कोणत्याही ॲपची उपयुक्तता ही त्यामध्ये असलेली माहिती, सामग्री आणि ॲप तयार करण्याचा उद्देश यावर अवलंबून असते. बरेच ॲप केवळ विशिष्ट माहितीसाठी उपयुक्त आहेत. शेतकऱ्यांना पिकांचे नवीन वाण, हवामानातील छोट्या मोठ्या बदलाची स्थिती, पीक उत्पादनाचे तंत्र आणि त्यांच्या उत्पादनासाठी सुधारित कृषिविषयक पद्धतींची माहिती हवी असते. मोबाइल ॲप हे कोणत्याही हवामान क्षेत्रातील शेतकऱ्यांना अशी माहिती मिळवून देण्यात महत्त्वपूर्ण भूमिका बजावू शकतात. 

कृषी तंत्रज्ञानाची माहिती ग्रामीण पातळीवर मुख्यतः कृषी सेवक, कृषी विस्तार अधिकारी, वैज्ञानिक, कृषी विज्ञान केंद्र आणि कृषी विद्यापीठांमार्फत पुरविली जाते. शेतीमध्ये आधुनिक तंत्रज्ञानाचा वापर दिवसेंदिवस वाढत चालला आहे. शेतकरीदेखील मोबाईलचा वापर करून स्मार्ट होत चालले आहेत. मोबाईलमधील ॲपच्या माध्यमातून शेतीविषयक नवनवीन माहिती शेतकऱ्याला बांधावर बसून सहज उपलब्ध होत आहे. 

वादळी वारे, पाऊस, गारपीट यांसारख्या हवामानातील तीव्र घटनांमुळे शेतीमध्ये फार मोठ्या प्रमाणात नुकसान होते. परिणामी, अपेक्षित उत्पादन मिळत नाही. हवामानविषयीच्या धोक्यांबाबत शेतकऱ्यांना आधी माहिती असेल, तर त्यादृष्टीने तयारी करू शकतात आणि नुकसान टाळता येईल. यासाठी मोबाईल ॲप महत्त्वाची भूमिका बजावतात.  

कोणत्याही ॲपची उपयुक्तता ही त्यामध्ये असलेली माहिती, सामग्री आणि ॲप तयार करण्याचा उद्देश यावर अवलंबून असते. बरेच ॲप केवळ विशिष्ट माहितीसाठी उपयुक्त आहेत. शेतकऱ्यांना पिकांचे नवीन वाण, हवामानातील छोट्या मोठ्या बदलाची स्थिती, पीक उत्पादनाचे तंत्र आणि त्यांच्या उत्पादनासाठी सुधारित कृषिविषयक पद्धतींची माहिती हवी असते. मोबाइल ॲप हे कोणत्याही हवामान क्षेत्रातील शेतकऱ्यांना अशी माहिती मिळवून देण्यात महत्त्वपूर्ण भूमिका बजावू शकतात. 

वॉटरशेड ऑर्गनायझेशनचे ‘फार्मप्रीसाइज’  

•   मोबाईलमधील प्ले-स्टोअरवरून हे ॲप डाउनलोड करावे लागते.
•   हे ॲप मराठी, हिंदी, इंग्रजी आणि तेलुगू या भाषांत उपलब्ध आहे.
•   हे ॲप पूर्णतः मोफत आहे. तसेच यातील सर्व सेवा या विनामूल्य आहेत. 
•   या मोबाईल ॲपमध्ये सोपा इंटरफेस असून, तो शेतकऱ्यांना थेट तज्ज्ञांशी जोडतो आणि या तज्ज्ञांमार्फत शेतकऱ्यांना मार्गदर्शन करण्यात येते. 

सुविधा 

•   शेतीविषयक नवीन तंत्रज्ञान.
•   हवामानविषयक रिअल-टाइम डेटा.
•   पुढील ५ दिवसांच्या हवामानाचा अंदाज.
•   भविष्यातील वादळी वाऱ्यांविषयी चेतावणी.
•   पिकांसाठी खत वापरासंबंधी माहिती आणि व्यवस्थापन.
•   पिकाच्या वाढीनुसार पाण्याची गरज ओळखून सिंचन सल्ला पुरविते.
•   एकात्मिक कीड-रोग व्यवस्थापन.
•   जवळपासच्या बाजारपेठेतील बाजारभाव.

- डॉ. अरुण भगत,  ७३८७१२६८९१
(वॉटरशेड ऑर्गनायझेशन ट्रस्ट, पुणे)