सोंडलेचा १७० कोटींचा निवाडा मंजूर

तापी नदीवरील २५०० कोटी रुपयांच्यासुलवाडे- जामफळ- कानोली उपसासिंचन योजनेत येणाऱ्या बुडीत क्षेत्रात सोंडले शिवरातील ४३५ गटांतील ४८८ हेक्टर क्षेत्राचा निवाडा नाशिक विभागीय आयुक्तांनी मंजूर केला आहे.
सोंडलेचा १७० कोटींचा निवाडा मंजूर
सोंडलेचा १७० कोटींचा निवाडा मंजूर

चिमठाणे, जि. धुळे : शिंदखेडा व धुळे तालुक्यांना योगदान ठरणारी तापी नदीवरील सुमारे २५०० कोटी रुपयांची सुलवाडे- जामफळ- कानोली उपसासिंचन योजनेत येणाऱ्या बुडीत क्षेत्रात सोंडले (ता. शिंदखेडा) गावशिवरातील ४३५ गटांतील ४८८ हेक्टर क्षेत्राचा निवाडा नाशिक विभागीय आयुक्त राधाकृष्ण गमे यांनी नुकताच मंजूर केला आहे. 

सोंडले येथील जमीन निवाड्यामध्ये तलाठी किशोर नेरकर यांना बळी द्यावा लागला होता. मात्र वादात सापडल्याने ३ नोव्हेंबरला सुमारे १७० कोटींचा निवाडा विभागीय आयुक्त गमे यांनी मंजूर केले असून, ४३५ गटांतील लागवडी लायक ४२६.४२ हेक्टर व पोटखराब ६१.२७ हेक्टर, असे एकूण ४८७.६९ हेक्टर क्षेत्रावरील जमीन संपादित करण्यात आली आहे, अशी माहिती शिरपूर उपविभागीय अधिकारी प्रमोद भामरे यांनी दिली. 

जामफळ व कनोली उपसासिंचन योजनेचे पंतप्रधान नरेंद्र मोदींच्या हस्ते उद्‍घाटन करण्यात आले होते. २०२२ पर्यंत प्रकल्प पूर्ण करायचा असून, २,२०० कोटी निधीसह मंजूर झाले आहेत. एकूण दोन हजार ४६० कोटी रुपयांची योजना आहे. यापैकी २५ टक्के रक्कम शासन, तर ७५ टक्के रक्कम नाबार्डकडून मिळविली जाणार आहे. ९.२४३ टीएमसी पाणी जामफळसह नऊ तलावांत टाकले जाणार आहे. शिंदखेडा तालुक्यातील ३८ गावांतील २४ हजार ९६० हेक्टर, तर उर्वरित धुळे तालुक्यातील शंभर गावांतील ३३ हजार ३६३ हेक्टर क्षेत्र ओलिताखाली येणार आहे. त्याचा एक लाखाहून अधिक शेतकऱ्यांची सिंचनांची सोय होणार आहे .

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com