agriculture news in marathi, jalyukt shivar scheme depend on agriculture department, nagar, maharashtra | Agrowon

नगर जिल्ह्यात ‘जलयुक्त’ची मदार कृषी विभागावरच
टीम अॅग्रोवन
सोमवार, 10 सप्टेंबर 2018

नगर  ः जलयुक्त शिवार अभियानातून यंदा (२०१८-१९) नगर जिल्ह्यात करण्यात येणाऱ्या ७०८७ कामांपैकी सर्वाधिक ५०६० कामे कृषी विभाग करणार आहे. २४८ कोटींच्या आराखड्यात १२१ कोटी ९२ लाख रुपये कृषी विभाग खर्च करणार आहे. त्यामुळे यंदा होणाऱ्या कामांत `जलयुक्त`ची सगळी मदार कृषी विभागावर असल्याचे स्पष्ट झाले आहे. जिल्हा परिषदेने जलयुक्तच्या कामात फार जबबादारी घेतलेली नाही.

नगर  ः जलयुक्त शिवार अभियानातून यंदा (२०१८-१९) नगर जिल्ह्यात करण्यात येणाऱ्या ७०८७ कामांपैकी सर्वाधिक ५०६० कामे कृषी विभाग करणार आहे. २४८ कोटींच्या आराखड्यात १२१ कोटी ९२ लाख रुपये कृषी विभाग खर्च करणार आहे. त्यामुळे यंदा होणाऱ्या कामांत `जलयुक्त`ची सगळी मदार कृषी विभागावर असल्याचे स्पष्ट झाले आहे. जिल्हा परिषदेने जलयुक्तच्या कामात फार जबबादारी घेतलेली नाही.

नगर जिल्ह्यामधील लोकांनी गेल्या दहा वर्षात तब्बल आठ वर्ष दुष्काळ सोसला आहे. मुळा, भंडारदरा प्रकल्पाच्या लाभक्षेत्रातील काही मोजकी गावे वगळला तरी अन्य जिल्हाभर सिंचनाचा अभाव असल्याचा परिणाम दिसून आलेला आहे. त्यामुळे पाणीदार आणि सधन अशी ओळख असलेल्या नगर जिल्ह्यामध्ये दुष्काळामुळे शेती अडचणीत आली. शेतीला जोड व्यवसाय असलेल्या दूध व्यवसायालाही अडचणी निर्माण झाल्या. त्यामुळे लोकांनी पाण्याचे महत्त्व समजून आले आहे.

शासनाने दुष्काळावर मात करण्यासाठी, तसेच शेतीला शाश्‍वत पाणी उपलब्ध व्हावे, राज्य टॅंकरमुक्त व्हावे, यासाठी २०१५-१६पासून कृषी विभागासह अन्य विविध योजनांचा ताळमेळ घालत सरकारने जलयुक्त शिवार अभियान सुरू केले. मागील पाच वर्षे सलग टॅंकरने पाणीपुरवठा होणाऱ्या, सिंचनाचा अभाव, अशा निकषांवर जलयुक्त शिवार अभियान राबविण्यासाठी गावांची निवड केली गेली. पहिल्या वर्षी २७९, दुसऱ्या वर्षी २६८, तिसऱ्या वर्षी २४१ गावे निवडली. या तीन वर्षांत ‘जलयुक्त’वर सुमारे ३०० कोटींहून अधिक खर्च झाला. त्यातून सुमारे २५ हजारांहून अधिक कामे मार्गी लागली.

यंदाचे चौथे वर्ष असून, निकषांनुसार २४९ गावांची निवड केली आहे. जलयुक्त शिवार अभियान राबवताना समन्वयक यंत्रणा कृषी विभागाची जबाबदारी असली तरी सात जलयुक्तची कामे करणाऱ्या सात यंत्रणेपैकी अभियानाची मदारच कृषीवर आहे. यंदा करण्यात आलेल्या ७ हजार ८७ कामांच्या आराखड्यात कृषी विभाग तब्बल ५०६० कामे नियोजित केली आहेत. जिल्हाधिकारी राहुल द्विवेदी यांनी जलयुक्तची कामे प्रभावीपणे व्हावीत यासाठी सूचना दिल्या आहेत.

जिल्हा परिषद, वनीकरण विभागांची मोजकीच कामे
जलयुक्त शिवार अभियानात सहभागी होऊन प्रभावी कामे करावीत, अशी शासनाची आणि प्रशासनाची अपेक्षा आहे. मात्र, यंदाच्या आराखड्यात जिल्हा परिषद, वनविभाग, वरिष्ठ भू वैज्ञानिक विभागाने फारसी जबाबदारी घेतल्याचे दिसत नाही. जिल्हा परिषदेच्या ग्रामपंचायत विभागाअंतर्गत येणाऱ्या १३११ ग्रामपंचायतींचा विचार करता नियोजित कामे अल्प आहेत.

यंत्रणानिहाय कामाचे नियोजन (कंसात खर्च होणारा निधी)

  •  कृषी विभाग ः ५०६० (१२१ कोटी ९२ लाख)
  • लघुसिंचन (जिल्हा परिषद) ः ५०७ (४८ कोटी ५६ लाख)
  • वरिष्ठ भू वैज्ञानिक ः १२३  (३ कोटी ३८ लाख)
  • उपमुख्य कार्यकारी अधिकारी (ग्रामपंचायत) ः ३३८ (६० लाख ५८ हजार)
  • जलसंधारण (स्थानिक स्तर) ः २४६ (५२ कोटी ८१ लाख)
  • वनविभाग ः ७९७  (१९ कोटी ५१ लाख, ७९ हजार)
  • सामाजिक वनीकरण ः १६  (१ कोटी ४७ लाख)

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...