agricultural news in marathi, grape crop advisory, Agrowon, Maharashtra | Agrowon

भुरी, करप्याची शक्यता
डॉ. एस. डी. सावंत
शुक्रवार, 11 मे 2018

येत्या सात दिवसांमध्ये सर्वच विभागांमध्ये ३६ ते ३९ अंश सेल्सिअस तापमान राहण्याची शक्यता आहे. सांगली, सातारा, सोलापूर, विजापूर आणि लातूर विभागामध्ये अधूनमधून वातावरण ढगाळ राहील. आज आणि त्यानंतर सोमवारी अाणि मंगळवारी बऱ्याच ठिकाणी विजा कडकडून हलक्या पावसाची शक्यता आहे. ज्या ठिकाणी ढगाळ वातावरण राहील तेथे दुपारच्या तापमानात घटीची शक्यता आहे.

येत्या सात दिवसांमध्ये सर्वच विभागांमध्ये ३६ ते ३९ अंश सेल्सिअस तापमान राहण्याची शक्यता आहे. सांगली, सातारा, सोलापूर, विजापूर आणि लातूर विभागामध्ये अधूनमधून वातावरण ढगाळ राहील. आज आणि त्यानंतर सोमवारी अाणि मंगळवारी बऱ्याच ठिकाणी विजा कडकडून हलक्या पावसाची शक्यता आहे. ज्या ठिकाणी ढगाळ वातावरण राहील तेथे दुपारच्या तापमानात घटीची शक्यता आहे.

  • सांगली आणि विजापूर विभागांत आज दुपारनंतर तर सोमवार, मंगळवार आणि सांगली, सोलापूर, लातूर, विजापूर या भागांत विजा कडकडून वळवाच्या पावसाची शक्यता आहे.
  • ज्या ठिकाणी पाऊस पडणार आहे त्या ठिकाणच्या नवीन फुटलेल्या बागांतील फुटी चांगल्या व जोमाने वाढण्यासाठी फायदा होईल. परंतु ढगाळ वातावरणामुळे नवीन फुटलेल्या फुटींमध्ये भुरी पसरण्याची शक्यता आहे.
  • आपल्या द्राक्ष विभागांमध्ये भुरी ही पांढऱ्या पावडर प्रमाणे तयार होणाऱ्या बिजाणू स्वरूपात प्रतिकूल परिस्थितीमध्येही जिवंत राहते. काड्यांवर येणारे भुरीचे डाग आणि त्यावर असलेली भुरीची बुरशी हे बागेत वाढणाऱ्या भुरीचे महत्त्वाचे ‘इनॉक्युलम’ आहे. याचे वेळीच नियंत्रण केल्यास पुढे बागेत भुरी वाढण्याची शक्यता कमी होते. म्हणूनच सध्याच्या ढगाळ वातावरणामध्ये भुरीच्या नियंत्रणासाठी फवारणी घेणे आवश्यक आहे.  
  • तापमान जास्त असताना आर्द्रता वाढली तरच नवीन फुटींवर करप्याचा प्रादुर्भाव होऊ शकतो. सध्याच्या वातावरणामध्ये एखाद दुसऱ्या पावसाने अशा प्रकारची आर्द्रता बागेत वाढत नाही. त्यामुळे लगेचच करप्याच्या नियंत्रणासाठी फवारणी फारशी जरूरी वाटत नाही. मात्र एक दोन दिवस पाठोपाठ पाऊस पडल्यास अशा पावसानंतर करप्याच्या नियंत्रणासाठी फवारणी करावी लागले. अशा परिस्थितीत प्रतिलिटर पाण्यात कार्बेन्डाझिम १ ग्रॅम किंवा थायोफेनेट मिथाईल ०.७५ ग्रॅम स्वतंत्रपणे फवारल्यास किंवा २ ग्रॅम मॅन्कोझेब मिसळून वापरल्यास करप्याचे चांगले नियंत्रण मिळेल.
  • पंढरपूरच्या जवळपासचे कासेगाव, पुळूज या परिसरामध्ये द्राक्षाची काढणी सुरू आहेत किंवा द्राक्ष मण्यांत साखर भरण्याची सुरवात झाली आहे. या परिसरामध्ये हलका पाऊस झाला आहे. पंढरपूरच्या जवळपासच्या भागामध्ये सोमवार, मंगळवारपर्यंत पाऊस पडण्याची शक्यता दिसत नाही. परंतु वातावरण ढगाळ राहू शकेल आणि शनिवारी दुपारी पंढरपूरच्या दक्षिण भागात पावसाची शक्यता आहे. अशा परिस्थितीमध्ये घडाच्या देठावरील भुरीचे नियंत्रण योग्य प्रकारे झाले पाहिजे. शेवटच्या या काही दिवसामध्ये सल्फर (८० डब्लूजी) दीड ग्रॅम प्रतिलिटर पाण्यात मिसळून फवारल्यास भुरीचे नियंत्रण चांगले मिळू शकेल. सल्फर योग्य प्रकारे न फवारल्यास त्याचे डाग मण्यांवर दिसण्याची शक्यता असते.
  • ढगाळ वातावरणामुळे किंवा अाजूबाजूला पडलेल्या पावसामध्ये वातावरणातील आर्द्रता वाढलेली असल्यास संध्याकाळच्या वेळेला ट्रायकोडर्मा ५ मि.लि. किंवा २ ग्रॅम बॅसिलस सबटिलिस प्रतिलिटर पाण्यात मिसळून फवारणी करावी. या वेळी जैविक नियंत्रणाचे उपाय भुरीच्या नियंत्रणासाठी फायदेशीर ठरतात.
  • सल्फर वापरलेल्या बागांमध्येही जैविक नियंत्रण चांगल्या प्रकारे होऊ शकते, परंतु भुरी नियंत्रणासाठी आंतरप्रवाही बुरशीनाशक वापरले असल्यास मात्र भुरीचे नियंत्रण जैविक नियंत्रणाने मिळणार नाही.
  • सल्फर डाग न पडता कसे फवारावे याची माहिती एनआरसीच्या संकेतस्थळावर उपलब्ध आहे. ही माहिती वाचून योग्य प्रकारे सल्फरचा वापर करावा. याचबरोबरीने सल्फर वापराबाबतची फिल्म संकेतस्थळावर पाहता येईल ( लिंक https://www.youtube.com/watch?v=qZr470YzF2w)
  • सल्फर किंवा जैविक नियंत्रणाचा वापर केला असल्यास पावसामुळे ते धुऊन जाऊ नये किंवा जैविक नियंत्रणाचा परिणाम चांगल्या रीतीने मिळावा यासाठी मण्यांवर कायटोसॅन २ ते ३ मि.लि. प्रतिलिटर पाण्यात मिसळून फवारणे शक्य आहे. या फवारणीमुळे मण्यात चांगली साखर भरण्यासाठीसुद्धा मदत होईल.

 

संपर्क : ०२०-२६९५६००१
राष्ट्रीय द्राक्ष संशोधन केंद्र, मांजरी, पुणे

इतर ताज्या घडामोडी
शेततळ्यासाठी शेतकऱ्यांना प्रोत्साहित...नागपूर ः विकासाच्या संकल्पनांमध्ये रस्ते, नाले व...
सातारा जिल्ह्याच्या पूर्व भागातील शेती...सातारा : जिल्ह्यात पश्चिमेकडे दमदार पाऊस, तर...
कापसाच्या हमीभावात ५०० रुपयांनी वाढ...अमरावती   ः राज्याची कमी असलेली कापूस...
दमदार पावसाअभावी पुणे जिल्ह्यातील पूर्व...पुणे  ः जिल्ह्याच्या पूर्व भागातील शिरूर,...
नगर जिल्ह्यात ऐन पावसाळ्यातही...नगर  ः दुष्काळाने होरपळ झालेल्या नगर...
पावसाअभावी धुळे, जळगाव जिल्ह्यांत...जळगाव  ः खानदेशात सुरवातीला पावसाने जोरदार...
नागपूर विभागात पावसाअभावी पिकांची वाढ...नागपूर  ः निम्मा जुलै महिना संपत आला असतानाच...
सांगलीत हळद प्रतिक्विंटल ६००० ते ८९००...सांगली ः येथील बाजार समितीत हळदीची आवक कमी झाली...
भाजपच्या प्रदेशाध्यक्षपदी चंद्रकांत...मुंबई  : भाजपचे ज्येष्ठ नेते, मंत्री...
सुधारित सोयाबीन आंतरपीक पद्धती राज्यामध्ये सोयाबीनच्या क्षेत्रात झपाट्याने वाढ...
नत्र स्थिरीकरणावर परिणाम करणारे घटक गेल्या भागापासून आपण मार्टीन ॲलेक्झांडर यांच्या...
पशुपालनातील मिथेन उत्सर्जन कमी करणे...मिथेनचे कमी उत्सर्जन करणाऱ्या गायींची पैदास करणे...
गिरणा नदीवरील बलून बंधाऱ्यांसाठी आर्थिक...जळगाव ः जिल्ह्यातील सतत दुष्काळाशी झगडणाऱ्या...
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...
पेठ तालुक्यात जमिनीतून निघताहेत...नाशिक : पेठ तालुक्यातील निरगुडे गावात दोन...
जळगावात लाल कांद्याचे दर आणि आवक टिकूनजळगाव ः जिल्ह्यातील प्रमुख बाजार, उपबाजारांमध्ये...
नाशिकमध्ये हिरवी मिरची प्रतिक्विंटल...नाशिक ः नाशिक कृषी उत्पन्न बाजार समितीमध्ये चालू...
पुणे, नगर जिल्ह्यात पावसाअभावी चारा...पुणे  : पावसाळ्यात जनावरांसाठी चाऱ्याची अडचण...