agricultural success story in marathi, devlali pravara dist. nagar , Agrowon, Maharashtra | Agrowon

खत व्यवस्थापनातून वाढविली ऊस उत्पादकता
सूर्यकांत नेटके
सोमवार, 25 जून 2018

उसाची लागवड करण्याआधीपासून आणि नंतरही योग्य खत व्यवस्थापन करीत देवळाली प्रवरा (ता. राहुरी) येथील नितीन ढूस यांनी उत्पादकता वाढवली आहे. वातावरण आणि पिकाची गरज ओळखून ते खताचे नियोजन करतात. खत व्यवस्थापनामुळे नितीन ढूस यांनी उसात कांदा रोपे, हरभरा या आंतरपिकांतूनही चांगले उत्पादन घेतले आहे.

उसाची लागवड करण्याआधीपासून आणि नंतरही योग्य खत व्यवस्थापन करीत देवळाली प्रवरा (ता. राहुरी) येथील नितीन ढूस यांनी उत्पादकता वाढवली आहे. वातावरण आणि पिकाची गरज ओळखून ते खताचे नियोजन करतात. खत व्यवस्थापनामुळे नितीन ढूस यांनी उसात कांदा रोपे, हरभरा या आंतरपिकांतूनही चांगले उत्पादन घेतले आहे.

नितीन ढूस यांची ३२ एकर शेती आहे. ते व त्यांचे दोघे भाऊ शेतीचे व्यवस्थापन करतात. त्यांच्याकडे पंधरा एकर खोडवा ऊस असून, नव्याने पाच एकरावर साडेचार फूट अंतराच्या सरीवर लागवड केलेली आहे.

एकात्मिक खत व्यवस्थापन :
एकात्मिक खत व्यवस्थापनाला ते प्राधान्य देतात. लागवडीआधी शेतात सोयाबीन किंवा ताग हे हिरवळीचे खत घेतात. बेसल डोस देण्यासाठी लागवडीआधी पंधरा दिवस सूक्ष्म अन्नद्रव्य खत शेणखतात भिजवून ठेवतात. त्यासाठी एकरी झिंक सल्फेट १० किलो अधिक फेरस सल्फेट ५ किलो अधिक गंधक १५ ते २० किलो अधिक मॅग्नेशिअम सल्फेट २० किलो हे सर्व १०० किलो शेणखतात मिश्रण केले जाते. मिश्रण १५ दिवस मुरवून ठेवले जाते. शेणखतात सूक्ष्मअन्नद्रव्ये मिश्रण करून दिल्याने सूक्ष्म अन्नद्रव्ये चिलेटेड स्वरूपात पिकांना लवकर उपलब्ध होतात; तसेच वाया जाण्याचे प्रमाणही कमी राहते असा त्यांचा अनुभव आहे. लागवडीआधी १०ः२६ः२६ हे दाणेदार खत एकरी दीड क्विंटल या प्रमाणात टाकतात. लागवडीनंतर ४५ दिवसांनी ठिबक संचातून २ ते ३ किलो युरिया व अर्धा किलो फॉस्फरिक अॅसिड एकत्र करून दिवसाआड सुमारे तीन महिने देतात. दरम्यानच्या काळात जर पावसाचा खंड पडला आणि उन्हाची तीव्रता वाढल्यास एकरी ५ किलो नत्राची मात्रा देतात. आवश्‍यकता वाटल्यास फवारणीच्या माध्यमातून २ टक्के युरिया व पोटॅशची फवारणी केली (२० ग्रॅम प्रतिलिटर) जाते. खताचे योग्य व्यवस्थापन केल्यामुळे त्यांना यंदा (२०१७-१८) एकरी ६८ ते ७३ टन उत्पादन मिळाले आहे.

प्रतिक्रिया :
ऊस पिकाला खताची जास्त मात्रा दिल्यास पिकावर परिणाम होतो. प्रसंगानुरूप खत दिले तर चांगले उत्पादन निघते, असा माझा अनुभव आहे.
नितीन ढूस, ऊस उत्पादन शेतकरी, देवळाली प्रवरा, ता. राहुरी, जि. नगर

संपर्क : नितीन ढूस, ९०११०१३१०९
 

इतर यशोगाथा
'उगम' करतेय शेती, पर्यावरण अन्‌...गेल्या बावीस वर्षांपासून शाश्वत ग्रामीण...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
मातीला गंध पुदीन्याचा....सांगली जिल्ह्यात मिरज शहराजवळील मुल्ला मळ्यात...
स्मार्ट शेती भाजीपाल्याची वर्षभरातील तीन हंगामांत मिरची, त्यातून...
खिलते है गुल यहाॅं... येळसेच्या गुलाब...पुणे जिल्ह्यातील वडगाव मावळ तालुका हा भाताचे आगार...
कमी कालावधीच्या हळदीची शेती; काबुली...महागाव (जि. यवतमाळ) येथील ‘एमबीए’ झालेले जयंत...
कमी पाणी, अल्प खर्चातील ज्वारी ठरतेय...जळगाव जिल्ह्यात तापी व गिरणा नदीच्या काठावरील...
पेरू फळबागेने दिली शेतीला दिशाठाणे शहरात महावितरणमधील नोकरी सांभाळून तुषार वसंत...
शेतीतूनच प्रतिकूलतेवर केली मातआलेगाव (ता. जि. अकोला) येथील श्रीमती मंगला रमेश...
थोरातांची राजगिऱ्याची व्यावसायिक शेतीपरभणी जिल्ह्यातील खानापूर (ता. परभणी) येथील तरुण...
दुष्काळी परिस्थितीत नैसर्गिक शेती...शेतीतील वाढता उत्पादन खर्च आणि उत्पन्न यांचा...
हुरड्यातून साधला हमखास उत्पन्नाचा मार्गदरवर्षी खास हुरड्याची ज्वारी करायची आणि तीन...
संघर्ष, चिकाटीतून साकारलेला ...जालना जिल्ह्यात कायम दुष्काळी शिरनेर येथील देवराव...
अंबोडा गावातील शेतकऱ्यांची शेतीसह रेशीम...आत्महत्याग्रस्त अशी ओळख असलेल्या यवतमाळ...
शिरोळच्या श्री दत्त साखर कारखान्याचे `...कोल्हापूर जिल्ह्यातील शिरोळ येथील श्री दत्त...
अभ्यास, योग्य नियोजनातून प्रक्रिया...शेतीमाल प्रक्रियेतून अधिक नफा मिळविता येऊ शकतो,...
तंत्रज्ञानातून शेती केली समृद्धरोहणा (ता. आर्वी, जि. वर्धा) येथील अविनाश बबनराव...
प्रक्रिया उद्योगातून आर्थिक स्थिरतासगरोळी (ता. बिलोली, जि. नांदेड) येथील श्रद्धा...