sugar-prices-have-declined-200-rupees-six-months | Agrowon

साखरेच्या किमती सहा महिन्यांत २०० रुपयांनी घसरल्या
टीम अॅग्रोवन
शनिवार, 25 नोव्हेंबर 2017

कोल्हापूर : साखरेच्या दरात गेल्या सहा महिन्यांत क्विंटलमागे २०० रुपयांनी घट झाली आहे. यामुळे राज्य बॅंकेने हे मूल्यांकन गृहीत धरून कारखान्यांना देण्यात येणाऱ्या उचलीत ११० रुपयांनी घट केल्याने आता कारखान्यांना पहिल्या हप्त्यासाठी पुन्हा झगडावे लागण्याची चिन्हे आहेत. जास्तीत जास्त ऊस गाळपासाठी धडपडणाऱ्या कारखान्यांना राज्य बॅंकेने मूल्यांकन कमी करून धक्का दिला आहे. राज्य बॅंकेने गुरुवारी (ता. २३) गेल्या तीन महिन्यांचा साखरेचे सरासरी दर गृहीत धरून कारखान्यांच्या उचलीत कपात केली आहे.

कोल्हापूर : साखरेच्या दरात गेल्या सहा महिन्यांत क्विंटलमागे २०० रुपयांनी घट झाली आहे. यामुळे राज्य बॅंकेने हे मूल्यांकन गृहीत धरून कारखान्यांना देण्यात येणाऱ्या उचलीत ११० रुपयांनी घट केल्याने आता कारखान्यांना पहिल्या हप्त्यासाठी पुन्हा झगडावे लागण्याची चिन्हे आहेत. जास्तीत जास्त ऊस गाळपासाठी धडपडणाऱ्या कारखान्यांना राज्य बॅंकेने मूल्यांकन कमी करून धक्का दिला आहे. राज्य बॅंकेने गुरुवारी (ता. २३) गेल्या तीन महिन्यांचा साखरेचे सरासरी दर गृहीत धरून कारखान्यांच्या उचलीत कपात केली आहे.

मे २०१७ पर्यंत देशांतर्गत साखरेचे दर ३६०० रुपयांवर गेले होते. त्यानंतर मात्र साखरेच्या दरात दहा ते वीस रुपयांनी घट होत गेली. आता हे ३३९० ते ३४०० रुपयांपर्यंत खाली आहे आहेत. दोन महिन्यांपूर्वी राज्य बॅंकेने ३५०० रुपये दर गृहीत धरून त्या हिशेबानुसार पोत्यावर ८५ टक्के कर्ज कारखान्यांना दिले होते. या दरानुसार साधारणपणे २९७५ रुपये कारखान्यांना मिळत होते. आता २८८० रुपयापर्यंतची रक्कम कारखान्यांच्या हाती येणार आहे. यातूनही बॅंक वजावट व कारखान्याचा व्यवस्थापन खर्च असा ७५० रुपयांचा खर्च वजा जाणार आहे. सध्या कारखान्यांतून जी साखर तयार होत आहे, त्यासाठी ही कपात झालेली उचल मिळणार असल्याने कारखान्यांना आता शंभर रुपयांसाठी धावाधाव करावी लागणार आहे. 

साखरेच्या घसरत्या किमती व राज्य बॅंकेच्या मूल्यांकनाबाबत अनेक साखर कारखाना प्रतिनिधींनी नाराजी व्यक्त केली. शेतकरी संघटनांच्या आंदोलनातून सावरत असतानाच आता राज्य बॅंकेनेही अर्थसाह्याबाबत हात आखडता घेतला आहे. बहुतांशी साखर कारखान्यांनी या अगोदरच एफ.आर. पी पेक्षा २०० रुपये जादा दर देण्याची घोषणा केली आहे. २०० रुपयांचा जादा दर देवून उत्पादकांना आपल्याकडे खेचण्यासाठी कारखान्यांची स्पर्धा लागली होती. काही कारखान्यांनी अद्यापही इतरांपेक्षा जास्त दर देण्यासाठी दर जाहीर केलेला नाही, अशा कारखान्यांना आता राज्य बॅंकेच्या साखरेवरील मूल्यांकन घटीने धक्का लागण्याची शक्‍यता वर्तवण्यात येत आहे. कारखान्याचे गळीत हंगाम सुरू झाले आहेत. मूल्यांकन घटविले तरीही आम्हाला शेतकऱ्यांचे पैसे द्यावेच लागणार आहेत. यामुळे कुठूनतरी तुटीची रक्कम आम्हाला उपलब्ध करावीच लागणार असल्याची हताश प्रतिक्रिया एका कारखानदाराने व्यक्त केली.

सध्या जागतिक बाजारात साखरेचा दर २६०० ते २७०० रुपये प्रतिक्विंटल इतका आहे. तर देशांतर्गत बाजारपेठेत या महिन्यात ३४०० रुपयांपर्यंत दर होते. साखरेचे दर नियंत्रणात ठेवण्यासाठी केंद्राने निर्यातीवर कर लावले आहेत. तसेच स्टॉक लिमिटसारखी धोरणे अवलंबल्याने साखरेच्या दरात घसरण होत असल्याची माहिती या उद्योगातील सूत्रांनी दिली. अशा धोरणांमुळे कारखानदारी अडचणीत येत असतानाच राज्य बॅंकेने 
दरात कपात केल्याने तोंड दाबून बुक्‍क्यांचा मार अशी अवस्था कारखानदारांची होत असल्याचे कारखानदारांनी सांगितले.

इतर अॅग्रोमनी
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
हळद वगळता सर्व शेतमालाचे भाव तेजीतया सप्ताहात साखर, सोयबीन व हळद वगळता सर्व पिकांचे...
कापूस कोंडी टाळण्यासाठी मिशन मोडवर काम...भारत हा जगातील पहिल्या क्रमांकाचा कापूस उत्पादक...
हळद, हरभऱ्याच्या फ्युचर्स भावात चढ -...या सप्ताहात कापूस, गवार बी व हरभरा वगळता सर्व...
इंटरनेटद्वारे कृषिमालाचे प्रभावी विपणनएकविसाव्या शतकातील माणूसही इंटरनेटच्या वेगाने...
पुढील काही महिने हळदीच्या दरावर ठेवा...या सप्ताहात सोयाबीन व गहू वगळता सर्व पिकांचे भाव...
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...