शेतकरी : ऋषिकेश सोनटक्के गाव : टाकरखेडा मोरे, ता. अंजनगाव सुर्जी, जि. अमरावती. एकूण क्षेत्र : १६ एकर संत्रा क्षेत्र : १२ एकर (१३०० झाडे) एकूण १६ एकरपैकी १२ एकरांवर संत्रा लागवड आहे. एकूण १३०० झाडांपैकी वडिलोपार्जित सुमारे ४३ वर्षाची २०० झाडे, २० वर्षाची २०० झाडे, १८ वर्षाची ४०० झाडे आहेत. मी २०१८ मध्ये इंडो-इस्राईल पद्धतीने ६ बाय ३ मीटर अंतरावर ५०० झाडांची लागवड केली आहे. या पद्धतीमध्ये एकरी झाडांची संख्या ५५५ तर पारंपरिक पद्धतीमध्ये ती फक्त २७८ इतकीच असते. झाडांची संख्या वाढल्याने उत्पादन वाढण्यास मदत होते. बागेतील ४३ वर्षाच्या २०० झाडांवर मृग बहार, तर उर्वरित सर्व झाडांवर आंबिया बहाराचे नियोजन केले आहे. बागेच्या व्यवस्थापनाकरिता जमीन व झाडांची गरज ओळखून जैविक आणि रासायनिक पद्धतींचा समतोल साधला आहे. फळांची गुणवत्ता चांगली असल्यास दरही चांगला मिळतो, ही बाब लक्षात घेऊन फळांची गुणवत्ता सुधारण्यासाठी लक्ष केंद्रित करतो. नागपुरी संत्र्याची सरासरी उत्पादकता हेक्टरी ५.५ टन इतकी अत्यल्प आहे. परंतु, बागेच्या सुनियोजित व्यवस्थापनामुळे मला मागील वर्षी दुपटीपेक्षाही अधिक उत्पादन मिळवले आहे. मागील १० दिवसांतील कामकाज
पुढील २० दिवसांतील कामकाज
- ऋषिकेश सोनटक्के, ९६६५५९८५३७
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.