Agri Business News Improvement in chicken rates Nagar Maharashtra | Agrowon

चिकनच्या दरात सुधारणा

सुर्यकांत नेटके
मंगळवार, 21 एप्रिल 2020

कोट...
राज्यात नगर, नाशिक, पुणे, सांगली जिल्ह्यात सर्वाधिक कुक्कुटपालन उद्योग केला जातो. चिकन खाल्ल्याने कोरोना होतो या अफवेने उत्पादकांचे मोठे नुकसान झाले. अनेकांनी फुकट, बेभावात कोंबड्या वाटल्या. चिकनमुळे कोरोना होत नाही हे पटल्याने आता नागरिक मागणी करू लागले आहेत. त्यामुळे पंधरा दिवसांपासून मागणी वाढली आहे. मात्र मागणीच्या तुलनेत केवळ दहा टक्के कोंबड्या सध्या उपलब्ध आहेत. नव्याने टाकलेली पिले तयार झाली तरी मागणीचा विचार करता दरात वाढ राहण्याची शक्यता आहे.
- सचिन भोंगळ, सचिव, नगर जिल्हा पोल्ट्री फेडरेशन

नगर ः चिकन खाल्ल्याने कोरोना विषाणूचा संसर्ग होतो या अफवेने पोल्ट्री व्यावसायिकांचे मोठे नुकसान झाले. त्यानंतर गेल्या महिनाभरात कंपन्यांनी तसेच वैयक्तिक शेतकऱ्यांनी नव्याने कोंबडी पिलांचा सांभाळ केला नाही. मात्र, गेल्या आठ दिवसांपासून चिकनला मागणी वाढली आहे. परिणामी सध्या मागणीच्या तुलनेत केवळ पंधरा ते वीस टक्के पुरवठा होत आहे. मुंबई, पुण्यासह मोठ्या शहरात मागणी चांगली असल्याने गेल्या दोन महिन्यांच्या तुलनेत जिवंत कोंबडीच्या दरात ४० रुपयांनी वाढ झाली आहे. त्यामुळे चिकनचे किरकोळ दरही किलोमागे ७० रुपयांनी वाढले आहेत. अंड्याचे प्रतिनग दरही एक रुपयाने वाढले आहेत.

शेतीला पूरक उद्योग म्हणून राज्यात सुमारे ५० हजारांवर शेतकरी कुक्कुटपालन व्यवसाय करतात. राज्यात दर ४२ दिवसाला २५ कोटींवर कोंबड्यांचे उत्पादन होते. यातील बहुतांश शेतकरी देशी व परदेशी पोल्ट्री उद्योगातील कंपन्यांशी करारावर उत्पादन घेतात. याशिवाय परसातील कुक्कुटपालनातूनही मोठ्या प्रमाणात देशी कोंबड्याचे उत्पादन घेतले जाते. ‘कोरोना’च्या अफवेमुळे चिकन खाणे बंद झाले आणि कुक्कुट व्यावसायिकांवर संकट ओढवले. मार्चमध्ये आठ दिवसांत अचानक ७० ते ८० टक्क्यांनी मागणी घटली. परिणामी दीड महिन्याचा कालावधी पूर्ण केलेल्या कोंबड्याची कंपनीकडून उचल थांबली. खाद्य पुरवठाही थांबला. परिणामी पूर्ण क्षमतेने वाढ झालेल्या कोंबड्यांना खाद्य देणे परवडणारे नसल्याने बहुतांश शेतकऱ्यांनी त्यांची बेभावात विक्री केली. कित्येक ठिकाणी कोंबड्या नष्ट कराव्या लागल्या. यामुळे एकट्या नगर जिल्ह्याला पाचशे कोटींपेक्षा अधिक फटका बसला.

चिकनमुळे कोरोना होत नाही ही खात्री पटल्यानंतर आता गेल्या पंधरा दिवसांपासून चिकनला मागणी वाढली आहे. मात्र आता सध्या फक्त पंधरा ते वीस टक्केच विक्रीयोग्य कोंबड्या उपलब्ध आहेत. मागणीच्या तुलनेत पुरवठा होत नसल्याने मोठ्या शहरात घाऊक दरात चाळीस रुपयांनी वाढ झाली आहे. किरकोळ दरातही ६० ते ७० रुपये प्रती किलोने वाढ झाली आहे. मागणी सुरु झाल्याने कंपन्यांनीही पिल्लांचा पुरवठा सुरु केला आहे. आधीच मोठा फटका बसल्याने नव्याने फक्त वीस टक्के शेतकऱ्यांनी पिल्ले घेतली आहेत. लॉकडाउन वाढल्यानंतर चिकनच्या दरात पुन्हा वाढ होणार असल्याचा अंदाज जाणकार व्यक्त करत आहेत.

वाहतुकीच्या अडचणी कायम
‘कोरोना’मुळे महिनाभरापूर्वी पूर्ण क्षमतेने वाढ झालेल्या कंपन्या उचल करत नसल्याने, खाद्य देण्यालाही परवडत नसल्याने वेगवेगळ्या मार्गाने कोंबड्या नष्ट कराव्या लागल्या. आता मागणी वाढत आहे. मात्र कोंबड्या उपलब्ध नाहीत, शिवाय जेथे उपलब्ध आहेत तेथे मागणी असूनही वाहतुकीअभावी उचलण्याला अडचणी येत आहेत, त्याचा फटका उत्पादकांना बसत आहे, असे नगर जिल्हा पोल्ट्री फेडरेशनचे अध्यक्ष अभिषेक खंडागळे यांनी सांगितले.
 
असे आहेत तर दर (कंसात दोन महिन्यांपुर्वीचे)

  • जिवंत कोंबडी ः ११० ते ११५ (७० ते ७५)
  • चिकनचे किरकोळ दर ः १८० ते १९० (१२० ते १३०)

अशी आहे स्थिती

  • मागणीच्या तुलनेत वीस टक्केच पुरवठा
  • किरकोळचे दर ६० ते ७० रुपयांनी वाढले
  • नव्याने वीस टक्केच पिल्लांचा सांभाळ
  • वाहतुकीअभावी उपलब्ध पक्षीही उचलण्यास अडचणी 

 

 

 


इतर ताज्या घडामोडी
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...
शेतमाल स्थानिक भागात विकला जाणार : भुजबळनाशिक : त्र्यंबकेश्वर तालुक्यात आदिवासी समाज...
परभणी, हिंगोली जिल्ह्यात पावसाचे थैमाननांदेड : मराठवाड्यातील परभणी, हिंगोली जिल्ह्यात...
नाशिक विभागात कांदा लागवडीत ८ हजार...नाशिक : चालू वर्षी खरीप कांद्याच्या लागवडीपूर्वी...
रावेर तालुक्यात सीएमव्ही नुकसानीचे...जळगाव ः कुकुंबर मोसॅक विषाणूमुळे (सीएमव्ही)...
हिंगोली जिल्ह्यात सोयाबीनच्या पिकाला...हिंगोली : जिल्ह्यामध्ये मागील काही दिवसांपासून...
मराठवाड्यात अतिपाऊस खरीप पिकांच्या...औरंगाबाद : मराठवाड्यात गत काही दिवसांपासून...
धुळ्यात लाळ्या खुरकूत रोग प्रतिबंधक...धुळे : धुळे जिल्ह्यात ३० सप्टेंबरपर्यंत...
पावसाचा डाळींब पिकाला तडाखाआटपाडी, जि. सांगली ः अवर्षण प्रवण असलेल्या आटपाडी...
मायक्रो फायनान्सचे चक्रव्यूह...मुंबई : ग्रामीण भागातील सूक्ष्म वित्त पुरवठा...
नगर जिल्ह्यात अतिवृष्टीचा चार हजार...नगर ः यंदा पावसाळ्याच्या सुरुवातीपासून चांगला...
कोकण कृषी विद्यापीठात बांबू कार्यशाळेचे...दापोली, जि. रत्नागिरी : जगभरात दरवर्षी १८...
अकोला जिल्ह्यातील सहा खत विक्रेत्यांचे...अकोला ः या हंगामात खत विक्रीत मोठ्या प्रमाणात...
सदोष बियाणेमुळे भेंडी बीजोत्पादक अडचणीतबुलडाणा ः लोणार तालुक्यातील शेतकऱ्यांनी या...
भातपीक कापणीत पावसाचा अडसररत्नागिरी : गेल्या काही दिवसांपासून सातत्याने...
ठाण्यातील १४ हजार हेक्टर पिकांचा काढला...मुंबई : ठाणे जिल्हा कृषी विभागाने यंदा पंतप्रधान...
औरंगाबादमध्ये कांदा ३०० ते २३०० रूपयेऔरंगाबाद : येथील कृषी उत्पन्न बाजार समितीमध्ये...
आरोग्यदायी विड्याचे पानकोणत्याही धार्मिक कार्यात, पूजेच्या ठिकाणी...