उन्हाळी बहरातील सीताफळ बागेतील कीडनियंत्रण

जानेवारी व फेब्रुवारी महिन्यांत सीताफळाची छाटणी केलेल्या बागांत सध्या नवीन कोवळ्या फुटी आहेत. या कोवळ्या फुटींवर मावा, फुलकिडे, तुडतुडे अशा रसशोषक किडींचा प्रादुर्भाव दिसून येत आहे.
जानेवारी फेब्रुवारी महिन्यामध्ये ज्या बागेमध्ये छाटणी झाली होती, तिथे आलेली कोवळी फूट.
जानेवारी फेब्रुवारी महिन्यामध्ये ज्या बागेमध्ये छाटणी झाली होती, तिथे आलेली कोवळी फूट.

जानेवारी व फेब्रुवारी महिन्यांत सीताफळाची छाटणी केलेल्या बागांत सध्या नवीन कोवळ्या फुटी आहेत. या कोवळ्या फुटींवर मावा, फुलकिडे, तुडतुडे अशा रसशोषक किडींचा प्रादुर्भाव दिसून येत आहे. सीताफळामध्ये नैसर्गिक बहर जून महिन्यात येतो. मात्र पाण्याची उपलब्धता असल्यास लवकर म्हणजे उन्हाळ्याच्या सुरुवातीस बहर धरता येतो. उन्हाळी बहराच्या फळांची काढणी जुलै-ऑगस्ट दरम्यान होत असल्याने दर चांगले मिळतात. असा उन्हाळी बहर धरणाऱ्या बहुतांश शेतकऱ्यांनी झाडांची छाटणी पूर्ण केली असेल. काही शेतकरी छाटणीच्या तयारीत आहेत. जानेवारी व फेब्रुवारी महिन्यांत सीताफळाची छाटणी केलेल्या बागांत सध्या नवीन कोवळ्या फुटी आहेत. या कोवळ्या फुटींवर मावा, फुलकिडे, तुडतुडे अशा रसशोषक किडींचा प्रादुर्भाव दिसून येत आहे. या किडी पाने, कोवळ्या फांद्या, कळ्या आणि कोवळी फळे यातून रस शोषतात. नवीन फुटींची व पानाची वाढ खुंटते. फळांचा आकार वेडावाकडा होतो. फळांची वाढ व्यवस्थित होत नाही. या किडीद्वारे बाहेर टाकलेल्या चिकट पदार्थावर काळी बुरशी वाढते, त्यामुळे पाने व कोवळ्या फांद्यांचे शेंडे तसेच फळे काळपट पडतात. अशा फळांना अपेक्षित दर मिळत नाही. बहराचे किडींपासून संरक्षण करण्याकरिता उपाययोजना 

  • बागेतील झाडांची छाटणी पूर्ण झाल्यानंतर झाडांवर ताबडतोब एक टक्का बोर्डो मिश्रणाची (१०० ग्रॅम चुना अधिक १०० ग्रॅम मोरचूद प्रति १० लिटर पाणी) फवारणी करावी.
  •  झाडाच्या मुख्य खोडावर जमिनीपासून २ ते २.५ फुटांपर्यंत १० टक्के तीव्रतेची बोर्डो पेस्ट (१ किलो चुना अधिक १ किलो मोरचूद प्रति १० लिटर पाणी) लावावी.
  •  नवी फूट आल्यानंतर कोवळ्या फुटींवर मावा, फुलकिडे, तुडतुडे यांसारख्या रस शोषक किडींचा प्रादुर्भाव दिसून येतो. नियंत्रणासाठी फवारणी प्रति लिटर पाणी डायमिथोएट (३० % ई.सी.) २ मिलि अधिक मॅन्कोझेब (७५ % डब्ल्यू.पी.) २ ग्रॅम किंवा इमिडाक्लोप्रिड (१७.८ % एस.एल.) ०.३ मिलि अधिक कार्बेन्डाझिम (५० % डब्ल्यू.पी.) १ ग्रॅम.
  • पिठ्या ढेकणाच्या एकात्मिक कीड नियंत्रणासाठी खोडांची व फांद्यांची बहरापूर्वी स्वच्छता महत्त्वाची आहे. पिठ्या ढेकणाची पिले खोडावरून झाडावर चढतात. यासाठी उपाय म्हणून १५ ते २० सेंटिमीटर रुंदीची प्लॅस्टिक पट्टी खोडाला बांधावी. त्याला ग्रीस लावावे. या चिकट ग्रीसला चिकटून पिले मरून जातात. या किडीस बऱ्यापैकी आळा बसू शकतो.
  • (टीप : सीताफळासाठी या कीडनाशकांना लेबल क्लेम नाहीत, मात्र ॲग्रेस्को शिफारस आहे.) - डॉ. युवराज बालगुडे, ९८९०३८०६५४ (अखिल भारतीय समन्वित कोरडवाहू फळ पिके (अंजीर आणि सीताफळ) संशोधन प्रकल्प, जाधववाडी, ता. पुरंदर जि. पुणे)  

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com