नाशिक : राज्य शासनाने महात्मा फुले कृषी विद्यापीठ, राहुरीअंतर्गत तीन वर्षांचा इंग्रजी माध्यमाच्या सहा सत्रांचा कृषी तंत्रनिकेतन पदविका अभ्यासक्रमास काष्टी (ता. मालेगाव) येथील कृषी विज्ञान संकुलात मान्यता दिली आहे. या प्रवेश प्रक्रियेची मुदतवाढ ३० नोव्हेंबरपर्यंत वाढविण्यात आली आहे, अशी माहिती येथील कृषी व्यवसाय व्यवस्थापन महाविद्यालयाचे सहयोगी अधिष्ठाता डॉ. विश्वनाथ शिंदे यांनी दिली. प्रवेश अर्ज स्वीकृतीसाठी (ता. २२) नोव्हेंबरपर्यंत ऑनलाइन मुदत होती. त्यास आता ३० नोव्हेंबरपर्यंत मुदतवाढ मिळाली आहे. एसएससी उत्तीर्ण असलेल्या तंत्रनिकेतन या अभ्यासक्रमासाठी प्रवेशित विद्यार्थ्यांनी तीन वर्षांचा अभ्यासक्रम पूर्ण केल्यानंतर गुणवत्तेनुसार व राखीव आरक्षणानुसार कृषी संलग्न पदवी अभ्यासक्रमात द्वितीय वर्षात थेट प्रवेश देण्यात येणार आहे. अर्ज प्रक्रिया खालीलप्रमाणे... या प्रवेशाचा अर्ज महात्मा फुले कृषी विद्यापीठाच्या www.mpkv.in या संकेत स्थळावर उपलब्ध आहे. संकेतस्थळावरून प्रवेश माहिती पुस्तिकेची प्रत काढून अर्जातील सर्व बाबी व्यवस्थित भराव्यात. प्रवेश अर्ज प्राचार्य, कृषी तंत्रनिकेतन, मालेगाव (जि. नाशिक) कॅम्प या ठिकाणी अथवा इतर जिल्ह्यातील विद्यार्थ्यांनी त्या त्या घटक कृषी विद्यालयाच्या प्राचार्यांकडे जमा करावेत. प्रवेशासंदर्भात अधिक माहितीसाठी ९४२३७८४५३५, ७९७२२७६१०६ या क्रमांकावर संपर्क साधावा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.