agricultural news in marathi Health benefits of kiwi fruit | Agrowon

आरोग्यदायी किवी फळ

सुचित्रा बोचरे, डॉ. राजेश क्षीरसागर 
शनिवार, 13 मार्च 2021

किवी  हे हिरवट चॉकलेटी रंगाचे केसाळ आंबट-गोड फळ आहे. काही फळांचा आतील भाग हिरवा तर काहींचा पिवळ्या रंगाचा असतो. गरामध्ये काळ्या रंगाच्या छोट्या खाण्यायोग्य बिया असतात. केक, मिठाई तसेच शीतपेये यांच्या सजावटीसाठी या फळाचा वापर केला जातो.
 

किवी  हे हिरवट चॉकलेटी रंगाचे केसाळ आंबट-गोड फळ आहे. या फळाच्या अनेक प्रजाती आहेत. काही प्रजातीतील फळांचा आतील भाग हिरवा तर काहींचा पिवळ्या रंगाचा असतो. गरामध्ये काळ्या रंगाच्या छोट्या खाण्यायोग्य बिया असतात. त्यामुळे हे फळ आकर्षक दिसते. केक, मिठाई तसेच शीतपेये यांच्या सजावटीसाठी या फळाचा वापर केला जातो.

किवी फळाची चव आंबट गोड असते. किमतीने महाग असले तरी किवी फळाचे अनेक आरोग्यदायी फायदे आहेत. हे फळ साल काढून किंवा सालीसहीत खाता येते. सालीसहीत खाल्ल्यास चवीला थोडे वेगळे लागते. मात्र, या फळाच्या सालीमध्ये अनेक पौष्टिक गुणधर्म असतात. त्यामधील अँटिऑक्सिडंट आरोग्याला फायदेशीर असतात. किवी फळामध्ये जीवनसत्त्व क मुबलक प्रमाणात असते. तसेच किवीमध्ये अ, इ, के ही जीवनसत्त्वे आणि फोलेट्स असतात. सोडिअम, पोटॅशिअम, क्लोराईड हे क्षार, तसेच मॅग्नेशियम, लोह, मॅंगनीज, फॉस्फरस ही खनिजे काही प्रमाणात असतात.

किवी जॅम
प्रथम परिपक्व किवी फळे निवडून घ्यावीत. फळे स्वच्छ पाण्याने धुऊन घ्यावीत. धुतलेली फळे मिक्सरमधून काढून त्याचा गर वेगळा करावा. जॅम बनवण्यासाठी  गराच्या वजनाएवढी साखर मिसळावी. प्रति किलो जॅम बनविण्याकरिता १.५ ग्रॅम सायट्रिक आम्ल मिसळून मिश्रण चांगले एकजीव करावे. मंद आचेवर मिश्रण ठेवून सतत ढवळत राहावे. मिश्रणाचा ब्रिक्‍स ६८.५ इतका झाल्यावर उष्णता देणे बंद करावे. तयार जॅम निर्जंतुक केलेल्या काचेच्या बाटल्यांमध्ये भरावा. बाटल्यांची साठवणूक थंड व कोरड्या जागी करावी.

आरोग्यवर्धक फायदे 

  • जीवनसत्त्व-क मुबलक प्रमाणात असते. जे लिंबू आणि संत्र्याच्या तुलनेत दुप्पट असते. जीवनसत्त्व ब-६ गर्भवती महिलांना आणि गर्भाला स्वस्थ ठेवण्यास ब-६ मदत करते.
  • मधुमेहींसाठी किवी फळ गुणकारी मानले जाते. ग्लायसेनीक इंडेक्समध्ये किवी सर्वांत खालच्या स्थानावर आहे. हे फळ खाण्यामुळे रक्तातील साखरेचे प्रमाण वाढत नाही. 
  • कोलेस्टेरॉलच्या रुग्णांसाठी किवी फळ उपयुक्त ठरते. किवीमधील जीवनसत्त्व-क मध्ये रक्त पातळ करण्याचे गुणधर्म असतात. 
  • किवी रक्तदाब नियंत्रित ठेवण्यास मदत करते. 
  • या फळाच्या सेवनामुळे रक्तातील प्लेटलेटस् वाढतात.
  • किवीच्या सेवनामुळे लोह या खनिजाचे शोषण वाढते. त्यामुळे रक्तक्षयापासून संरक्षण मिळण्यास मदत होते.
  • ह्रदयाच्या आरोग्य राखण्यासाठी किवीचे सेवन फायदेशीर ठरते. जीवनसत्त्व क, इ  आणि पॉलीफेनोल्स ह्रदय आणि रक्तवाहिन्यांशी निगडित संरक्षण प्रदान करतात.
  • तंतुमय पदार्थांचा उत्तम स्रोत म्हणून किवी फळ ओळखले जाते. 
  • किवीमधील जीवनसत्त्व इ आणि अँटीऑक्सिडंट मुबलक प्रमाणात असतात. त्वचा उजळण्यासाठी याची मदत होते.

- सुचित्रा बोचरे,  ९३७०९३५५३८ (अन्नतंत्र महाविद्यालय, वसंतराव नाईक मराठवाडा कृषी विद्यापीठ, परभणी)
 


इतर महिला
केळी प्रक्रियेतून गटाची आर्थिक प्रगतीशिंदखेडा (ता. रावेर, जि. जळगाव) येथील ‘सरस्वती...
पौष्टिक आहारासाठी क्विनोआक्विनोआ हा धान्याचा एक प्रकार असून एखाद्या...
जाणून घ्या अंडी खाण्याचे फायदेशरीराला अत्यंत आवश्यक असणारी आणि आपले शरीर स्वतः...
भरड धान्ये : पोषक तत्त्वांचे आगरभारताच्या शिफारशीनुसार संयुक्त राष्ट्राने २०२३ हे...
रक्तक्षय होण्याची कारणे अन् उपाययोजना...मुलांच्या वाढीच्या काळात, स्त्रियांच्या गरोदरपणात...
आहाराची पोषकता वाढविण्यासाठी प्रयत्न...सप्टेंबर महिना हा देशपातळीवर ‘राष्ट्रीय पोषण...
सुदृढ बालकांसाठी स्तनदा मातांना पोषक...ऑगस्ट महिन्याच्या पहिल्या आठवड्यामध्ये जागतिक...
मत्स्यबीज केंद्रामुळे महिला झाल्या...भिगवण (जि. पुणे) येथील पाच उपक्रमशील महिलांनी...
रानभाज्यांचे आहारातील महत्त्वमहाराष्ट्रामध्ये स्थानिक वातावरणानुसार, तिथे...
शेतीला मिळाली दुग्ध प्रक्रियेची जोडघोटावडे (ता. मुळशी, जि. पुणे) प्रियांका जालिंदर...
शेतीला मिळाली बचत गटाची साथ शेणे (ता. वाळवा, जि. सांगली) येथील सुनंदा उदयसिंह...
शेतीला मिळाली पूरक उद्योगांची जोडमोर्डे (ता. संगमेश्‍वर, जि. रत्नागिरी) हे डोंगराळ...
गृहोद्योगातून मिळाला उन्नतीचा मार्गज्या कुटुंबातील महिलांनी पुढाकार घेऊन शेतीपूरक...
आहारात असावेत मोड आलेली कडधान्येप्रथिने, खनिजे, जीवनसत्त्वे आणि कर्बोदके यांचा एक...
दूषित अन्नापासून सावध राहा...म्यूकरमायकोसिस दुर्मीळ बुरशीजन्य संसर्ग आहे. याला...
वनरोपवाटिकेतून गटाने तयार केली ओळखसांगली जिल्ह्यातील खंडोबाचीवाडी  (ता. पलूस)...
जवस एक सुपरफूडअलीकडच्या काळात जवस एक सुपरफूड म्हणून उदयास येत...
महिला शेतकऱ्यांसाठी उत्पादक कंपनीगावपातळीवरील १० शेतकरी महिला किंवा महिला शेतकरी...
आरोग्यदायी द्राक्ष द्राक्षापासून तयार केलेल्या मूल्यवर्धित...
काकडीवर्गातील आरोग्यदायी झुकिनीझुकिनी ही कुकुरबीटासी कुळातील असून, खरबूज,...