agricultrue news in marathi, lack of rainfall in buldhana district, maharashtra | Agrowon

बुलडाण्यात सरासरीपेक्षा कमी पाऊस

टीम अॅग्रोवन
गुरुवार, 2 ऑगस्ट 2018

अकोला  : पावसाळ्याचे दोन महिने उलटले असून, या कालावधीत अकोला-वाशीम या जिल्ह्यांमध्ये चांगला पाऊस झाला अाहे. मात्र लगतच्या बुलडाणा जिल्ह्यात जून आणि जुलै या दोन महिन्यांत पावसाने अपेक्षित सरासरीसुद्धा अोलांडलेली नाही. परिणामी या जिल्ह्यातील लाखो शेतकरी जोरदार पावसाच्या प्रतीक्षेत अाहेत. जिल्ह्यात दोन महिन्यांत सरासरी ३४४ मिलिमीटर पाऊस होणे अपेक्षित असताना प्रत्यक्षात २४७ मिमी पाऊस झाला. हा पाऊसही असमान झालेला असून, कमी पावसामुळे जिल्ह्यातील प्रकल्प कोरडे आहेत. परिणामी पाणीटंचाई कायम असून, पिकांची स्थितीसुद्धा जेमतेम अाहे.

अकोला  : पावसाळ्याचे दोन महिने उलटले असून, या कालावधीत अकोला-वाशीम या जिल्ह्यांमध्ये चांगला पाऊस झाला अाहे. मात्र लगतच्या बुलडाणा जिल्ह्यात जून आणि जुलै या दोन महिन्यांत पावसाने अपेक्षित सरासरीसुद्धा अोलांडलेली नाही. परिणामी या जिल्ह्यातील लाखो शेतकरी जोरदार पावसाच्या प्रतीक्षेत अाहेत. जिल्ह्यात दोन महिन्यांत सरासरी ३४४ मिलिमीटर पाऊस होणे अपेक्षित असताना प्रत्यक्षात २४७ मिमी पाऊस झाला. हा पाऊसही असमान झालेला असून, कमी पावसामुळे जिल्ह्यातील प्रकल्प कोरडे आहेत. परिणामी पाणीटंचाई कायम असून, पिकांची स्थितीसुद्धा जेमतेम अाहे.

खरिपाची सुरवात या वर्षी जोरात झाली. जून महिन्यातील पहिल्याच अाठवड्यात पाऊस झाल्यानंतर पेरण्या सुरू झाल्या. वऱ्हाडात यावर्षी चांगला पाऊस होईल, असे अपेक्षित धरले जात होते. बुलडाण्याच्या तुलनेने अकोला, वाशीम या दोन्ही जिल्ह्यांत समाधानकारक पाऊस झाला अाहे. त्यातही या वेळी वाशीम जिल्हा अग्रस्थानी अाहे. अकोल्यात अकोट, तेल्हारा हे तालुके अाजवर जेमतेम पावसाचेच राहलेले असून, तिकडे मोठ्या पावसाची प्रतीक्षा कायम अाहे.

बुलडाणा जिल्ह्यात जून महिन्यात ८६.५ मिमी (सरासरीच्या ६१ टक्के) तर जुलैत १६१.३ मिमी म्हणजेच सरासरी ७९.२ टक्के पाऊस झाला. अकोला जिल्ह्यात जूनमध्ये १७७.१, जुलैत २७४ मिमी अाणि वाशीममध्ये जून महिन्यात २६८ तर जुलैत २४९ मिमी पाऊस झाला आहे.

बुलडाण्यात स्थिती बिकट
अातापर्यंत पावसाळ्याचे दोन महिने लोटले तरी बुलडाणा जिल्ह्यात पुरेसा पाऊस न झाल्याने प्रकल्पांमधील पाणीसाठ्यात तिळमात्र वाढ झालेली नाही. एेन पावसाळ्यात जिल्ह्यातील ९१ प्रकल्पांनी तळ गाठला आहे. अाता पावसाळ्याच्या आगामी दोन महिन्यांत अपेक्षित पाऊस न झाल्यास जिल्ह्यातील पिकांसह प्रकल्पांवर अाधारित असलेल्या पाणीपुरवठा योजनांना मोठा फटका बसू शकतो. मागील वर्षात या जिल्ह्यात दुष्काळ जाहीर झाला होता. कमी पावसामुळे पुन्हा तीच परिस्थिती उद्भवू शकते.

अकोट, तेल्हाऱ्यात पावसाची गरज
अकोला जिल्ह्यात सरासरीपेक्षा अधिक पाऊस झाला. मात्र याच जिल्ह्यातील तेल्हारा, अकोट हे दोन तालुके अद्यापही जोरदार पावसाच्या प्रतीक्षेत अाहेत. अकोट तालुक्यात खारपाण पट्ट्यात पुरेशा पावसाअभावी केळीवेळी भागात काही शेतकऱ्यांनी अांतरपीक म्हणून लावलेली मूग, उडीद ही पिके वखरली अाहेत. पावसाची अशीच स्थिती राहली; तर तेथेही पाण्याची समस्या वाढू शकते.

वाशीममध्ये सर्वत्र समाधान
पाणीटंचाईला वर्षभर सामोरा गेलेल्या वाशीम जिल्ह्यात या मोसमातील दोन महिने चांगल्या पावसाचे राहिले अाहेत. दमदार पावसामुळे असंख्य प्रकल्प तुडुंब भरून वाहत अाहेत. या जिल्ह्यात पिकांची स्थितीसुद्धा अातापर्यंत चांगली अाहे.  
 

पाऊस स्थिती (मिमी)
जिल्हा  अपेक्षित पाऊस  पडलेला पाऊस
बुलडाणा  ३९९.८ २४७.५
अकोला ३६६ ४५१
वाशीम  ४२२ ५१७

 


इतर ताज्या घडामोडी
नांदेड, परभणी, हिंगोली जिल्ह्यात पाऊस नांदेड : नांदेड, परभणी, हिंगोली जिल्ह्यातील ११८...
मराठवाड्याच्या पाणी प्रश्नावर सर्वांनी...औरंगाबाद : ‘‘मराठवाड्यासाठी वॉटर ग्रीड अत्यंत...
कोरोनाच्या संकटात कृषी, पणन खाते अपयशी...नाशिक : ‘‘कोरोनाच्या अडचणीच्या काळात शेतकऱ्यांचा...
परभणी जिल्ह्यात पीककर्जासाठी पेरणीच्या...परभणी : जिल्ह्यातील अनेक गावातील तलाठी पीककर्ज...
नगर जिल्ह्यात एकशे तीन टॅंकरने...नगर : उन्हाची तीव्रता दिवसेंदिवस वाढू लागल्याने...
टोकन प्रक्रियेत गैरप्रकार केल्यास...परभणी : ‘‘बाजार समित्यांमार्फत टोकन देण्याच्या...
हिंगोलीत १७ हजारावर शेतकऱ्यांच्या १८...हिंगोली : चालू खरेदी हंगामात जिल्ह्यात...
पुणे जिल्ह्यात पूर्वमोसमी पावसाच्या...पुणे ः जिल्ह्यात रविवारी (ता. ३१) सायंकाळी जोरदार...
मराठवाड्यातील ३६६ मंडळांत पूर्व मोसमी...औरंगाबाद  : मराठवाड्यातील आठही जिल्ह्यातील...
सातारा जिल्ह्यात पावसाची हजेरीसातारा ः जिल्ह्यात रविवारी पूर्वमोसमी पावसाने...
‘पंदेकृवि’तर्फे उद्या खरीपपूर्व कृषी...अकोला ः डॉ. पंजाबराव देशमुख कृषी विद्यापीठाच्या...
नगरमधील दहा तालुक्यांत जोरदार पाऊसनगर ः नगर जिल्ह्यात रविवारी (ता. ३१) दहा...
मराठवाड्यात बियाणे, खते खरेदीस वेग औरंगाबाद : मराठवाड्यातील सोयगाव, देगलूर, बिलोली,...
नाशिक जिल्ह्याच्या पूर्व भागात...नाशिक : जिल्ह्याच्या पूर्व भागात नांदगाव...
नाफेड केंद्रावर तूर विकण्याचा...अमरावती ः शेतकऱ्याच्या नावावर नोंदणी करुन हमीभाव...
हमीभावाने तूर-हरभरा खरेदीस मुदतवाढअमरावती ः लॉकडाउनमुळे हमीभावाने तूर व हरभरा...
सिंधुदुर्गात पावसाची दमदार हजेरीसिंधुदुर्ग ः सिंधुदुर्गात माॅन्सूनपूर्व पावसाने...
कोल्हापुरातील बहुतांश तालुक्यांना...कोल्हापूर : मॉन्सूनपूर्व पावसाने रविवारी (ता. ३१...
सोलापुरातील चार मध्यम प्रकल्पांमध्ये...सोलापूर ः लाभक्षेत्र विकास प्राधिकरणाकडे असलेल्या...
टेंभू योजनेतून आटपाडी तालुक्यातील पंधरा...आटपाडी, जि. सांगली ः टेंभू योजनेच्या पाण्यातून...