सांगलीतील द्राक्ष बागांना... सांगली  ः गेल्या दोन दिवसांपासून हवामानात...
साताऱ्यातील चौदाशेवर शेतकरी ठिबक...सातारा : जिल्ह्यातील २०१६-१७ मध्ये चौदाशेवर...
सोलापूर बाजारात कांद्याच्या दरात पुन्हा...सोलापूर : सोलापूर कृषी उत्पन्न बाजार समितीच्या...
रब्बी पेरणीत बुलडाण्याची आघाडी अकोला  ः अमरावती विभागात यंदाच्या रब्बी...
कोल्हापुरात हिरवी मिरची तेजीतकोल्हापूर : येथील बाजारसमितीत या सप्ताहात हिरवी...
सरकार कीटकनाशक कंपन्यांच्या दबावात यवतमाळ (प्रतिनिधी) : जिल्ह्यात कीटकनाशक फवारणीतून...
पुण्यात गवार, भेंडी, चवळीच्या दरात अल्प...पुणे : गुलटेकडी येथील बाजार समितीमध्ये रविवारी (...
मृदा आरोग्य पत्रिकावाटपात पुणे आघाडीवरपुणे : शेतकऱ्यांना जमिनीत असलेल्या अन्नद्रव्याचे...
बदलत्या वातावरणामुळे ब्रॉयलर्स मार्केट... मागणी आणि पुरवठ्यातील संतुलनामुळे अंडी आणि...