सोलापूर ः जिल्ह्यातील माढा, माळशिरस, महाळूंग- श्रीपूर, वैराग आणि नातेपुते या नगरपंचायतीसाठी सार्वत्रिक निवडणुका १८ जानेवारी रोजी होणार आहेत. या नगरपंचायत निवडणूक क्षेत्रातील मतदारांना मतदानाच्या दिवशी मतदानाचा हक्क बजावण्यासाठी सुट्टी अथवा दोन तास सवलत द्यावी, असे नगर परिषद प्रशासनाचे सहआयुक्त आशिष लोकरे यांनी कळविले आहे.
निवडणूक होणाऱ्या मतदान क्षेत्रात मतदार असलेले कामगार, अधिकारी, कर्मचारी यांना निवडणुकीच्या दिवशी मतदानाचा हक्क बजाविण्यासाठी सुट्टी देण्यात यावी. ही सुट्टी उद्योग, ऊर्जा व कामगार विभागांतर्गत येणाऱ्या सर्व आस्थापना, कारखाने, दुकाने, निवासी हॉटेल, खाद्यगृहे, नाट्यगृहे, व्यापार, औद्योगिक उपक्रम, माहिती तंत्रज्ञान कंपन्या, शॉपिंग सेंटर, मॉल्स यांना लागू राहील. अपवादात्मक परिस्थितीत पूर्ण दिवस सुट्टी देणे शक्य नसेल, तर त्यांनी जिल्हाधिकारी तथा जिल्हा निवडणूक अधिकारी यांची पूर्वपरवानगी घेऊन कमीत कमी दोन तास सवलत देणे आवश्यक आहे, असे श्री. लोकरे यांनी म्हटले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.