कोल्हापुरातील तपोवन मैदानावर घाऊक सौदे सुरु

कोल्हापूर  : येथील बाजार समितीत होणारे सौदे शनिवारपासून (ता.२८) तपोवनच्या मैदानावर सुरू झाले. ‘कोरोना’चा संसर्ग होऊ नये म्हणून कोल्हापूर बाजार समितीत होणारी अडचण लक्षात घेता सौदयांसाठी तपोवन मैदान निवडण्यात आले आहे.

सोशल डिस्टन्स राखण्यासाठी या मैदानावर पुढील काही दिवस भाजीपाल्याचे सौदे होणार आहेत. पहिल्या दिवशी येथे शेतकऱ्यांपेक्षा अडत्यांची गर्दी जास्त राहिली. नियमित आवकेच्या तुलनेत शेतीमालाची ४० टक्के आवक कमी झाल्याचे बाजारसमितीच्या सूत्रांनी सांगितले. अजूनही अनेक शेतकऱ्यांना या सौद्यांबाबत माहिती नसल्याने आवक कमी झाल्याचे बाजारसमितीच्या सूत्रांनी सांगितले.