Agri Business News sugar remaining issue continue in next season Kolhapur Maharashtra | Agrowon

पुढील हंगामावरही शिल्लक साखरेचे ओझे? 

टीम अॅग्रोवन
गुरुवार, 7 मे 2020

साखर उद्योगावरील संभाव्य संकट पाहता किमान विक्री दर ३१०० रुपयांवरून ३४५० रुपये प्रति क्विंटल असा व्हावा. तरच त्याचा फायदा पुढील हंगामापर्यंत होऊ शकेल. याशिवाय थकलेले निर्यात अनुदान व कर्ज पुनर्रचनेकडे सरकारने गांभिर्याने लक्ष देण्याची गरज आहे. 
- प्रकाश नाईकनवरे, व्यवस्थापकीय संचालक, राष्ट्रीय सहकारी साखर कारखाना फेडरेशन 

कोल्हापूर: देशात यंदा गेल्या वर्षीच्या तुलनेत साखरेचे उत्पादन घटले असले तरी ‘कोरोना’मुळे सर्वाधिक मागणी असलेल्या महिन्यांमध्येच अपेक्षित उठाव झाला नाही. याचाच परिणाम म्हणून साखरेचा पुढील हंगामही जादा साखरेचे ओझे घेऊन सुरु होण्याची शक्यता निर्माण झाली आहे. साखरेच्या एकूण विक्रीपैकी सुमारे ३३ टक्के साखर ही मार्च ते जून मध्ये विकली जाते. यंदा ही साखर शिल्लक राहण्याची शक्‍यता आहे. त्याचा फटका पुढील हंगामाला बसण्याचा अंदाज साखर उद्योगातील तज्ज्ञांचा आहे. 

साखर उद्योगात मार्च ते जून हे महिने साखरेला मागणी असणारे महिने आहेत. या काळात शीतपेये व अन्य औद्योगिक कारणांसाठी साखर जादा प्रमाणात वापरली जाते. परंतु, यंदा ‘कोरोना’चे संकट मार्चमध्येच तीव्र होऊ लागले आणि मागणी रोडावली. मार्चच्या शेवटच्या सप्ताहापासून साखरेचा औद्योगिक वापर पूर्णपणे थांबला. याचा नकारात्मक परिणाम मार्च, एप्रिल महिन्यात झाला. साखर उद्योगातील तज्ज्ञांनी दिलेल्या माहितीनुसार आता मे व जून हेच महिने काहीसे आधाराचे ठरणार असले तरी मार्च, एप्रिलमध्ये न खपलेल्या साखरेचा अतिरिक्त बोजा हा पुढील हंगाम सुरु होईपर्यंत साखर उद्योगाच्या डोक्‍यावर संकट म्हणून राहणार आहे. 

राष्ट्रीय साखर महासंघाने दिलेल्या माहितीनुसार यंदा २६५ लाख टन साखर उत्पादन होण्याची शक्‍यता आहे. ‘कोरोना’मुळे आता २४० लाख टन स्थानिक खप आणि ४५ लाख टन साखरेची निर्यात होईल. यामुळे हंगाम अखेरीस ११५ लाख टन साखर शिल्लक असेल. नव्या हंगामात म्हणजे २०२०-२१ मध्ये नव्या उत्पादनासहित ४१५ लाख टन साखर शिल्लक असेल. त्यातून पुन्हा स्थानिक खप २६० लाख टन व निर्यात ४० लाख टन साखर वजा केली तर हंगामाच्या अखेरीस पुन्हा देशात ११५ लाख टन साखर शिल्लक असेल. 
 
शिल्लक साखर ही कारखान्यांना भेडसावणारी नेहमीची समस्या आहे. त्यात यंदाही भरच पडेल असे वाटते. देशात किंबहुना राज्यात यंदा गेल्या वर्षीच्या तुलनेत साखर उत्पादन कमी झाले. ‘कोरोना’मुळे उत्पादित साखरेची विक्री झाली नाही. यामुळे अडचणी कायम आहेत. साखर निर्यात जरी झाली तरी स्थानिक साखरेचा खपही मोठ्या प्रमाणात वाढणे अपेक्षित आहे. सध्याची परिस्थिती पाहता पुढील दोन ते तीन महिन्यांत उठाव होईल याची शाश्‍वती नाही. परिणामी व्याजाचा बोजा मात्र कारखान्यांवर पडणार आहे, असे साखर तज्ज्ञ  विजय औताडे यांनी सांगितले.
 

 
 


इतर अॅग्रोमनी
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...
ग्राहकांच्या अपेक्षेनुसार उत्पादन...सध्या शेतकरी कायद्यामध्ये बदल झाल्यानंतर करार...
जळगावच्या सुवर्ण बाजाराला झळाळीजळगाव ः शुद्धता, सचोटीसाठी प्रसिद्ध असलेल्या...
सोयाबीनची चाल पाच हजारांकडे  पुणे ः देशांतर्गत बाजारातील कमी आवक, शिकागो बोर्ड...
बेदाणा दरात सुधारणासांगली ः गेल्या चार ते पाच महिन्यांपासून...
नाईक सूतगिरणीचा कंटेनर निघाला चीन,...पुसद, जि. यवतमाळ : लॉकडाउन काळात पिंपळगाव कान्हा...
बांगलादेशच्या वस्त्रोद्योगात चीनची मोठी...जळगाव ः भारतीय कापसाचा सर्वांत मोठा खरेदीदार...
साखर निर्यात यंदा ठरणार फायदेशीरकोल्हापूर : साखरेचा आंतरराष्ट्रीय बाजारात गेल्या...
सांगलीत हळदीची उलाढाल २८० कोटींनी घटलीसांगली ः कोरोना विषाणूमुळे बाजार समित्या बंद...
बांगलादेशमधील संत्रा निर्यात लांबणीवरनागपूर : तांत्रिक कारणांमुळे बांगलादेशमध्ये...
साखरेचे नवे निर्यात करार ठप्पकोल्हापूर: देशातील साखर हंगामास सुरवात होत असली...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तांदळाची विक्रमी निर्यात होणार पुणे: देशात यंदा सर्वत्र समाधानकारक पाऊस...
देशातून ३५ लाख कापूस गाठींची निर्यात...जळगाव ः जगभरात कापूस पिकाला नैसर्गिक फटका बसतच...
भारतातील तेलबियांची परिस्थितीभारतामध्ये तेलबियांची विविधता अधिक असून, जागतिक...
बंगलोर रोझ, कृष्णपुरम वाणाचा दहा हजार...नाशिक : बंगलोर रोझ व कृष्णपुरम छोट्या आकाराच्या...
डाळींच्या दरात दहा टक्के वाढ मुंबई : पालेभाज्या, कांदा, बटाटा यांसह आता...
जागतिक कापूस उत्पादन घटणार; ...जळगाव ः जागतिक कापूस उत्पादन नव्या म्हणजेच २०२०-...