Agri Business News payment distribution start to milk sangh Pune Maharashtra | Page 2 ||| Agrowon

दूध संघांना पेमेंट वाटप सुरु

टीम अॅग्रोवन
शनिवार, 30 मे 2020

राज्यातील जादा दुधाची खरेदी व रूपांतरण योजना लागू केल्याने शेतकऱ्यांना दिलासा मिळाला आहे. या योजनेला मुदतवाढ मिळण्यासाठी संघांचे प्रयत्न आहेत. ५० कोटी रुपये महासंघाच्या ताब्यात आल्याने दूध संघांच्या पेमेंट वाटपाला देखील सुरुवात झाली आहे.
- रणजितसिंह देशमुख, अध्यक्ष, महाराष्ट्र राज्य सहकारी दूध महासंघ (महानंद)

पुणे : राज्यातील दूध संघांनी शेतकऱ्यांना दिलेल्या पेमेंटची प्रतिपूर्ती करण्यास सुरुवात झाली आहे. तसेच, या योजनेला मुदतवाढ मिळण्याचा प्रस्ताव देण्यात आला आहे.
‘‘शेतकऱ्यांचे कोणतेही पेमेंट महानंदमुळे थांबलेले नाही. उलट हा व्यवहार शेतकरी व दूध संघांमधील आहे. संघांनी ३.५ फॅट व ८.५ एसएनएफ गुणप्रतीचे दूध २५ रुपये दराने स्वीकारायचे आहे. संबंधित शेतकऱ्यांच्या खात्यात तसे पेमेंट जमा करून संगणकीय प्रणालीत माहिती भरायची आहे,’’ अशी माहिती ‘महानंद’च्या सूत्रांनी दिली.

तपासणीनंतरच होणार पेमेंट
संघांनी भरलेली ही माहिती तपासून घेण्याचे आदेश राज्य शासनाने दिलेले आहेत. गुणप्रतीनुसार शेतकऱ्यांना दर दिला की नाही हे तपासण्याची जबाबदारी जिल्हा दुग्ध व्यवसाय अधिकारी किंवा प्रादेशिक दुग्धव्यवसाय अधिकाऱ्यांवर आहे. ‘‘दूध संघांनी शेतकऱ्यांना पेमेंट दिल्याची माहिती या अधिकाऱ्यांनी तपासणे सक्तीचे आहे. ही माहिती प्रमाणित केल्यानंतरच महानंद संबंधित संघांना प्रतिपूर्तीच्या स्वरूपात रक्कम देणार आहे. त्यामुळे महासंघांकडून शेतकऱ्यांचे पेमेंट अडविले जाण्याचा मुद्दा उद्भवतच नाही,’’ अशी माहिती सूत्रांनी दिली.

१२७ कोटींना मंजुरी
दूध खरेदी व रूपांतरणासाठी २०० कोटी रुपये मंजूर केल्याची घोषणा राज्य शासनाने केलेली असली तरी प्रत्यक्षात आत्तापर्यंत १२७ कोटी रुपयांना मान्यता दिली आहे. त्यातून महानंदच्या ताब्यात प्रत्यक्षात ५० कोटी रुपये मिळाले आहेत. राज्यात सहा एप्रिल ते २३ एप्रिल या दरम्यान चार कोटी लीटर दूध स्वीकारण्यास व १२७ कोटी रुपये खर्च करण्यास मान्यता दिली गेली आहे. मात्र, संबंधित संघांनी शेतकऱ्यांना आधी पेमेंट केल्यानंतर ही रक्कम वाटप केली जाणार आहे,’’ असा निर्वाळा दुग्धविकास खात्याच्या सूत्रांनी दिला.

 २०६३ टन भुकटी तयार
दरम्यान, महानंदचे अध्यक्ष रणजितसिंह देशमुख म्हणाले की, दूध खरेदी योजनेसाठी निधीची कमतरता नाही. या योजनेतून आत्तापर्यंत २०६३ टन पावडर (भुकटी) व १०८९ टन बटर (लोणी) तयार झालेले आहे. हा माल सुरक्षितपणे गोदामात ठेवला जात आहे. निविदा पद्धतीने तो विक्री केला जाईल.
 


इतर बातम्या
सीईटीऐवजी गुणांद्वारे कृषी...अमरावती ः बारावीनंतर कृषी अभ्यासक्रमाला...
वीजबिले माफ न केल्यास कंपनीचे कार्यालय...बुलडाणा ः लॉकडाउनच्या काळातील तीन महिन्यांचे...
सत्तास्थापनेसाठी भाजपकडूनच विचारणा केली...मुंबई : सहा महिन्यांपूर्वी राज्यात सत्तास्थापन...
वऱ्हाडात दूधाचे दर स्थिरअकोला ः या भागातील दूध संघ डबघाईस आल्याने दूध...
वाशीम जिल्ह्यावर खरिपात पावसाची कृपावाशीम ः जिल्ह्यात यंदाच्या मोसमात आत्तापर्यंत...
वर्धा जिल्ह्यात दूध उत्पादकांना दराचा...नागपूर ः लॉकडाउनमुळे मागणी घटल्याचे सांगत खासगी...
नाशिकमध्ये कमी दूध दरामुळे उत्पादकांची...नाशिक : कोरोनाच्या पार्श्वभूमीवर राज्य सरकार...
वीज बिले माफ न केल्यास उद्रेक ः...नाशिक : लॉकडाऊन काळात वीज कंपन्यांनी घरगुती वीज...
एचटीबीटी कपाशीची शेतकऱ्यांकडून पाहणीअकोला ः शेतकऱ्यांना तंत्रज्ञान स्वातंत्र्य मिळावे...
दुर्मीळ निलमणी आमरीचे सातपुड्यात...जळगाव ः जिल्ह्यातील सातपुडा पर्वतरांगा या अनेक...
दूध पावडरला प्रतिकिलो ५० रुपये अनुदान...इस्लामपूर, जि. सांगली ः कोरोना सारख्या साथीत...
भ्रष्टाचाराच्या चौकशीचे आदेश;तरीही चार...पुणे: पंतप्रधान पॅकेजमधून राबविण्यात आलेल्या...
अकोला जिल्ह्यात सोयाबीन उगवणशक्तीबाबत...अकोला ः  सोयाबीन पिकाची पेरणी जुलैच्या...
अन्नधान्य पिकांच्या योजनांसाठी २७ कोटीपुणे: राज्यातील अन्नधान्य पिकांच्या योजनांसाठी...
ग्लायफोसेट वापराच्या मसुद्याविरुद्ध दाद...पुणे: केंद्र सरकारने ग्लायफोसेट तणनाशकाच्या...
सोयाबीन बियाणे कंपन्यांवर राज्यात ४६...औरंगाबाद ः सोयाबीनच्या बोगस बियाण्यामुळे पिकाची...
दूध व्यवसाय झाला आतबट्ट्याचा; शेतकरी...पुणेः मागील काही वर्षांपासून संकटात असलेल्या दूध...
राज्यात पाऊस जोर धरण्याची शक्यता पुणे : मॉन्सून सक्रिय होण्याचा पोषक हवामान होत...
विश्वजित माने प्रभारी कृषी आयुक्तपुणे : राज्याचे कृषी आयुक्त सुहास दिवसे यांची...
कोल्हापुरात आज घरगुती वीज बिलांची होळी ...कोल्हापूर  : दिल्ली सरकारने शंभर...