‘डीएनए’ चाचणीद्वारे तपासणार बुद्ध्यांक...!

‘डीएनए’ चाचणीद्वारे  तपासणार बुद्ध्यांक...!
‘डीएनए’ चाचणीद्वारे तपासणार बुद्ध्यांक...!

बदलत्या परिस्थितीत मुलगा दहावी द्वहोण्यापूर्वीच त्याची कल आणि बुद्‌ध्यांक चाचणी घेण्याकडे पालकांचा ओढा असतो. यासाठी पाल्याकडून विशिष्ट प्रश्‍नावली भरून घेतली जाते, मात्र आता ‘डीएनए’च्या चाचणीच्या माध्यमातून बुद्‌ध्यांक तपासता येईल, असा दावा अमेरिकेतील ‘किंग्ज कॉलेज लंडन’ येथील अभ्यासकांनी केला आहे.

‘डीएनए’च्या चाचणीच्या माध्यमातून बुद्‌ध्यांक तपासणी बोलताना आनुवंशिक वर्तणुकीचा अभ्यास करणारे रॉबर्ट प्लॉमिन यांनी सांगितले, ‘‘बुद्धिमत्तेच्या मागे काही आनुवंशिक कारणे आहेत का, याबाबत गेल्या दशकापासून अभ्यास सुरू आहे. यामध्ये आनुवंशिक फरक हे बुद्‌ध्यांकाशी जोडलेले असल्याचे आम्हाला आढळले. आम्ही यासाठी सुमारे १३ हजार जुळ्या मुलांचा अभ्यास केला. यामध्ये आम्हाला काही सकारात्मक निष्कर्ष हाती आले. संबंधित पाल्य किती बुद्धिमान असेल, याची खात्री डीएनएच्या माध्यमातून करून घेता येते, असा आमच्या संशोधनाचा मुख्य हेतू आहे. यासाठी वेगवेगळ्या स्तरावर आमचा अभ्यास सुरू आहे. आतापर्यंत केलेल्या संशोधनात योग्य निष्कर्ष समोर आले आहेत. बुद्धिमान असण्यामागे कोणकोणते घटक कार्यरत असतात, याचाही अभ्यास सुरू आहे.’’ याबाबतचे सविस्तर संशोधन ‘द न्यू जेनेटिक्‍स ऑफ इंटलिजन्स’ या शोधनिबंधात प्रसिद्ध झाले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com