agricultural news in marathi cultivation planting of summer green gram and black gram | Agrowon

उन्हाळी मूग, उडीद लागवड

विनोद पवार, डॉ. सी. डी. साळुंखे, मारोती जाधव
मंगळवार, 9 मार्च 2021

रब्बी हंगामातील पिकाच्या काढणीनंतर सिंचनाखाली उन्हाळी मूग व उडीद लागवड नक्कीच किफायतशीर ठरेल. मूग आणि उडीद ही सत्तर ते ऐंशी दिवसांमध्ये येणारी पिके असून, अल्प उपलब्ध पाण्यामध्ये या पिकांचे उत्पादन घेता येते.
 

रब्बी हंगामातील पिकाच्या काढणीनंतर सिंचनाखाली उन्हाळी मूग व उडीद लागवड नक्कीच किफायतशीर ठरेल. मूग आणि उडीद ही सत्तर ते ऐंशी दिवसांमध्ये येणारी पिके असून, अल्प उपलब्ध पाण्यामध्ये या पिकांचे उत्पादन घेता येते.

जमीन
मध्यम ते भारी, चांगला निचरा होणारी असावी.

पूर्वमशागत
रब्बी हंगामातील पिकाच्या काढणीनंतर वखराच्या साह्याने जमीन भुसभुशीत करावी. कुळवाच्या पाळ्या द्याव्यात. हेक्टरी ५ टन गाड्या कुजलेले शेणखत टाकावे.

पेरणीची वेळ
उन्हाळी मुगाची पेरणी फेब्रुवारीअखेर ते मार्च महिन्याच्या दुसऱ्या आठवड्यापर्यंत करावी. दोन ओळींमधील अंतर ३० सेंमी व व दोन रोपांमधील अंतर दहा सेंमी असावे. पेरणी केल्यानंतर पेरणी केल्यानंतर सिंचनासाठी चार ते पाच मीटर रुंदीचे सारे ओढून घ्यावेत.

सुधारित वाण

  • मूग : वैभव, पी.डी.एम.-१, पुसा-९५३१ किंवा पुसा वैशाखी.
  • उदीद : टी-९ किंवा पी.डी.यू.-१

बियाणे प्रमाण
१५ ते २० किलो प्रति हेक्‍टर.

बीज प्रक्रिया
 मर रोगाचा प्रादुर्भाव कमी करण्यासाठी पेरणीपूर्वी प्रति किलो बियाण्यास ३ ग्रॅम थायरम किंवा ५ ग्रॅम ट्रायकोडर्मा भुकटी लावावी. त्यानंतर २५ ग्रॅम रायझोबिअम जिवाणू संवर्धक गुळाच्या थंड पाण्यामध्ये मिसळून बियाण्यावर लावावी. सावलीमध्ये वाळवल्यानंतर पेरणी करावी. रायझोबिअममुळे मुळांवरील गाठींचे प्रमाण वाढून नत्राची उपलब्धता वाढते.

पेरणी
पेरणीपूर्वी पाणी देऊन रान वाफशावर आल्यानंतर पेरणी करावी.

खत माता
या पिकांना २० किलो नत्र आणि ४० किलो स्फुरद प्रति हेक्‍टरी द्यावे. रासायनिक खते ही चांगल्या कुजलेल्या शेणखतासोबत मिसळून बियाण्याजवळ पेरणी केल्यास पिकाच्या वाढीस लाभ होतो.

आंतरमशागत
पिकाच्या पेरणीनंतर २० ते २५ दिवसात पहिली कोळपणी करावी. पहिल्या कोळपणीनंतर दहा ते पंधरा दिवसांनी दुसरी कोळपणी करावी. कोळपणीनंतर खुरपणी करून रोप तण विरहित ठेवावे. पिके सुरुवातीची ४० ते ४५ दिवस तणविरहित ठेवल्यास उत्पादन वाढीस फायदा होतो.

पाणी व्यवस्थापन
पेरणीनंतर ८ ते १० दिवसांनी पहिली पाण्याची पाळी द्यावी. पिकाच्या संपूर्ण कालावधीत एकूण पाच ते सहा पाण्याच्या पाळ्या पुरेशा होतात. पीक फुलोऱ्यात असताना व शेंगा तयार होताना पाण्याचा ताण पडणार नाही, याची विशेष काळजी घ्यावी. 

पीक संरक्षण
उन्हाळ्यामध्ये किडीचा प्रादुर्भाव कमी प्रमाणात दिसून येतो. किडींमध्ये मावा, तुडतुडे, भुंगेरे, पाने खाणारी अळी व शेंगा पोखरणारी अळी यांचा प्रादुर्भाव असतो. तसेच भुरी व पिवळा विषाणू या रोगांचा प्रादुर्भाव दिसतो. 

काढणी 

  • मुगाच्या शेंगा ७५ टक्के वाळल्यानंतर पहिली तोडणी करावी. त्यानंतर आठ ते दहा दिवसांनी राहिलेल्या सर्व शेंगा तोडाव्यात.  शेंगा वाळल्यानंतर मळणी करावी. 
  • उडदाची कापणी करून खळ्यावर आणून त्याची मळणी करावी. उडदाच्या शेंगा तोडण्याची गरज भासत नाही. 
  • साठवणीपूर्वी मूग उडीद धान्य चार ते पाच दिवस चांगले उन्हात वाळवून घ्यावे. ते पोत्यात किंवा कोठीत साठवताना कडुनिंबाचा पाला धान्यात मिसळावा. साठवणीतील किडीपासून बचाव होतो.

उत्पादन
मूग उडदाचे जातीपरत्वे ८ ते १० क्विंटल प्रति एकरी उत्पादन मिळू शकते.

- विनोद पवार, ८६६९०५५५८९
(पीएच.डी. विद्यार्थी, कृषी वनस्पतिशास्त्र, महात्मा फुले कृषी विद्यापीठ , राहुरी)


इतर ताज्या घडामोडी
नांदेडमध्ये ४२ हजार ६४९ क्विंटल हरभरा...नांदेड : जिल्ह्यात किमान हमी दरानुसार सुरू...
व्हर्च्युअल क्लासरूममुळे कृषी शिक्षणाची...नगर ः व्हर्च्युअल क्लासरूम आणि अॅग्री-दीक्षा वेब...
‘एमआरपी’नुसारच खतांची खरेदी करावी सोलापूर ः यंदाच्या खरीप हंगामाच्या पार्श्‍वभूमीवर...
खरीप हंगामासाठी ११४० कोटी रुपये पीककर्ज...अकोला : अकोला जिल्ह्यात या खरीप हंगामासाठी ११४०...
सटाणा बाजार समिती आवाराबाहेर अवैध...नाशिक : सटाणा कृषी उत्पन्न बाजार समितीमध्ये काही...
नाशिक जिल्ह्यात विहिरींनी गाठला तळ नाशिक : जिल्ह्यात गत मॉन्सूनमध्ये अनेक भागांत...
भोकरखेडात चार वर्षांपासून शेतकरी वीज...वाशीम : शेतात वीज जोडणी घेऊन सिंचन करता येईल....
टेंभू योजनेचे पाणी सोडले; ‘बंदिस्त पाइप...आटपाडी, जि. सांगली : आटपाडी तालुक्‍यात टेंभू...
प्रत्येक गावाचा होणार कृषी विस्तार...जालना : कृषी विभागाच्या वतीने खरीप हंगामाचे...
तमाशा कलावंतांसाठी सरसावले मदतीचे हात नगर ः : कोरोना व्हायरसच्या संसर्गामुळे टाळेबंदी...
पंढरपूर विधानसभा पोटनिवडणुकीत चुरस सोलापूर ः पंढरपूर-मंगळवेढा विधानसभा...
कांदा बाजारावर ‘कोरोना’चा परिणाम नगर : कोरोना व्हायरसची बाधा वाढत असल्याचा बाजार...
महाराष्ट्राला रेमडिसिव्हिर देण्यास ‘...मुंबई : केंद्र सरकारकडून रेमडिसिव्हिर निर्यातीवर...
डाळिंब सल्लाहस्त बहर उशिरा घेतला असेल तर फळांना बटर पेपर बॅग...
कृषी सल्ला : आंबा, काजू, नारळ, सुपारीनवीन आंबा लागवडीसाठी निवडलेल्या क्षेत्रातील...
कृषी सल्ला : सुरु ऊस, कांदा, फळपिकेवातावरणातील उष्णता वाढल्यामुळे जनावरांच्या...
राज्यात उष्ण, ढगाळ हवामानसोमवार ते बुधवारपर्यंत (ता.१९ ते २१) १००८...
नांदेड जिल्हा बँकेच्या अध्यक्षपदी वसंत...नांदेड : नांदेड जिल्हा मध्यवर्ती सहकारी बँकेच्या...
देशात ‘जमीन सुपोषन व संरक्षण जनजागरण’...औरंगाबाद : संपूर्ण देशभरात मंगळवारपासून (ता. १३...
निराधार महिला शेतकऱ्यांसाठी ‘ट्रँक्टर...अमरावती : अचलपूर विधानसभा मतदारसंघातील निराधार,...