agriculture news in marathi, weekly poultry analysis | Agrowon

वजनरूपी पुरवठ्यात वाढ; बाजारात नरमाई
दीपक चव्हाण
सोमवार, 3 सप्टेंबर 2018

श्रावणातील पहिल्या पंधरवड्यात ब्रॉयलर्सला किफायती दर मिळाले. दुसऱ्या पंधरवड्यात दर नरमले आहेत. वजनरूपी पुरवठ्यात सातत्याने वाढ होत आहे. पुरवठ्यातील वाढ आणि सणासुदीच्या काळामुळे बाजारभाव दबावात राहण्याची चिन्हे आहेत.

नाशिक विभागात शनिवारी (ता. १) ६२ रु. प्रतिकिलो दराने लिफ्टिंग झाले. मागील आठवड्याच्या तुलनेत दहा टक्क्यांनी बाजारभाव नरमले आहेत. नाशिकस्थित स्वप्निल ॲग्रोचे संचालक वैभव पवार म्हणाले, की रविवारी श्रीकृष्ण जन्माष्टमीमुळे चिकनची विक्री घटली. परिणामी शनिवारी लिफ्टिंग कमी झाले. पुढील काळात पुरवठा वाढण्याचे चित्र दिसत आहे.

सध्याची प्लेसमेंट ही दसरा सणाच्या आसपास निघेल. त्यामुळे चिक्सला चांगली मागणी असून, त्यांचे दरही उंचावले आहेत. पुणेस्थित योजना पोल्ट्रीचे संचालक राजू भोसले म्हणाले, की यापुढील काळात ब्रॉयलर्सच्या बाजारभावात साशंकता वाटतेय. कारण उत्पादन चांगले येईल, असे दिसते. हॅचिंग एग्ज आणि पिलांचा कुठेही तुटवडा दिसत नाही. किंबहुना मागणीपेक्षा काहीसा पुरवठा अधिक आहे. त्यामुळे बाजारभावाविषयक चित्र सकारात्मक दिसत नाही. पुढील महिन्यात ऑक्टोबर हीटमुळे नैसर्गिकरीत्या उत्पादन कमी झाले, तर पुरवठा संतुलित होऊ शकतो किंवा मंदीमुळे नैसर्गिकरीत्या उत्पादन कमी केले तरच बाजारभाव संतुलित होतील.

श्रावण संपल्यानंतर खप वाढीला मदत होणार असली तरी त्यासाठीचा अवधी कमी दिवसांचा आहे. ता. ९ रोजी श्रावण महिन्याचा कालावधी संपत आहे. मात्र, १३ सप्टेंबरपासून गणेशाेत्सव सुरू होत आहे. श्रावणाप्रमाणेच गणेशाेत्सवात घरगुती खप मोठ्या प्रमाणावर घटतो. परिणामी बाजारभावार दबाव दिसतो. गेल्या वर्षी गणेशाेत्सव संपल्यानंतर तत्काळ बाजारभावात सुधारणा झाली होती. या वर्षी त्याची पुनरावृत्ती व्हायला हवी असेल, तर पुरवठा आणि वजने नियंत्रणात असणे गरजेचे आहे. ता. २३ सप्टेंबर ते ९ ऑक्टोबर या कालावधीत पुन्हा खप वाढीला चालना अपेक्षित आहे. १० ऑक्टोबरपासून घटस्थापना आणि नवरात्र सुरू झाल्यानंतर खपात पुन्हा मोठी घट होईल. खास करून गुजरात राज्यात नवरात्र काळात श्रावणाप्रमाणेच खपात मोठी घट होत असते.

दरवर्षी काही अपवाद वगळता नवरात्रात बाजारभाव मंदीत असतात. त्यामुळे या कालावधीसाठी ओपन फार्मर्स प्लेसमेंट कमी ठेवतात. श्रावण ते नवरात्र या काळातील सरासरी बाजारभाव हे उत्पादन खर्चापेक्षा कमी असतात. त्यामुळे या काळात पुरवठा संतुलित ठेवण्याचे आव्हान पोल्ट्री उद्योगसमोर असते. अनेकदा या कालावधीत सप्लाय ग्लट नोव्हेंबरअखेरपर्यंत टिकतो. गेल्या काही वर्षांत डिसेंबरच्या दुसऱ्या पंधरवड्यापासून बाजारभावात सुधारणेचा कल दिसला आहे.  
 

प्रकार भाव परिमाण बाजारपेठ
ब्रॉयलर ६२ प्रतिकिलो नाशिक
चिक्स २७ प्रतिनग पुणे
हॅचिंग एग्ज २१ प्रतिनग मुंबई
अंडी ३१७ प्रतिशेकडा पुणे

रविवार (ता. १) रोजी पुणे विभागात ३१७ रु. प्रतिशेकडा दराने टेबल एग्जचे लिफ्टिंग झाले. गेल्या आठवड्याच्या तुलनेत बाजारात सुधारणा आहे. श्रावणाच्या शेवटच्या आठवड्यापासून खपात सुधारणा दिसते. बाजारभावातही त्याचे रुपांतर दिसत आहे. ऑगस्ट महिन्यात ३३८ रु. प्रतिशेकडा सरासरी  लिफ्टिंग दर होता. सध्याच्या उत्पादन खर्चाच्या तुलनेत लिफ्टिंग दर फारसा किफायती नव्हता. राज्यात काही विभागात पेपर रेटपेक्षा खूपच कमी दराने व्यापाऱ्यांनी बोली लावली. काही ठिकाणी पावणेतीनशे रु.पर्यंत बाजारभाव घसरले होते. राज्यातील वाढते उत्पादन आणि बाहेरील राज्यांतील स्वस्त मालाची आवक हे पुढील काळात बाजारभावाच्या दृष्टीने आव्हानात्मक ठरणार आहे.
 

इतर अॅग्रोमनी
कापूस कोंडी टाळण्यासाठी मिशन मोडवर काम...भारत हा जगातील पहिल्या क्रमांकाचा कापूस उत्पादक...
हळद, हरभऱ्याच्या फ्युचर्स भावात चढ -...या सप्ताहात कापूस, गवार बी व हरभरा वगळता सर्व...
इंटरनेटद्वारे कृषिमालाचे प्रभावी विपणनएकविसाव्या शतकातील माणूसही इंटरनेटच्या वेगाने...
पुढील काही महिने हळदीच्या दरावर ठेवा...या सप्ताहात सोयाबीन व गहू वगळता सर्व पिकांचे भाव...
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...
सोयामील निर्यात ७० टक्के वाढण्याचा अंदाजदेशाची सोयामील (सोयापेंड) निर्यात २०१८-१९ या...
आधुनिक मत्स्यपालन : एक शाश्वत...पुणे ः नाशिक रस्त्यावर मंचरपासून जवळच अवसरी खुर्द...