agricultural news in marathi value added products of Garlic | Page 3 ||| Agrowon

लसणापासून लोणचे, जेली, चटणी

करिष्मा कांबळे
शनिवार, 17 एप्रिल 2021

लसूण हा आपल्या सर्वांना परिचित आहे. लसणाचा उपयोग विविध अन्नपदार्थांमध्ये अन्न स्वादिष्ट होण्यासाठी केला जातो. लसणामध्ये अनेक औषधी गुणधर्म असल्यामुळे त्याचा औषधोपचारासाठीदेखील वापर होतो. लसणामध्ये मॅंगेनीज, जीवनसत्त्व अ, जीवनसत्त्व ब, जीवनसत्त्व क, सेलेनियम, तंतुमय घटकांचे चांगले प्रमाण असते. लसणापासून भरपूर मूल्यवर्धित पदार्थ बनविले जातात.
 

लसूण हा आपल्या सर्वांना परिचित आहे. लसणाचा उपयोग विविध अन्नपदार्थांमध्ये अन्न स्वादिष्ट होण्यासाठी केला जातो. लसणामध्ये अनेक औषधी गुणधर्म असल्यामुळे त्याचा औषधोपचारासाठीदेखील वापर होतो. लसणामध्ये मॅंगेनीज, जीवनसत्त्व अ, जीवनसत्त्व ब, जीवनसत्त्व क, सेलेनियम, तंतुमय घटकांचे चांगले प्रमाण असते. लसणापासून भरपूर मूल्यवर्धित पदार्थ बनविले जातात.

लसूण ज्यूस 
पोटाच्या आजारावर, त्वचा रोग आणि कानदुखीवर उपयुक्त.

कृती
प्रथम वाळलेल्या लसणाच्या अंदाजे ४ मिमी आकाराच्या गोल चकत्या करून घ्याव्यात. तयार चकत्या गरम पाण्यामध्ये मऊ होण्यासाठी ठेवाव्यात. मऊ झालेल्या लसूण चकत्यांचे बारीक तुकडे करावेत. त्यांची पातळसर पेस्ट तयार करावी. तयार पेस्ट एका सुती कापडामध्ये घेऊन चमच्याने दाबून लसूण ज्यूस मिळवता येतो.

लोणचे 
साहित्य

लसूण १०० ग्रॅम, तेल ५० ग्रॅम,अर्धा चमचा हिंग, हळद, मेथीचे दाणे पावडर आणि बडीशेप पावडर (प्रत्येकी १ चमचा), व्हिनेगार ६० मिलि, तिखट २ चमचे.

कृती
प्रथम एका पॅनमध्ये तेल गरम करून घ्यावे. त्यामध्ये १ चमचा हिंग घालावे. हिंग फुलल्यानंतर त्यामध्ये सोललेल्या लसणाच्या पाकळ्या व १ चमचा मीठ घालावे. जेणेकरून त्या पाकळ्या थोड्या लवकर मऊ होतील. साधारणपणे ४ ते ५ मिनिटांमध्ये लसणाच्या पाकळ्या मऊ होतात. त्यानंतर गॅस बंद करावा. त्यामध्ये मेथीदाणे पावडर, बडीशेप पावडर व मोहरी पावडर घालून चांगले एकत्रित करून घ्यावे. त्यानंतर त्यात व्हिनेगर मिसळावे. तयार लोणचे स्वच्छ काचेच्या बरणीमध्ये हवाबंद करावे.

लसूण सॉस 
साहित्य

लसूण पाकळ्या १०० ग्रॅम, थंड दूध २५० मिलि, तेल ५०० मिलि, लिंबाचा रस ४ चमचे, मीठ अर्धा चमचा.

कृती 
प्रथम लसूण सोलून घ्यावा. सोललेल्या लसणाच्या पाकळ्यांमध्ये अर्धा चमचा मीठ व निम्मे दूध घालून मिक्सरमधून फिरवून घ्यावे. त्यानंतर उरलेले दूध पुन्हा त्यामध्ये मिसळून घ्यावे. तयार मिश्रण २ मिनिटांसाठी पुन्हा मिक्सरमधून फिरवून घ्यावे. त्यामध्ये थोडे तेल घालून साधारणपणे ५ मिनिटे मिक्सरमधून फिरवून घ्यावे. मिश्रणामध्ये लिंबाचा रस मिसळून पुन्हा मिक्सरमधून फिरवून घ्यावे. तयार सॉस बरणीमध्ये हवाबंद करावा.

लसूण जेली 
साहित्य

 सोललेला लसूण १०० ग्रॅम, व्हिनेगर ५०० मिलि, साखर १ किलो, पेक्टिन १०० मिलि.

कृती
जेली बनवण्यासाठी लसणाच्या पाकळ्या व व्हिनेगर एकत्रित करावे. त्यास ब्लेंडरच्या साह्याने मऊ होईपर्यंत एकजीव करून घ्यावे. नंतर एका सॉस पॅनमध्ये हे एकजीव झालेले मिश्रण, उरलेले व्हिनेगर व साखर एकत्रित करून घ्यावे. मिश्रणास मंद आचेवर उकळी द्यावी. उष्णता देत असताना मिश्रण करपणार नाही याची काळजी घ्यावी. मिश्रणामध्ये पेक्टिन मिसळून पुन्हा उकळी द्यावी. जेली तयार झाल्यानंतर गॅस बंद करावा. तयार जेली निर्जतुक बरण्यांमध्ये भरून ठेवावी.

लसूण चटणी 
साहित्य 

लसूण १०० ग्रॅम, लाल सुक्या मिरच्या ७ ते ८, चवीनुसार मीठ, जिरे अर्धा चमचा, तेल २ चमचे, चिंच २ चमचे, हिंग अर्धा चमचा.

कृती 
प्रथम तव्यामध्ये तेल गरम करून घ्यावे. गरम तेलामध्ये सुक्या लाल मिरच्या चांगल्या परतून घ्याव्यात. परतलेल्या मिरच्या बाजूला काढून घ्याव्यात. मंद आचेवर सोललेल्या लसणाच्या पाकळ्या, मीठ व जिरे घालून थोडा वेळ परतून घ्यावे. लसूण थोडा मऊ पडला की त्यामध्ये चिंच आणि हिंग घालून पुन्हा २ मिनिटे परतून घ्यावे. परतलेले मिश्रण, तेलात फिरवून घेतलेल्या सुक्या मिरच्या व पॅनमध्ये उरलेले तेल एकत्रित करून बारीक होईपर्यंत मिक्सरमध्ये फिरवून घ्यावे. तयार चटणी काचेच्या बरणीमध्ये भरून हवाबंद करावी.

गार्लिक सॉल्ट 
साहित्य 

 २० ग्रॅम लसूण पावडर, मीठ ७८ ग्रॅम, कॅल्शिअम स्टिअरेट २ ग्रॅम. 

कृती 
लसूण पावडर, मीठ आणि कॅल्शिअम स्टिअरेट एकत्रित करून घ्यावे. हे प्रमाण १०० ग्रॅम गार्लिक सॉल्ट बनवण्यासाठी आहे. हे प्रमाण १०० च्या पटीत कमी किंवा जास्त करता येईल. गार्लिक सॉल्टचा उपयोग पदार्थांना चव आणण्यासाठी केला जातो.

- करिश्मा कांबळे,  ८४५९३७४६८४
(सहायक प्राध्यापिका, अन्नतंत्रज्ञान महाविद्यालय, आचळोली, जि. रायगड)


इतर कृषी प्रक्रिया
‘कल्पतरू’ चिक्कीची टेस्ट एकदम बेस्ट!औरंगाबाद जिल्ह्यात भटजी (ता. खुलताबाद) येथील राणी...
जवस : एक सुपर फूडजवस  पिकाचा प्रत्येक भाग हा...
आरोग्यदायी गुलकंदगुलकंद हा गुलाब फुलाच्या पाकळ्यापासून बनविलेला...
अंबाडीपासून प्रक्रियायुक्त पदार्थअंबाडी ही भाजी म्हणून काही प्रमाणात खाल्ली जाते....
प्रक्रियायुक्त आहारासाठी भरडधान्य...भरड धान्यामध्ये एकूणच प्रथिनांचे प्रमाण जास्त आहे...
आरोग्यदायी आले आल्यामध्ये मोठ्या प्रमाणात जीवनसत्वे आणि खनिजे...
करार शेती यशस्वी होण्यासाठी पारदर्शकता...बाजारपेठेच्या मागणीनुसार बदलण्यामध्ये आपल्या...
संतुलीत आहार स्रोत ः सीताफळसीताफळाची लोकप्रियता कोरडवाहू लागवडयोग्य, कीड...
आहार अन्‌ प्रक्रिया उद्योगासाठी...भरड धान्ये इतर धान्यांच्या तुलनेने स्वस्त असतात....
काशीफळापासून रायता, सूप, हलवाकाशीफळामध्ये जीवनसत्त्व, खनिजे आणि तंतुमय पदार्थ...
अळिंबीचे पौष्टिक, औषधी गुणधर्म अन्...लहानांपासून मोठ्यापर्यंत सर्वांनी अळिंबी (मशरूम)...
पपईपासून बनवा मूल्यवर्धित पदार्थपपई ही आरोग्यास पोषक असून, त्यापासून जाम, जेली,...
आवळा प्रक्रिया उद्योगातील संधीआवळा फळांमध्ये असणारे औषधी गुणधर्म व भरपूर...
गुलाबापासून गुलकंद, जॅम,जेलीगुलाबाच्या पाकळ्यापासून गुलकंद, जॅम, जेली इत्यादी...
फळे, भाजीपाल्याचे पूर्व शीतकरणपूर्व-शीतकरणाचे मुख्य उद्दिष्ट म्हणजे पीक...
मसाल्यातील भेसळ ओळखण्याच्या पद्धती बाजारामध्ये उपलब्ध असलेल्‍या अनेक मसाल्यांमध्ये...
संत्र्याचे काढणीपश्‍चात तंत्रज्ञानसंत्रावर्गीय फळांचा आकर्षक रंग,स्वाद, चव टिकून...
ऑलिव्ह तेलापासून बनवले वनस्पतिजन्य मांसप्राणीज मांसाचा वापर केलेल्या अनेक पदार्थातून...
सोयाबीनचे मूल्यवर्धित पदार्थसोयाबीनपासून सोया-दूध, सोया पनीर, पीठ आणि...
उद्योजकतेमध्ये कुटुंब, समाजाचा हिस्साउद्योग म्हणजे जोखीम. त्याच्याच यश व अपयश या दोन...