शोभिवंत माशांचे विविध प्रकारे वर्गीकरण करण्यात येते. गप्पी, गोल्डफिश, एंजल, एंजल फिश, डॅनिओ यांसारख्या शोभिवंत माशांना देश-विदेशांत चांगली मागणी आहे. शोभिवंत मत्स्यपालनाला इतकी लोकप्रियता मिळण्याचे महत्त्वाचे कारण म्हणजे विविध रंगसंगती, आकार असणाऱ्या, विविध प्रवर्गातील माशांची मोठ्या संख्येतील उपलब्धता. आजमितीस सुमारे दोन हजार वेगवेगळ्या प्रकारचे शोभिवंत मासे या व्यवसायामध्ये प्रचलित असून, दहा रुपयांपासून ते प्रति नग लाख रुपये एवढ्या किमतीचे मासे बाजारपेठेमध्ये पाहावयास मिळतात. शोभिवंत माशांचे विविध प्रकारे वर्गीकरण करण्यात येते. नैसर्गिक अधिवासानुसार शोभिवंत माशांचे प्रकार गोड्या पाण्यातील मासे
निमखाऱ्या पाण्यातील मासे
सागरी मासे
प्रजनन पद्धतीवरून माशांचे प्रकार पिले देणार मासे : उदा. गप्पी, मोली, प्लॅटी इ. या प्रकारचे मासे थेट पिलांना जन्म देतात. अंडी देणारे मासे : उदा. गोल्ड फिश, गुरामी, बार्ब, एंजल फिश, डॅनिओ, फायरमाउथ इ. हे मासे अंडी देत असून, त्याद्वारे पिले जन्माला येतात. शोभिवंत माशांपैकी सुमारे ९० टक्के मासे या प्रकारामध्ये अंतर्भूत असून, त्यांच्यामधील अंडी देणाऱ्या पद्धतीनुसार विविध उपप्रकार आढळून येतात.
संपर्क : विनय सहस्रबुद्धे, ९४२२४५३१८१ डॉ. मनोज घुघूसकर, ९४०४९९२४५५ (मत्स्य संशोधन व संवर्धन प्रकल्प, उद्यानविद्या महाविद्यालय, मुळदे, जि. सिंधुदुर्ग)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.