हिंगोली जिल्ह्यात ५९ कोटींचे पीककर्ज वाटप

हिंगोली ः हिंगोली जिल्ह्यातील विविध बॅंकांनी शुक्रवारपर्यंत (ता.२९) १७ हजार ८०५ शेतकऱ्यांना ५९ कोटी १६ लाख ७० हजार रुपये (५.०६ टक्के) पीककर्ज वाटप केले असल्याची माहिती सूत्रांनी दिली.
संग्रहित छायाचित्र
संग्रहित छायाचित्र

हिंगोली   ः हिंगोली जिल्ह्यातील विविध बॅंकांनी शुक्रवारपर्यंत (ता.२९) १७ हजार ८०५ शेतकऱ्यांना ५९ कोटी १६ लाख ७० हजार रुपये (५.०६ टक्के) पीककर्ज वाटप केले असल्याची माहिती सूत्रांनी दिली.

यंदाच्या खरीप हंगामात हिंगोली जिल्ह्यातील विविध बॅंकांना १ हजार १६८ कोटी ९५ लाख रुपयांचे पीककर्ज वाटपाचे उद्दिष्ट देण्यात आले आहेत. त्यात व्यापारी बॅंकांना ८५९ कोटी १० लाख रुपये, महाराष्ट्र ग्रामीण बॅंकेला १६० कोटी ९६ लाख रुपये, जिल्हा मध्यवर्ती सहकारी बॅंकेला १४८ कोटी ८९ लाख रुपये उद्दिष्टाचा समावेश आहे.

सद्यःस्थितीत जिल्हा बॅंकेने पीककर्ज वाटपात आघाडी घेतली असून आजवर १६ हजार ३११ शेतकऱ्यांना ४० कोटी ९१ लाख ३ हजार रुपये पीककर्ज वाटप केले आहे. व्यापारी बॅंकांना सर्वाधिक उद्दिष्ट असले तरी तूर्त या बॅंकांनी केवळ ७९९ शेतकऱ्यांना १३ कोटी २४ लाख ९ हजार रुपयेच पीककर्ज वाटप केले आहे.

महाराष्ट्र ग्रामीण बॅंकेने ६९५ शेतकऱ्यांना ५ कोटी १ लाख ५८ हजार रुपये पीककर्ज वाटप केले आहे. पेरणी जवळ येऊन ठेपलेली असताना अनेक कारणे सांगत बॅंका कर्ज देण्यास विलंब लावत असल्याने शेतकऱ्यांना बियाणे, खते खरेदीसाठी अडचणी येत आहेत. पीककर्ज वाटपाची गती वाढविण्याची मागणी शेतकऱ्यांनी केली आहे.

बॅंकनिहाय पीककर्ज वाटप (कोटी रुपये)
बॅंक कर्जवाटप शेतकरी संख्या टक्केवारी
व्यापारी बॅंका १३.२४ ७९९ १.५४
महाराष्ट्र ग्रामीण बॅंक ५.०१ ६९५ ३.१२
जिल्हा बॅंक ४०.९१ १६,३११ २७.४८

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com