Agri Business News Turmeric sales declined by five lakh quintals Sangli Maharashtra | Agrowon

सांगली बाजारसमितीत हळद विक्रीत पाच लाख क्विंटलने घट

अभिजित डाके
रविवार, 19 जुलै 2020

सांगली ःयावर्षी ‘कोरोना’च्या संकटामुळे येथील बाजारसमितीत हळद विक्रीत पाच लाख क्विंटलने घट झाली आहे. सव्वा तीन महिन्यांत  ३ लाख ७५ हजार ५५० क्विंटल हळदीची विक्री झाली. त्यातही हळदीच्या दरात पाचशे ते सातशे रुपयांनी घट झाली. 

सांगली ः सांगली बाजार समिती हळदीच्या व्यापाऱ्यासाठी देशभरात प्रसिद्ध आहे. गतवर्षी १ एप्रिल ते ११ जुलै या कालावधीत बाजार समितीत आठ लाख ६९ हजार ८८ क्विंटल हळदीची विक्री झाली होती. यावर्षी ‘कोरोना’च्या संकटामुळे विक्रीत पाच लाख क्विंटलने घट झाली आहे. सव्वा तीन महिन्यांत केवळ ३ लाख ७५ हजार ५५० क्विंटल हळदीची विक्री झाली आहे. त्यातही हळदीच्या दरात पाचशे ते सातशे रुपयांनी घट झाली आहे.

सांगली बाजार समितीत हळदीचा मुख्य हंगाम मार्च ते मे अखेरपर्यंत असतो. या कालावधीत बाजार आवारात हळदीची आवक मोठ्या प्रमाणात होते. त्यामुळे दिवसातून दोन वेळा सौदे घ्यावे लागतात. गतवर्षी १ एप्रिल ते ११ जुलै या कालावधीत सहा लाख एक हजार १७४ क्विंटल राजापुरी हळदीची विक्री झाली होती. या हळदीला सरासरी ८१४० रुपये प्रति क्विंटल असा दर मिळाला होता. चांगल्या दर्जाच्या हळदीला १० हजार ३१६ रुपये क्विंटलपर्यंत दर मिळाला होता. आंध्रप्रदेश, कर्नाटक, तामिळनाडू यासह महाराष्ट्राच्या विविध भागातून आलेल्या दोन लाख ६८ हजार ७१४ क्विंटल हळदीची विक्री झाली होती. परराज्यातील हळदीला ५७२५ रुपये क्विंटल असा मिळाला होता. 

यंदा हळदीचा हंगाम सुरू झाल्यानंतर काही दिवसाच ‘कोरोना’चा प्रादुर्भाव वाढला. यातूनच दोन ते अडीच महिने बाजार समित्या बंद होत्या. वाहतूक व्यवस्थाही बंद करण्यात आली होती. त्याचा परिणाम हळदीच्या आवक आणि विक्रीवर झाला. यावर्षी म्हणजे १ एप्रिल २०२० ते ११ जुलै या कालावधीत तीन लाख ५९ हजार ८१० क्विंटल हळदीची विक्री झाली आहे. या दरम्यान हळदीला सरासरी ७४०९ रुपये क्विंटल असा दर मिळाला. राजापुरी हळदीच्या विक्रीत दोन लाख ४१ हजार ३६४ क्विंटलने घट झाली. तर सरासरी दर ७१४ रुपयांनी कमी झाले. अन्य राज्यांतून केवळ १५ हजार ७४० क्विंटल हळदीची आवक झाली आहे. या हळदीच्या दरात पाचशे ते १ हजार रुपयांची घट झाली आहे.

सांगली बाजार समितीत राज्यासह परराज्यांतून हळदीची आवक आणि विक्री मोठ्या प्रमाणात होते. सौद्याच्या स्पर्धेतून दराची चढाओढ होत असते. परंतु यंदा ‘कोरोना’च्या प्रादुर्भावामुळे परपेठ हळदीच्या आवकेत दोन लाख ५० हजार क्विंटलने घट झाली असल्याचे दिसून येत आहे. ही स्थिती बघता भविष्यात परराज्यांतून सांगली बाजार समितीत हळद येणार का असा प्रश्‍न उपस्थित झाला आहे. 
 

हळदीची उलाढाल (रुपये, क्विंटल) एप्रिल ते जुलै २०१९
हळद  विक्री  सरासरी दर 
राजापुरी हळद ६,०१,१७४ ८१४०
परपेठ २,६८,७१४ ५७२६
एप्रिल ते जुलै २०२०
हळद विक्री सरासरी दर
राजापुरी हळद  ३,५९,८१०  ७४०९
परपेठ  १५,७४० ५१०१

 


इतर अॅग्रोमनी
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कृषी सुधारणांचा वेळोवेळी आढावा घ्याः ‘...नवी दिल्लीः केंद्र सरकार ‘पीएम-किसान’...
काश्‍मिरी केशरला भौगोलिक मानांकनजम्मू: काश्‍मिरमध्ये उत्पादीत होणाऱ्या केशरला...
देशात खरिपाचा ६५ टक्के पेरा आटोपलानवी दिल्लीः देशात खरिपाखालील सरासरी क्षेत्र १...
‘स्ट्रॉबेरी‘ला बाजारपेठ विस्ताराची गरजस्ट्रॉबेरी उत्पादक पट्यात पॅकहाउस आणि शीतकरण...
भारतातून यंदा दशकातील विक्रमी साखर...कोल्हापूर: लॉकडाउनच्या संकटानंतरही साखर...
सांगली बाजारसमितीत हळद विक्रीत पाच लाख...सांगली ः सांगली बाजार समिती हळदीच्या...
शेतीमाल निर्यातीला चीन वादाचा फटका नाहीपुणे : महाराष्ट्रातून चीनला होणारी शेतीमालाची...
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...
ब्राझीलच्या साखरेमुळे दर घसरलेकोल्हापूर : गेल्या हंगामाच्या तुलनेत यंदा...
साखर दरात सुधारणा कोल्हापूर ः देशात सुरू झालेली अनलॉकची प्रक्रिया व...
पुणे बाजार समितीचा पॅटर्न राज्यभर चर्चेतपुणे बाजार समितीमध्ये गेल्या काही वर्षांत अनेक...
आगामी हंगामावर शिल्लक साखरेचा दबाव कोल्हापूर: कोरोनामुळे यंदा देशात साखरेची विक्री...
साखर निर्यात अनुदानाचे साडेसात हजार...कोल्हापूर: गेल्या दोन वर्षात देशातील कारखान्यांनी...
देशातील साखर उद्योगही येईल पूर्वपदावर;...कोल्हापूर  : कोविडच्या संकटामुळे ठप्प झालेली...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...
साखर विक्रीची मुदत १० जूनपर्यंत वाढवा...कोल्हापूर : इंडियन शुगर मिल्स असोसिएशनने (इस्मा)...
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...