agriclture news in marathi,Yeola: Distribution of grants to joint account holders on extension | Agrowon

येवला : संयुक्त खातेदारांचे अनुदानवाटप लांबणीवर

टीम अॅग्रोवन
बुधवार, 8 डिसेंबर 2021

येवला : सप्टेंबर-ऑक्टोबरमध्ये अतिवृष्टी व गुलाब चक्रीवादळामुळे झालेल्या नुकसानीची भरपाई शासनाकडून प्राप्त झाल्यानंतर तहसील कार्यालयाने सुमारे ३९ हजार शेतकऱ्यांच्या खात्यावर ४१ कोटींचे अनुदान वर्ग केले आहे.

येवला : सप्टेंबर-ऑक्टोबरमध्ये अतिवृष्टी व गुलाब चक्रीवादळामुळे झालेल्या नुकसानीची भरपाई शासनाकडून प्राप्त झाल्यानंतर तहसील कार्यालयाने सुमारे ३९ हजार शेतकऱ्यांच्या खात्यावर ४१ कोटींचे अनुदान वर्ग केले आहे. काही शेतकऱ्यांचे संयुक्त तथा सामाईक खाते असल्याने अशा शेतकऱ्यांचे अनुदान वर्ग करण्याला अडथळा येत आहे. त्यामुळे अशा शेतकऱ्यांनी संमतिपत्र व गरजेचे कागदपत्रे तत्काळ जमा करावीत, असे आवाहन तहसीलदार प्रमोद हिले यांनी केले आहे. संमतिपत्र न देणाऱ्या शेतकऱ्यांचे अनुदान पुन्हा शासनाकडे जाऊ शकते, असा इशारा त्यांनी दिला आहे.

अवकाळी पावसाने तालुक्‍यातील शेतकऱ्यांचे प्रचंड नुकसान केले असून, तब्बल आठवडाभर कपाशी, द्राक्ष, कांदे, भाजीपाला पिकात पाणी साचले होते. या पिकाचे पंचनामे करून महसूल व कृषी विभागाने अहवाल शासनाला पाठविला होता. त्यानुसार ४९ हजार २७६ शेतकऱ्यांच्या नुकसानभरपाईसाठी सुमारे ५० कोटी ६९ लाखांच्या अनुदानाची मागणी करण्यात आली होती. यापैकी पहिल्या टप्प्यात ४१ कोटी ४४ लाखांचे अनुदान प्राप्त झाले होते. ते पूर्णतः ३९ हजार ३३७ शेतकऱ्यांच्या खात्यावर वर्ग करण्यात आले आहे. तर नऊ हजार ९३९ शेतकऱ्यांना अजून नऊ कोटी २५ लाख रुपये अनुदानवाटप बाकी आहे.

या अनुदानाचीही मागणी करण्यात आली आहे. यात बहुतांशी संयुक्त व सामान्य खातेदारांची संख्या आहे. तालुक्यातील सर्व पात्र खातेदारांच्या याद्या तयार करण्यात येऊन बँक खाते क्रमांक प्राप्त झाल्यानंतर अनुदानवाटप सुरू होईल. वैयक्तिक खातेदारांच्या खात्यावर रक्कम जमा करण्यात आली आहे. संयुक्त वा सामाईक खाते असलेल्या सर्व खातेदारांनी एका खातेदाराच्या खात्यावर पैसे जमा करण्यासाठी संमतिपत्र देणे आवश्यक आहे. मात्र, तालुक्यातील शिल्लक असलेल्या संयुक्त व सामाईक खातेदार लाभार्थ्यांनी आजपावेतो तलाठी, ग्रामसेवक, कृषी सहाय्यकांकडे संमतिपत्र दिलेले नाही.

पहिल्या टप्प्यात आलेले ४१ कोटींचे अनुदान आम्ही तत्परतेने पात्र लाभार्थ्यांच्या खात्यावर वर्ग केले आहेत. उर्वरित शेतकऱ्यांनाही राहिलेले नऊ कोटी २५ लाखांचे अनुदान प्राप्त होताच तत्काळ बँक खात्यात वितरण करण्यात येईल. मात्र, यात संयुक्त व सामाईक खाते असलेल्या सर्व खातेदारांनी त्यापैकी एका खातेदाराच्या खात्यावर पैसे जमा करण्यासाठी आपले संमतिपत्र करून द्यावे, अन्यथा हे अनुदान पुन्हा शासनाकडे परतही जाऊ शकते.
- प्रमोद हिले, तहसीलदार, येवला
 


इतर बातम्या
22 तारखेला कुठे होणार पाऊस?20 तारखेला दिवसभर राज्यातले हवामान कोरडे...
पंजाबात मोहरीच्या क्षेत्रात वाढ, मात्र...वृत्तसेवा - पंजाबमध्ये मोहरीची लागवड ३३ हजार...
लाळ्या खुरकूत साथीमुळे मलिग्रेत चार...आजरा, जि कोल्हापूर ः मलिग्रे पंचक्रोशीत लाळ्या...
वारणा साखर कारखान्याची निवडणूक...वारणानगर जि. कोल्हापूर : येथील श्री. तात्यासाहेब...
संपादित जमिनीला वाढीव मोबदला द्या अकोला : जिल्ह्यातील पारस येथील औष्णिक विद्युत...
ज्युनिअर आर. आर पाटलांनी कवठेमहांकाळचं...सांगली - संपूर्ण राज्याचं लक्ष लागलेल्या...
गडचिरोलीचे हत्ती गुजरातला नेण्याचा घाटगडचिरोली : जिल्ह्यातील सिरोंचा वनविभागातील अहेरी...
उन्हाचा चटका वाढला, गारठा ओसरला पुणे : राज्यात उन्हाचा चटका वाढू लागला असल्याने...
साखर कारखान्यांच्या माल तारण  कर्जावरील...कोल्हापूर : साखर कारखान्यांच्या माल तारण...
खते मुबलक; पण किंमत जादा पुणे : राज्यात रब्बी हंगामात रासायनिक खतांची...
ज्येष्ठ विचारवंत डॉ. एन. डी. पाटील...कोल्हापूर ः ज्येष्ठ पुरोगामी विचारवंत, माजी...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
कांदाच बनला टुमदार बंगल्याची ओळख नाशिक ः  या नभाने या भुईला दान...
ईश्‍वेद समूहाच्या टिश्‍युकल्चर ...अकोला : सिंदखेडराजा येथील ईश्‍वेद बायोटेक टिश्‍...
कापूस आयात शुल्क  रद्दच्या विषयावरील...जळगाव ः कापसावरील आयात शुल्क रद्द करण्यासह वायदा...
नाशिकच्या स्टार्टअपचा राष्ट्रीय पातळीवर...नाशिक : केंद्रीय वाणिज्य आणि उद्योगमंत्री पीयूष...
तूर विक्रीसाठी शेतकऱ्यांची  खुल्या...अमरावती : सोयाबीन व कापसानंतर खरीप हंगामातील...
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
पुणे विभागात रब्बीतील कांदा लागवडीत वाढपुणे : आगामी काळात कांद्याला चांगले दर...