agricultur news in marathi, Nirav Modi arrested in london | Agrowon

बॅंक कर्मचाऱ्याच्या दक्षतेमुळे मोदी जाळ्यात

वृत्तसेवा
शुक्रवार, 22 मार्च 2019

लंडन : पंजाब नॅशनल बॅंकेची हजारो कोटींची फसवणूक करून फरारी झालेला नीरव मोदी (वय ४८) याला स्कॉटलंड यार्ड पोलिसांनी भारतीय अधिकाऱ्यांच्या वतीने बुधवारी (ता. २०) लंडनमध्ये अटक केली. बॅंकेला गंडा घालणाऱ्या मोदी याला अटक करण्यात येथील मेट्रो बॅंकेच्या कर्मचाऱ्याची हुशारी कामी आली, हा एक प्रकारचा योगायोगच आहे.

लंडन : पंजाब नॅशनल बॅंकेची हजारो कोटींची फसवणूक करून फरारी झालेला नीरव मोदी (वय ४८) याला स्कॉटलंड यार्ड पोलिसांनी भारतीय अधिकाऱ्यांच्या वतीने बुधवारी (ता. २०) लंडनमध्ये अटक केली. बॅंकेला गंडा घालणाऱ्या मोदी याला अटक करण्यात येथील मेट्रो बॅंकेच्या कर्मचाऱ्याची हुशारी कामी आली, हा एक प्रकारचा योगायोगच आहे.

नीरव मोदी मेट्रो बॅंकेत खाते उघडण्यासाठी गेला होता. त्या वेळी बॅंक कर्मचारी टेलर याने त्याला ओळखले व सावधानता बाळगत स्कॉटलंड यार्ड पोलिसांनी कळविले. त्यानंतर सुरक्षा यंत्रणांनी बॅंकेत पोचून त्याला ताब्यात घेतले. नीरव मोदी हा २५ मार्च रोजी पोलिसांना शरण येणार होता. त्याच्या वकिलांनी तसे जाहीर केले होते. पण त्यापूर्वीच तो पकडला गेल्याने वकिलांनाही धक्का बसला आहे. वेस्ट मिनिस्टर न्यायालयाने काल जामीन नाकारल्याने त्याला २९ मार्चपर्यंत कोठडीत राहावे लागणार आहे. आता नीरव मोदी याची सुनावणी मुख्य न्यायदंडाधिकारी एम्मा अब्रुथनॉट यांच्या समोर होणार आहे. फरारी उद्योगपती विजय मल्ल्या याचा खटल्याचेही कामकाज त्यांनीच पाहिले आहे.

अटक होण्यापूर्वी नीरव मोदी वेस्टएंडमधील आलिशान घरात राहत होता. आता त्याची रवानगी इंग्लंडमधील सर्वांत दाटीवाटी असलेल्या "हर मॅजेस्टीज प्रीझन (एचएमपी) वॅंड्‌सवर्थ' या तुरुंगात करण्यात आली आहे. येथील माध्यमांच्या दाव्यानुसार या तुरुंगात अंडरवर्ल्ड डॉन दावूद इब्राहिम याचा पाकिस्तानमधील साथीदार जबीर मोती हाही कैदेत आहे. मोदी याच्या प्रत्यार्पण प्रकरणावरील सुनावणी पुढील आठवड्यात होणार आहे. तोपर्यंत त्याला तुरुंगात राहावे लागणार आहे.

असे आहे 'एचएमपी वॅंड्‌सवर्थ'

  • 'ब'दर्जाचे कारागृह
  • उच्च दर्जाची सुरक्षा जोखीम नसलेल्या गुन्हेगारांची रवानगी
  • मार्च २०१८मधील अहवालानुसार तुरुंगातील पुरुष कैद्यांची संख्या एक हजार ४२८
  • इंग्लंड व वेल्समधील सर्वाधिक गर्दी असलेला तुरुंग
  • अमली पदार्थ व मानसिक आरोग्याशी संबंधित कैदी जास्त
  • एका रुग्णाच्या जागी दोन कैद्यांची भरती
  • पुरेशा प्रसाधनगृहांचा अभाव
  • कोठडीतून बाहेर येण्यास कमी कालावधी

मोदीच्या मोटारी व चित्रांचा लवकरच लिलाव
नवी दिल्ली :
‘पीएनबी' बॅंकेची १३ हजार कोटी रुपयांची फसणूक करणारा हिरे व्यापारी नीरव मोदी याच्या मालकीची १७३ चित्रे व ११ मोटारींचा लिलाव करण्यात येणार आहे. यासाठी मुंबईतील विशेष न्यायालयाने सक्तवसुली संचलनालयाला (ईडी) बुधवारी (ता. २०) परवनागी दिली. नीरव मोदी याच्या मालकीच्या १७३ चित्रांची किंमत ५७.७२ कोटी आहे. तसेच त्याच्याकडे रोल्स रॉईस, पोर्शे, मर्सिडिस व टोयोटा फॉच्युनर अशा महागड्या ११ मोटारी आहेत. पुढील महिन्यात याचा लिलाव होईल, अशी माहिती अधिकाऱ्यांनी दिली. बनावट हिरे विक्रीच्या स्वतंत्र गुन्हाच्या चौकशीत प्राप्तिकर विभागाने नीरव मोदी याची आणखी ६८ चित्रे जप्त केली असून, त्यांचाही लिलाव करण्यास विशेष न्यायालयाने परवानगी दिल्याची माहिती "ईडी'च्या अधिकाऱ्यांनी दिली. 


इतर ताज्या घडामोडी
धुळे जिल्ह्यात लष्करी अळी...देऊर, जि.धुळे : देऊर (ता.धुळे) सह तालुक्यात...
सुरवाडे परिसरात अतिमूसळधार पाऊस जळगाव : बोदवड तालुक्यातील सुरवाडे खुर्द परिसरात...
निसर्ग चक्रीवादळबाधित वीज ग्राहकांचा...मुंबई : निसर्ग चक्रीवादळामुळे बाधित झालेल्या वीज...
नामपूर बाजार समितीत ‘रयत’चे आंदोलन नामपूर, जि. नाशिक :  कांदा व डाळिंब उत्पादक...
नांदेडमध्ये सव्वा दोन लाख क्विंटलवर...नांदेड : जिल्ह्यात कोरोना साथीमध्ये राज्य सहकारी...
मका, चारा, कडवळ पिकावर हिरव्या...औरंगाबाद  : तालुक्यातील आडगाव, निपाणी,...
पीक कर्जवाटपात व्यापारी बॅंकांचा ‘ना’...औरंगाबाद : मराठवाड्यात जुलैच्या पहिल्या...
मराठवाड्यातील पावसाचा जोर कमीऔरंगाबाद : मराठवाड्यातील आठही जिल्ह्यात बुधवारी (...
मका पिकासाठी ठिबक सिंचनमका लागवडीसाठी गादी वाफ्याची रुंदी ७५ सेंमी आणि...
नियोजन आडसाली ऊस लागवडीचेलागवड १५ जुलै ते १५ ऑगष्टपर्यंत करावी.जोडओळ पट्टा...
पीक संरक्षणासाठी चिकट सापळ्यांचे प्रमाण...कीटकांच्या डोळ्यांच्या रचनेचा विचार करून योग्य...
कॅनोपी व्यवस्थापनातून रोगनियंत्रणसध्याच्या वातावरणाचा विचार करता प्रत्येक ठिकाणी...
सोयाबीन पाने पिवळी पडण्याचे कारण जाणून...यंदाच्या खरीप हंगामात सुरवातीला समाधानकारक पाऊस...
नाशिकमध्ये दोडका २९१० ते ७०८० रूपये...नाशिक : येथील कृषी उत्पन्न बाजार समितीमध्ये...
नगरमध्ये मागणीच्या ५० टक्केच युरिया... नगर   ः जोमात असलेल्या खरीप...
सोलापुरात खते उपलब्धता पुरेशी, दरवाढीचा...सोलापूर   ः सोलापूर जिल्ह्यात जूनअखेर...
जळगावात आले २८०० ते ४४०० रुपये...जळगाव  ः कृषी उत्पन्न बाजार समितीमध्ये...
सातारा जिल्ह्यात जाणवतेय युरियाची टंचाई सातारा   ः खरीप हंगामाकरिता रासायनिक...
पुणे जिल्ह्यात अनावश्यक खते खरेदी ...पुणे  ः शेतकऱ्यांना खरीप हंगामात खतांची...
औरंगाबाद, जालना जिल्ह्यातील पाच मंडळांत...औरंगाबाद : मराठवाड्यातील औरंगाबाद व जालना...