Agricultural Agriculture News Marathi article regarding garlic processing. | Agrowon

लसूण प्रक्रियेसाठी यंत्राचा वापर फायदेशीर

सचिन मस्के
बुधवार, 13 मे 2020

लसणाच्या योग्य साठवणीबरोबरच लसणापासून प्रक्रिया पदार्थांची निर्मिती करणे अत्यंत महत्त्वाचे ठरते. अशा उद्योगाच्या उभारणीसाठी आवश्यक यंत्रांची माहिती घेऊयात.

लसणाच्या योग्य साठवणीबरोबरच लसणापासून प्रक्रिया पदार्थांची निर्मिती करणे अत्यंत महत्त्वाचे ठरते. अशा उद्योगाच्या उभारणीसाठी आवश्यक यंत्रांची माहिती घेऊयात.

रोजच्या स्वयंपाकामध्ये लसणाचा वापर केला जातो. त्याच प्रमाणे विविध मसाल्यांमध्येही त्याचा मोठ्या प्रमाणात वापर होतो. बदलत्या वेगवान जीवनशैलीमध्ये रोजच्या रोज लसूण सोलणे, त्याची पेस्ट बनवणे गृहिणींना शक्य होत नाही. अशा वेळा लसूण पेस्ट, लसूण पावडर, लसूण प्युरी, लोणचे, फ्लेक्स, स्लाईस यासारख्या प्रक्रियायुक्त पदार्थांना चांगली मागणी आहे. हा उद्योग उभारणीसाठी ३ ते ४ लाख रुपये गुंतवणूक पुरेशी ठरते. उद्योगासाठी एफ.एस.एस.ए.आय. चा परवाना अनिवार्य आहे.

लसूण प्रतवारी यंत्र
यंत्राद्वारे लसणाचे वजन, आकार यानुसार विभागणी करणे सोपे असते. या यंत्रामध्ये ३० मि.मी. पेक्षा लहान, दुसरे ३० -४० मि.मी. आणि तिसरे ४५ मि.मी. व त्यापेक्षा मोठ्या आकाराच्या लसणाचे तीन प्रतींमध्ये विभाजन होते. सर्व लसूण यंत्रामध्ये टाकल्यानंतर रोटरी स्क्रिनच्या साह्याने वेगवेगळया आकाराच्या छिद्रानुसार लसणाची विभागणी होते. तो लसूण बाहेर वेगवेगळ्या क्रेटमध्ये टाकला जातो. एकूण लसूण ग्रेडची कार्य क्षमता ८२ टक्के आहे. हे यंत्र पूर्णपणे स्टील व लोखंडचे बनलेले असून थ्री फेजवर चालते. त्यासाठी ३ एच. पी. विद्युत मोटार लावलेली असते. वजन ७० किलो असून, तासाला १०० ते १२० किलो लसणाची प्रतवारी केली जाते. क्षमतेनुसार यंत्राची किंमत ही ५० हजार रुपयांपासून पुढे आहेत.

  लसूण पाकळ्या काढणारे यंत्र   
लसणाच्या पाकळ्या वेगळ्या करण्यासाठी हे यंत्र वापरले जाते. यंत्रांमध्ये कुशीड बटन्स, कन्व्हेयर आणि एक पोकळ सिलेंडर असते. लसूण यंत्रामध्ये टाकल्यानंतर कन्व्हेयरने पुढे ढकलले जाऊन त्यावर बटेन्सच्या साह्याने घर्षण केले जाते. लसणापासून पाकळ्या वेगळ्या केल्या जातात. या वेगळ्या झालेल्या पाकळ्या ऑपरेटरच्या साह्याने आउटलेटमध्ये पाठविल्या जातात. आउटलेटमधून लसूण खाली कंटेनरमध्ये जमा होतो. उरलेला लसणाचा कचरा हा पोकळ सिलेंडरच्या साह्याने बाहेर फेकला जातो. पूर्णपणे लोखंडाने बनलेल्या या यंत्राची क्षमता ताशी ६० ते ८० किलो इतकी आहे. यंत्राला अर्धा एच. पी. ची विद्यूत मोटार जोडलेली असते. या मध्ये स्वयंचलित व अर्धस्वयंचलित असे दोन प्रकार आहेत. यंत्राचे वजन ५० किलो असून यंत्र थ्री फेजवर चालते. यंत्राची किंमत २० हजार रुपयांपासून सुरु होते. यंत्राचा वापर केल्यानंतर यंत्राला गरम पाण्याने धुऊन घ्यावे.  

 - सचिन मस्के, ९०४९९६७२५७
(पीएच. डी. विद्यार्थी, अन्न विज्ञान व तंत्रज्ञान विभाग, सॅमहिंगिन बॉटम कृषी, प्रौद्योगिकी आणि विज्ञान विश्वविद्यालय,  प्रयागराज, उत्तरप्रदेश)

टॅग्स

फोटो गॅलरी

इतर टेक्नोवन
नेमकेपणाने फवारणी करण्यासाठी यंत्रमानव...सध्या पुणे येथील टाटा टेक्नॉलॉजी या संस्थेमध्ये...
कृषी उत्पादनांच्या विक्रीसाठी सामाजिक...छोट्या उद्योगापासून बहुराष्ट्रीय कंपन्यापर्यंत...
लसूण प्रक्रिया उद्योगासाठी पेस्ट अन्‌...हाताने लसूण सोलण्यासाठी वेळखाऊ व कष्टदायक ठरू...
लसूण प्रक्रियेसाठी यंत्राचा वापर...लसणाच्या योग्य साठवणीबरोबरच लसणापासून प्रक्रिया...
आंबा प्रक्रिया उद्योगासाठी आवश्यक यंत्रेअलीकडे कोकणाबरोबर मराठवाडा व पश्चिम...
यंत्रांमध्ये वायूरुप इंधनाचा वापर होईल...सध्या बहुतांश वाहने व कृषी यंत्रासाठी खनिज...
मशागतीसाठी सबसॉयलर, मोल नांगराचा वापरपृष्ठभागाखाली तयार झालेला घट्ट थर फोडण्यासाठी...
शेळ्यांच्या सुलभ प्रजननासाठी...सुलभ प्रजनन व्यवस्थापन होण्यासाठी शेळीच्या प्रजनन...
हरितगृह, शेडनेटमधील पीक व्यवस्थापनकोरोना प्रादुर्भावाच्या पार्श्वभूमीवर सध्या...
चिंच प्रक्रियेसाठी बहुपयोगी यंत्रेचिंच गर काढण्यासाठी पुर्णपणे स्वयंचलीत यंत्र...
खाद्यपदार्थ पॅकेजिंग, लेबलींगचे नियमएफ.एस.एस.ए.आय. २००६ च्या कायदे व नियमाअंतर्गत...
दुग्धजन्य प्रक्रिया पदार्थांच्या...पारंपरिकरीत्या दुधापासून खवा, पनीर, दही, लस्सी...
दर्जेदार पशू खाद्य निर्मितीचे तंत्रजनावरांना शारीरिक व दूध उत्पादनासाठी लागणारे घटक...
सोपी, सहज सौर वाळवण यंत्रेसध्या कोरोनाच्या स्थितीमध्ये विक्रीअभावी शेतीमाल...
सौर ऊर्जेद्वारे काजू टरफल तेल निर्मितीसौर ऊर्जेच्या सहायाने काजू बी टरफलापासून तेल...
सिंचनाकरिता चुंबकीय पाणी तंत्राचा वापरक्षारयुक्त पाण्याचा पीक उत्पादन, गुणवत्ता यावर...
पीक व्यवस्थापनात कृत्रिम बुद्धिमत्ता,...शेती व्यवस्थापनात कृत्रिम बुद्धिमत्तेचा वापर...
ठिबक सिंचनाचा योग्य वापर महत्त्वाचा...ठिबक सिंचन तंत्रामुळे जमिनीत कायम वाफसा ठेवता...
तयार करा कांडी पशुखाद्य खाद्य घटकांची भुकटी करून गोळ्या किंवा कांड्या...
रोवा काठ्या कमी खर्चात अन श्रमात...भाजीपाला विशेषतः वेलवर्गीय पिकांमध्ये मांडवासाठी...