स्वतंत्र आवाज चिरडणे हे भाजप, संघाचे कामच आहे: राहुल गांधी

नवी दिल्ली - ज्येष्ठ पत्रकार-कार्यकर्त्या गौरी लंकेश यांच्या झालेल्या हत्येवरुन कॉंग्रेस उपाध्यक्ष राहुल गांधी यांनी राष्ट्रीय स्वयंसेवक संघास लक्ष्य केले आहे. "या देशात भारतीय जनता पक्ष व राष्ट्रीय स्वयंसेवक संघाच्या विचारसरणीविरोधात जे बोलतील त्यांच्यावर दबाव आणला जाईल, हल्ला केला जाईल, मारहाण करण्यात येईल; वा त्यांची हत्याही करण्यात येईल,' असे टीकास्त्र राहुल यांनी सोडले आहे.

"मूलतत्ववाद्यांविरोधात लढणाऱ्या पत्रकार असलेल्या गौरी लंकेश यांच्या हत्येमुळे रुढ मतांविरोधात मते मांडणारा एक स्वतंत्र आवाज बळाने शांत करण्यात आला आहे. स्वतंत्र आवाज अशा पद्धतीने चिरडण्याची संघाची विचारसरणीच आहे. मात्र भारत असे हत्याकांड पुन्हा घडू देणार नाही,'' असे राहुल म्हणाले.

या घटनेच्या पार्श्‍वभूमीवर बोलताना राहुल यांनी पंतप्रधान नरेंद्र मोदी यांनाही लक्ष्य केले. मोदी हे हे एक कसलेले हिंदुत्ववादी राजकारणी असल्याचा उपहासात्मक टोला राहुल यांनी लगावला आहे.