Agri Business News Amul pays two hundred crores to farmers in rescission Pune Maharashtra | Agrowon

`अमूल`कडून शेतकऱ्यांना मंदीतही २०० कोटींचे पेमेंट

टीम अॅग्रोवन
मंगळवार, 7 एप्रिल 2020

पुणे : राज्यातील डेअरी उद्योग सध्या अतिशय बिकट अवस्थेतून वाटचाल करीत असताना `अमूल`ची घोडदौड मात्र भुवया उंचावणारी ठरते आहे. अमूलच्या पारदर्शक नियोजनामुळे मंदीत देखील शेतकऱ्यांच्या थेट बॅंक खात्यात दरमहा २०० कोटीचे पेमेंट जात आहे. 

पुणे : राज्यातील डेअरी उद्योग सध्या अतिशय बिकट अवस्थेतून वाटचाल करीत असताना `अमूल`ची घोडदौड मात्र भुवया उंचावणारी ठरते आहे. अमूलच्या पारदर्शक नियोजनामुळे मंदीत देखील शेतकऱ्यांच्या थेट बॅंक खात्यात दरमहा २०० कोटीचे पेमेंट जात आहे. 

‘‘लॉकडाऊनमुळे दुधाला मागणी नसल्याचे सांगून राज्यातील संकलकांनी शेतकऱ्यांच्या दुधाचे खरेदी दर १८ ते २२ रुपयांपर्यंत खाली आणले आहेत. मात्र, `अमूल`कडून २५ जिल्ह्यांमधील शेतकऱ्यांना आजही गायीच्या दुधाला प्रतिलिटर २८ ते २९ रुपये तर म्हशीच्या दुधाला ४० ते ४२ रुपये दर दिला जातो आहे. मंदी सांगितली जात असली तरी ‘अमूल’कडून १७ लाख लीटर दुधाची खरेदी सुरळीतपणे चालू आहे,’’ अशी माहिती अमूलच्या उच्चपदस्थ सूत्रांनी दिली.

अमूल हा शेतकऱ्यांनी उभारलेल्या दूध संघांचा ब्रॅंड असला तरी महाराष्ट्रात अमूलला सापत्नभावाची वागणूक शासन दरबारी मिळत असते, असे अमूलच्या कर्मचाऱ्यांना वाटते. राज्यात गेल्या वर्षी दुधाचे भाव घसरल्यानंतर पाच रुपये अनुदानाची योजना राबविली गेली. मात्र, अनुदान योजनेपासून अमूलच्या सभासद शेतकऱ्यांना दूर ठेवले गेले. त्यामुळे दीड लाख शेतकऱ्यांना अनुदान मिळाले नाही. त्या स्थितीतही अमूलकडून प्रतिलीटर २४ रुपये दर शेतकऱ्यांना दिला जात होता. अनुदान दिले असते तर २९ रुपये दर मिळाला असता, असे कर्मचारी सांगतात. 

राज्यातील शेतकऱ्यांच्या चांगल्या दुधाला योग्य भाव मिळण्यासाठी अमूलने सध्या ११०० दूध संकलन केंद्रे उभारली आहेत. दीड लाख शेतकऱ्यांचे दूध जमा करण्यासाठी मुंबईत सहा तर पुणे, औरंगाबाद व नागपूरला प्रत्येकी एक असे ९ प्रकल्प उभारले आहेत. त्यामुळे संकलित केलेले १६ ते १७ लाख लीटर दूध पुन्हा पिशवीबंद करून राज्यामध्येच विकण्याचे तंत्र ‘अमुल’ने ठेवले आहे.

‘‘राज्यातील खासगी व सहकारी दूध प्रकल्पांबरोबर आमची स्पर्धा नाही. उलट त्यांचे दूध गुणवत्तापूर्ण असल्यास आम्ही स्वीकारतो. गुणवत्ता नसल्यास नाकारतो देखील. आम्ही फक्त शेतकरी हित डोळ्यासमोर ठेवत असून आमची स्पर्धा आमच्याशीच आहे,’’ असे अधिकारी अभिमानाने सांगतात. 

दरम्यान, गुजरातमधील १८ दूध उत्पादक शेतकऱ्यांच्या सहकारी दूधसंघांचा समूह असलेला अमूलने आर्थिक वर्षाच्या शेवटी ३८ हजार ५०० कोटी रुपयांची उलाढाल देशपातळीवर केली आहे. मंदीच्या काळातही १७ टक्के उलाढाल वाढल्यामुळे अमूलची महाराष्ट्रातील टीम देखील सध्या खूश आहे. अमूलने आता २०२०-२१ या नव्या आर्थिक वर्षासाठी ४६ हजार कोटीचा व्यवसाय करण्याचे ठरविले आहे. अमूलचे नेतृत्व करणारे व्यवस्थापकीय संचालक आर.एस.सोढी यांनी कर्मचाऱ्यांना पाठविलेल्या संदेशात अमूलने आता कोरोनाच्या संकटावर मात करून शेतकऱ्यांसाठी अजून चांगली वाटचाल करण्याचा निर्धार केल्याचे नमुद केले आहे. 
 
शेतकरी पेमेंटच्या तारखा चुकत नाहीत
राज्याच्या दुग्ध व्यवसायात शेतकऱ्याला पारदर्शकता आणि गुणवत्ता अशा दोन्ही पातळ्यांवर अमूलने मोठा आधार दिला आहे. आमचे यश दाबून ठेवण्याचा प्रयत्न होत असतो. मात्र, शेतकरी वर्गाचा पाठिंबा वाढतो आहे. त्यामुळेच १ ते १० तारखेला संकलित केलेल्या दुधाचे पेमेंट न चुकता १३ ते १५ तारखेला, ११ ते २० तारखेचे संकलनाचे पेमेंट २३ ते २५ तारखेला आणि २१ ते ३० तारखेचे पेमेंट ३ ते ५ तारखेला थेट शेतकऱ्यांच्या बॅंक खात्यात होते. पेमेंटमध्ये कधीही खंड नाही, छुपी कपात नाही किंवा दुधाचे दर पाडण्याचे तंत्रही अवलंबिले जात नाही. त्यामुळे भविष्यात महाराष्ट्रातील दूध उत्पादक शेतकऱ्यांचा आधारस्तंभ म्हणून अमूल काम करेल,  असा विश्वास अमूलच्या सूत्रांनी व्यक्त केला.
 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...