agriculture news in marathi, weekly Poultry analysis | Agrowon

खप घटल्याने ब्रॉयलर्स नरमले, बाजार स्थिरावणार
दीपक चव्हाण
सोमवार, 27 ऑगस्ट 2018

उत्तर भारतातील श्रावण संपला आहे, तर महाराष्ट्रात दुसरा पंधरवडा सुरू आहे. चालू आठवड्यापासून मागणीत वाढ होऊन सध्याच्या पातळीवर बाजारभाव स्थिरावेल, असे तज्ज्ञांनी म्हटले आहे.

 

नाशिक विभागात शनिवारी (ता. २५) रोजी ६६ रु. दरम्यान लिफ्टिंग झाले. आधीच्या आठवड्याच्या तुलनेत बाजारभाव चार रु. ने नरमले आहेत. तथापि, गेल्या काही वर्षांच्या तुलनेत श्रावणचा पहिला पंधरवडा हा बाजारभावाच्या दृष्टीने सकारात्मक राहिला आहे. 

खडकेश्वर हॅचरिजचे संचालक संजय नळगीरकर म्हणाले की, शनिवारी (ता. २५) रोजी लिफ्टिंगमध्ये वाढ झाली. मागील आठवड्यातील तीन दिवस बकरी ईदमुळे कमी प्रमाणात लिफ्टिंग झाले. परिणामी पॅनिक सेलिंग वाढले होते. तथापि, शनिवारी परिस्थिती सुधारली. रविवार आणि रक्षाबंधन एकाच दिवशी आल्याने मागणी वाढली. रविवारचे (ता. २६) रिटेल सेलिंगही चांगले होते. गुजरातमध्ये ६७ - ६८ रु. तर आंध्र व कर्नाटकात ७० ते ७२ दरम्यान बाजारभाव आहे. उत्तर भारतातील श्रावण संपल्यामुळे तेथील मागणी सुधारेल. पुढच्या आठवड्यात ब्रॉयलर पुरवठा कमी राहील. एकंदरीत महिन्याचा शेवटचा आठवडा असला तरी सध्याचा बाजारभाव टिकून राहू शकतो. यासाठी सर्वांनी सव्वा दोन किलोच्या आतच वजने राखली पाहिजेत. पुरवठा घटल्याने हॅचिंग एग्ज बाजारभाव १९.५० पर्यंत सुधारला आहे. पुढील आठवड्यात चिक्सच्या बाजारभावात सुधारणा शक्य आहे. ३१ ते ५ सप्टेंबर दरम्यान बाजारात पिल्लांची उपलब्धता राहणार नाही.

कोमरला समूहाचे संचालक कृष्णचरण यांनी सांगितले, की मागील आठवड्यात ब्रॉयलर मार्केट ३ ते ४ रुपयांनी नरमले. बकरी ईदमुळे प्रामुख्याने खप घटला. मात्र, मागणीनुसार पुरवठ्याच्या नियोजनामुळे वजने आणि संख्याही नियंत्रणात होती. दक्षिण भारतात तेलंगणा व कर्नाटकातील जोरदार मागणीमुळे बाजारभाव ७० रु. वर पोचले आहेत. उत्तर भारतातील श्रावण संपला आहे. तर महाराष्ट्रात दुसरा पंधरवडा सुरू आहे. परिणामी मागणीत वाढ होऊन त्याचे रुपांतर बाजारभावात दिसू शकते.
पुढील आठवड्यात बाजारभाव ६५ रु. दरम्यान स्थिरावतील, असे नाशिक येथील ज्युपिटर अॅग्रोचे संचालक डॉ. सीताराम शिंदे यांनी म्हटले आहे. शेजारी राज्यातील बाजारभाव महाराष्ट्रापेक्षा उंच आहेत. महाराष्ट्रातील वजने आणि संख्या संतुलित आहे. त्यामुळे विक्रीसाठी कुठलाही दबाव नाही. म्हणून येत्या आठवड्यांत महाराष्ट्रातील बाजारभाव वर नेण्यासाठी पूरक परिस्थिती आहे, असेही ते म्हणाले.

गेल्या दोन आठवड्यांपासून टेबल एग्जचे बाजारभाव स्थिरावले आहेत. सध्याचा बाजार उत्पादन खर्चाच्या आसपास आहे. श्रावणातील घटत्या मागणीचा अंड्याच्या बाजाराला फटका बसला आहे. चालू आठवड्यातील सरासरी विक्री दर ३४० रु. दरम्यान आहे. तथापि, अनेक विभागात पॅनिक सेलिंगमुळे पेपर रेटच्या तुलनेत मोठ्या फरकाने बाजार तुटल्याचे पहावयास मिळाले. प्रतिशेकडा ३०० रु. खाली माल विकल्याच्या नोंदी आहेत.
 

प्रकार भाव (रु) परिमाण बाजारपेठ
ब्रॉयलर ६६ प्रतिकिलो नाशिक
चिक्स २५ प्रतिनग पुणे
हॅचिंग एग्ज १९.५० प्रतिनग मुंबई
अंडी ३०५ प्रतिशेकडा पुणे

आषाढ असो की श्रावण, किफायती भाव मिळण्यासाठी एकच सूत्र आहे. ब्रॉयलर्सची वजने सव्वा दोन किलोच्या आत ठेवणे.
- संजय नळगीरकर

इतर अॅग्रोमनी
रुपयाचे अवमूल्यन, सरकीतील तेजीने कापूस...पुणे ः सध्या कापसाचे दर बाजारात ६५००...
‘कडवंची ग्रेप्स’ ब्रँडसाठी कृषी...कडवंची गावाला द्राक्षबागेने आर्थिक स्थैर्य आणि...
कडवंची : द्राक्षाच्या थेट विक्रीद्वारे...कडवंचीमधील द्राक्ष बागायतदारांनी विविध राज्यांतील...
नियोजन, काटेकोर अंमलबजावणीतून साधला...शेतीतील वाढता खर्च ही शेतकऱ्यांसमोरची मुख्य...
हळद, मका, कापूस मागणीत वाढीचा कलएप्रिल महिन्यात हळदीची मागणी वाढत आहे. त्यामुळे...
पुढील हंगाम ७० लाख टन साखरेसह सुरू होणारकोल्हापूर : साखर हंगाम आता अंतिम टप्प्यात आला आहे...
कौशल्य विकासातून संपत्तीनिर्माणशेती-उद्योगात प्रशिक्षित मनुष्यबळ निर्माण ...
मिरज बाजारात जनावरांचे दर घटले सांगली ः चारा महागलाय, पाणी नाय, केवळ...
दुष्काळात शेतकऱ्यांसाठी लिंबाचा आधारउन्हाळ्यात लिंबाला मोठी मागणी असते. यंदाच्या...
कापूस, मक्याच्या मागणीत वाढ सध्या बाजारपेठेत मका, हळदीच्या मागणीत वाढ आहे....
कापसाच्या किमतीत आणखी सुधारणानिवडणुकीमुळे पुढील दोन महिने बहुतेक पिकांच्या...
जळगाव जिल्ह्यात हरभरा खरेदीसंबंधी तयारी...जळगाव ः जिल्ह्यात शासकीय हरभरा खरेदीसंबंधीची...
सेंद्रिय उत्पादनातून आठ वर्षात तीन...आधी शिक्षण, बहुराष्ट्रीय बॅंकेतील नोकरी यामुळे...
सुधारित जोडओळ पद्धतीमुळे कपाशीतून...सोगोडा (जि. बुलढाणा) येथील विजय पातळे या कपाशी...
कापसाच्या निर्यात मागणीत वाढीची शक्यताया सप्ताहात गेल्या सप्ताहाच्या तुलनेने सोयाबीन व...
कापूस, हळद, हरभऱ्याच्या भावात वाढया सप्ताहात गेल्या सप्ताहाच्या तुलनेने मका,...
बांबू व्यापाराला चांगली संधीयेत्या काळात राज्यातील बांबूचा व्यापार वाढवायचा...
भारतातील पाच कडधान्यांच्या हमीभावावर...वॉशिंग्टन : भारतात पाच कडधान्यांना दिल्या...
भारतीय चवीच्या चॉकलेटची वाढती बाजारपेठकार्तिकेयन पलानीसामी आणि हरीश मनोज कुमार या दोघा...
सुधारित पट्टापेर पद्धतीने वाढले एकरी ३१...पारंपरिक पद्धतीने सोयाबीन तूर हे आंतरपीक अनेक...