agriculture news in marathi, soyabean, cotton crops damage due to lack of rain, aurangabad, maharashtra | Agrowon

मराठवाड्यात सोयाबीन,कपाशीला पावसाच्या खंडाचा फटका
टीम अॅग्रोवन
बुधवार, 12 सप्टेंबर 2018

औरंगाबाद   : यंदा पावसाळ्याची सुरवात चांगली झाली. मात्र जून मध्य ते ऑगस्टदरम्यान पावसाच्या खंडाला सामोरे जावे लागले होते. सध्या पुन्हा एकदा मराठवाड्यातील पिकांना पावसाच्या खंडाचा सामना करावा लागत आहे. जवळपास २२ ऑगस्टपासून मराठवाड्यात पावसाने ओढ दिली आहे. त्यामुळे शेंग अवस्थेत असलेले सोयाबीन व बोंड अवस्थेत असलेल्या कपाशीवर संकटाचे ढग गडद झाले आहेत. त्यामुळे मराठवाड्यातील शेतकऱ्यांच्या नजरा पुन्हा एकदा आकाशाकडे लागल्या आहेत.

औरंगाबाद   : यंदा पावसाळ्याची सुरवात चांगली झाली. मात्र जून मध्य ते ऑगस्टदरम्यान पावसाच्या खंडाला सामोरे जावे लागले होते. सध्या पुन्हा एकदा मराठवाड्यातील पिकांना पावसाच्या खंडाचा सामना करावा लागत आहे. जवळपास २२ ऑगस्टपासून मराठवाड्यात पावसाने ओढ दिली आहे. त्यामुळे शेंग अवस्थेत असलेले सोयाबीन व बोंड अवस्थेत असलेल्या कपाशीवर संकटाचे ढग गडद झाले आहेत. त्यामुळे मराठवाड्यातील शेतकऱ्यांच्या नजरा पुन्हा एकदा आकाशाकडे लागल्या आहेत.

सर्वसाधारण पावसाच्या प्रमाणानुसार मराठवाड्यात ७७९ मिमी. पाऊस पडतो. पावसाच्या आकडेवारीनुसार मराठवाड्यातील आठही जिल्ह्यांत १ जून ते ११ सप्टेंबरअखेरपर्यंत सरासरी ६०४.६९ मिमी. पाऊस होणे अपेक्षित होते. प्रत्यक्षात या कालावधीत केवळ ४७७.८७ मिमी. अर्थात वार्षिक सरासरीच्या ६१.३४ टक्‍के पावसाची नोंद झाली.

सरासरी पाऊस ६० टक्‍क्‍यांपुढे दिसत असला, तरी प्रत्यक्षात मराठवाड्यातील ७६ पैकी ४५ तालुक्‍यांत वार्षिक सरासरीच्या ६० टक्‍केही पाउस झालेला नाही. त्यामध्ये औरंगाबाद जिल्ह्यातील ८, जालन्यातील ४, परभरणीमधील ८, नांदेडमधील ३, बीडमधील १०, लातूरमधील ५; तर उस्मानाबाद जिल्ह्यातील ७ तालुक्‍यांचा समावेश आहे. या ४५ तालुक्‍यांपैकी १९ तालुक्‍यांत वार्षिक सरासरीच्या निम्माही पाऊस झालेला नाही. त्यामध्ये औरंगाबाद जिल्ह्यातील ४, जालन्यातील १, नांदेडमधील १, बीडमधील ८, लातूरमधील १; तर उस्मानाबाद  जिल्ह्यातील ४ तालुक्‍यांचा समावेश आहे.

उस्मानाबाद जिल्ह्यातील परंडा व भूम, बीडमधील गेवराई व शिरूर कासार; तसेच नांदेड जिल्ह्यातील देगलूर तालुक्‍यात तर वार्षिक सरासरीच्या ४० टक्‍केही पाऊस झालेला नाही. औरंगाबाद जिल्ह्यात सर्वाधिक पाऊस होणाऱ्या खुलताबाद तालुक्‍यात केवळ ४० टक्‍केच पाउस झाला आहे. १६ ते २२ ऑगस्टदरम्यान मराठवाड्यात पाउस झाला; परंतु २३ ऑगस्टपासून पुन्हा पाउस गायब झाला आहे.

गतवेळच्या खंडात ढगाळ वातावरण होते. यावेळी मात्र उन्हाचेही चटके बसताहेत. त्यामुळे जमिनीतील ओलावा झपाट्याने कमी होतो आहे. बोंडे लागण्याच्या अवस्थेत असलेली कपाशी व शेंगा भरण्याच्या अवस्थेत असलेल्या सोयाबीनला या खंडाचा मोठा फटका बसणार हे जवळपास स्पष्ट आहे.

इतर अॅग्रो विशेष
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...
वाघाड पाणीवापर संस्थांनी शेतीतून उभारले...नाशिक जिल्ह्यात वाघाड प्रकल्पस्तरीय पाणीवापर...