agricultural news in marathi Techniques of Coriander Cultivation | Agrowon

तंत्र कोथिंबीर लागवडीचे...

डॉ. एस. एस. विटनोर, डॉ. डी. जी. इंगोले.
गुरुवार, 25 फेब्रुवारी 2021

कोथिंबीर पिकास नियमित ४ ते ५ दिवसांनी पाणी द्यावे. बी पेरणीपूर्वी वाफे चांगले भिजवून घ्यावेत. वाफसा आल्यानंतरच पेरणी करावी. पेरणीनंतर बी खत मातीने झाकून हलके पाणी द्यावे.
 

कोथिंबीर पिकास नियमित ४ ते ५ दिवसांनी पाणी द्यावे. बी पेरणीपूर्वी वाफे चांगले भिजवून घ्यावेत. वाफसा आल्यानंतरच पेरणी करावी. पेरणीनंतर बी खत मातीने झाकून हलके पाणी द्यावे.

विशिष्ट स्वादयुक्त पानांमुळे कोथिंबिरीला वर्षभर मागणी असते. हे कमी वेळात येणारे आणि चांगला आर्थिक नफा मिळवून देणारे पीक आहे. उन्हाळी हंगामात कोथिंबिरीचे उत्पादन कमी असले तरी मागणी जास्त असते. पाण्याचे योग्य नियोजन केल्यास लागवड आर्थिकदृष्ट्या फायदेशीर ठरणारे पीक आहे.

  • मध्‍यम कसदार आणि मध्‍यम खोलीची जमीन पिकासाठी योग्य असते.
  • माती परीक्षण करून खतांचा योग्य पुरवठा केल्यास, हलक्या जमिनीत सुद्धा उत्पादन घेता येते.
  • लागवड कोणत्याही हंगामात करता येते.अति पावसाचा प्रदेश वगळता महाराष्ट्रातील हवामान कोथिंबिरीच्या वर्षभर लागवडीसाठी पोषक आहे.
  • उन्हाळ्यात तापमान ३६ अंश सेल्सिअसच्या वर गेल्यास वाढ कमी होते.

सुधारित जाती
डी.डब्ल्यू.डी-९, जीसी-१,२,३, लाम.सी.एस.-२, लाम.सी.एस.-४, लाम.सी.एस.-६, को-१, कोकण कस्तुरी.

बीजप्रक्रिया 

  • बियाणांची चांगली उगवण होण्यासाठी त्यावर प्रक्रिया करणे आवश्‍यक आहे. पेरणीपूर्वी धने फोडून बिया वेगळ्या कराव्यात.
  • पेरणीपूर्वी बी पाण्यात ऊबदार जागी १२ तास ठेवून नंतर लागवड करावी. त्यामुळे उगवण ८ ते १० दिवसांत होऊन काढणीस लवकर तयार होते.

लागवड 

  • उभी आडवी नांगरणी करून जमीन चांगली भुसभुशीत करावी.
  • लागवडीसाठी ३ बाय २ मीटर आकाराचे सपाट वाफे तयार करावेत. प्रत्येक वाफ्यात ८ ते १० किलो चांगले कुजलेले शेणखत टाकून मिसळावे.
  • पेरणीपूर्वी वाफे चांगले भिजवून घ्यावेत. वाफसा आल्यानंतरच पेरणी करावी.
  • वाफे सपाट करून बी फेकून पेरावे. बी खत मातीने झाकून हलके पाणी द्यावे.
  • लागवडीसाठी हेक्टरी ६० ते ८० किलो बी लागते.
  • प्रादुर्भावग्रस्त जमिनीत सतत कोथिंबीर पीक घेणे टाळावे. शेतामध्ये स्वच्छता ठेवावी.लागवडीसाठी रोग प्रतिकारक जातींचा वापर करावा.

 खत व पाणी व्यवस्थापन 

  • लागवडीपूर्वी जमिनीत हेक्टरी ५ ते ६ टन चांगले कुजलेले शेणखत टाकावे.
  • उगवल्यानंतर साधारणतः ३५ ते ४० दिवसांनी ४० किलो नत्राची मात्रा द्यावी. त्यासोबत प्रतिलिटर पाण्यात ८ ग्रॅम युरिया मिसळून २ फवारण्या कराव्यात.
  • पिकास नियमित पाण्याची गरज असते. त्यामुळे उन्हाळ्यात दर ४ ते ५ दिवसांनी पाणी द्यावे.

संपर्क : डॉ. एस. एस. विटनोर, ९५२७६७५१०३
डॉ. डी. जी. इंगोले, ८९५६८३३८८९
(छत्रपती शाहू महाराज कृषी महाविद्यालय, कांचनवाडी, जि. औरंगाबाद.)


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...