agriculture news in marathi, 2.5 lac applications of drip subsidy rejected, Maharashtra | Agrowon

काटेकोर छाननीमुळे ठिबक अनुदानाचे अडीच लाख अर्ज रद्द
टीम अॅग्रोवन
बुधवार, 12 सप्टेंबर 2018

पुणे: राज्यात ठिबकपासून वंचित राहिलेल्या खऱ्या लाभार्थ्यांना अनुदान देण्याचा प्रयत्न कृषी खात्याने सुरू केला आहे. त्यासाठी काटेकोरपणे केलेल्या छाननीतून तब्बत अडीच लाख अर्ज रद्द करण्यात आले आहेत, अशी माहिती सूत्रांनी दिली. 

‘‘२०१७-१८ या आर्थिक वर्षात अर्ज केल्यानंतर पूर्वसंमती मिळवून देखील अद्याप ३० हजार शेतकऱ्यांना अनुदान मिळालेले नाही. मात्र, या शेतकऱ्यांनी अजिबात काळजी करण्याचे कारण नसून पुढील काही दिवसात आधार संलग्न बॅंक खात्यात अनुदान जमा होईल. कारण, अनुदानाची रक्कम यापूर्वीच जिल्हा अधीक्षक कृषी अधिकाऱ्यांकडे पाठविण्यात आलेली आहे,’’ अशी माहिती सूत्रांनी दिली.

पुणे: राज्यात ठिबकपासून वंचित राहिलेल्या खऱ्या लाभार्थ्यांना अनुदान देण्याचा प्रयत्न कृषी खात्याने सुरू केला आहे. त्यासाठी काटेकोरपणे केलेल्या छाननीतून तब्बत अडीच लाख अर्ज रद्द करण्यात आले आहेत, अशी माहिती सूत्रांनी दिली. 

‘‘२०१७-१८ या आर्थिक वर्षात अर्ज केल्यानंतर पूर्वसंमती मिळवून देखील अद्याप ३० हजार शेतकऱ्यांना अनुदान मिळालेले नाही. मात्र, या शेतकऱ्यांनी अजिबात काळजी करण्याचे कारण नसून पुढील काही दिवसात आधार संलग्न बॅंक खात्यात अनुदान जमा होईल. कारण, अनुदानाची रक्कम यापूर्वीच जिल्हा अधीक्षक कृषी अधिकाऱ्यांकडे पाठविण्यात आलेली आहे,’’ अशी माहिती सूत्रांनी दिली.

अनुदान वाटपात पात्र शेतकरी वंचित राहू नये तसेच बनावट अर्जांना ऑनलाइन प्रणालीतून वाव मिळू नये, यासाठी काटेकोरपणे छाननी करण्याच्या सूचना कृषी आयुक्तांनी दिल्या होत्या. त्यामुळे बनवेगिरी करणाऱ्या प्रवृत्तींना चांगलाच दणका बसला आहे. पाच लाख २७ हजार ऑनलाइन अर्ज आल्यानंतर कृषी विभागातील जिल्हानिहाय कर्मचाऱ्यांनी तपासणीत अजिबात ढिलाई दाखविली नाही. यात काही अर्ज दोन नव्हे तर दहा-दहा वेळाही आढळले. त्यानंतर पूर्वसंमती घेऊनही संच न बसविणे, संच बसविल्यानंतर बिले अपलोड न करणे,  संच न बसविताच बनवेगिरीसाठी नुसतीच बिले अपलोड करणे असे जवळपास दोन लाख ५७ हजार अर्ज छाननीत बाद करण्यात आले आहेत, असे सूत्रांनी स्पष्ट केले. 

कृषी खात्याच्या मोका तपासणीवर यापूर्वी अनेक वेळा आक्षेप घेण्यात आलेला आहे. तपासणी कडक झाल्यास गैरव्यवहार टळतील, असा आग्रह कृषी आयुक्तालयाचा होता. त्यामुळे मोका तपासणीनंतर रद्द करण्यात आलेले अनुदान अर्ज देखील वाढले आहेत. मात्र, असे अर्ज किती याची माहिती कृषी खात्याकडे नाही. 

गेल्या हंगामातील ठिबक अनुदानामुळे राज्यात पावणे दोन लाख हेक्टरपेक्षा जादा क्षेत्र ठिबक खाली आले आहे. दरम्यान, शेतकऱ्यांसाठी ऑनलाइन अर्जाची स्वीकारणी सध्या सुरू आहे. कोणाचीही मदत न घेता स्वतः शेतकरी देखील अर्ज दाखल करू शकतात. त्यासाठी http://mahaethibak.gov.in या संकेतस्थळावरून माहिती घ्यावी. शेतकऱ्यांनी अर्ज अपलोड कऱण्यासाठी उशीर करू नये, असे सूत्रांचे म्हणणे आहे. 

पात्र शेतकरी वंचित राहणार नाहीत
राज्यात पात्र ठरलेल्या २ लाख ३६ हजार शेतकऱ्यांच्या थेट बॅंक खात्यात आतापर्यंत ५९८ कोटी रुपये अनुदान वर्ग करण्यात आलेले आहे. उर्वरित ३० हजार शेतकऱ्यांना अंदाजे १०० कोटी रुपये येत्या काही दिवसात मिळण्याची शक्यता आहे. कोणताही पात्र शेतकरी अनुदानापासून वंचित राहणार नाही याची काळजी घेतली जात आहे, असेही कृषी विभागाच्या सूत्रांनी स्पष्ट केले. 

२०१७-१८ मधील ऑनलाइन अर्जांची स्थिती 

  • आलेले अर्ज  ५ लाख २७ हजार 
  • रद्द केलेले अर्ज २ लाख ५७ हजार 
  • मंजूर केलेले अर्ज २ लाख ६६ हजार 
  • आतापर्यंत वाटलेले अनुदान ५९८ कोटी 
  • अनुदानवाटप बाकी असलेले अर्जदार ३० हजार

इतर अॅग्रो विशेष
अकोला कृषी विद्यापीठात ड्रोनद्वारे...नागपूर ः ड्रोनद्वारे फवारणीचा राज्यातील पहिला...
विदर्भात आज अतिवृष्टीचा इशारा पुणे ः बंगालच्या उपसागरात तयार झालेल्या कमी दाब...
राज्यातील १७ जिल्हे दुष्काळाच्या छायेतमुंबई ः राज्यात मॉन्सूनचे आगमन झाल्यानंतर अनेक...
प्रयत्नवादातून उभारलेला बेकर्स वेव्ह...वडगाव मावळ तालुक्यातील (जि. पुणे) दिवड येथील...
चीनसह बांगलादेशची कापूस आयात वाढणारजळगाव ः देशात आॅगस्टअखेर ११२ लाख हेक्‍टरवर...
भाजीपाला शेतीसह कापूस बीजोत्पादनातील...भाजीपाला पिके तसेच कापूस बीजोत्पादन या पद्धतीतून...
मिर्झापूर ः साखळी शेततळ्यांचे गाव‘मागेल त्याला शेततळे` योजनेअंतर्गत मिर्झापूर (ता...
इजा झाल्यानंतर वनस्पती पाठवतात धोक्याचा...जेव्हा वनस्पतींना इजा होते, त्या वेळी वनस्पतीच्या...
ठिबक नोंदणीवरील विक्रेत्यांच्या...नागपूर  ः ठिबक नोंदणीवरील विक्रेत्यांच्या...
कमी दाब क्षेत्राचे निर्माण; पावसाच्या...पुणे   : बंगालच्या उपसागरात कमी दाबाचे...
पावसाने ताण दिल्यामुळे खरीप धोक्यातपुणे ः राज्यात काही ठिकाणी परतीच्या पावसाने हजेरी...
चांदक-गुळूंब अोढा जोडप्रकल्पाने साधली...सातारा जिल्ह्यातील चांदक-गुळुंब (ता. वाई) हा ओढा...
सोयाबीनवरील पाने खाणाऱ्या अळ्या व...सध्या सोयाबीन पीक काही ठिकाणी शेंगा लागण्याच्या व...
साखरेच्या गोळ्याही करतील वेदना कमीवाढत्या स्थौल्यत्वासारख्या व त्या अनुषंगाने...
राज्यातील विकास सोसायट्यांना रिक्त...सांगली ः राज्यातील विकास सोसायट्यांची संख्या २१...
पावसाच्या तुरळक हजेरीने हलका दिलासापुणे: पावसाच्या दीर्घ खंडानंतर राज्यात दोन...
पुण्यात एक ऑक्टोबरला ‘कृषी कल्चर’ ज्ञान...पुणे ः शेतीमधील बदलत्या तंत्रावर प्रकाश टाकणारा...
पोटॅशचा मोठा तुटवडाजळगाव  ः रेल्वेकडून खत पुरवठादार किंवा खत...
नोकरी गमावली पण रेशीम शेतीतून पत कमावलीसातपुड्याच्या पायथ्याशी वसलेल्या संग्रामपूर...
राज्यात उद्यापासून पावसाचे संकेतपुणे: बंगालच्या उपसागरात तयार होत असलेल्या कमी...