agricultural news in marathi weekly weather by Dr. ramchadra sabale | Agrowon

विदर्भ, मराठवाड्यात पावसाची शक्‍यता

डॉ. रामचंद्र साबळे
रविवार, 17 ऑक्टोबर 2021

विदर्भ तसेच मराठवाड्यातील सर्वच जिल्ह्यांत आज, उद्या आणि मंगळवारी (ता. १७, १८, १९) पावसाची शक्‍यता आहे. कोकण व पश्‍चिम महाराष्ट्रात बराच काळ पावसात उघडीप राहण्याची शक्यता आहे.
 

कोकण, मध्य महाराष्ट्र, उत्तर महाराष्ट्र, विदर्भ व मराठवाड्यातून शुक्रवार (ता.१५) रोजी मॉन्सून परतल्याचे भारतीय हवामानशास्त्र विभागाने जाहीर केले आहे. असे असले तरी विदर्भ तसेच मराठवाड्यातील सर्वच जिल्ह्यांत आज, उद्या आणि मंगळवारी (ता. १७, १८, १९) पावसाची शक्‍यता आहे. कोकण व पश्‍चिम महाराष्ट्रात बराच काळ पावसात उघडीप राहण्याची शक्यता आहे.

संपूर्ण हिंदी महासागरावर ढगांची दाटी आहे. बंगालच्या उपसागरावर, तसेच पश्‍चिम किनारपट्टीलगत अरबी समुद्रावर हवेच्या कमी दाबाचे क्षेत्र निर्माण होण्याची शक्‍यता आहे. गुरुवार (ता. २१) बंगालच्या उपसागरावरील व अरबी समुद्रावरील हवेचे दाब वाढण्याची शक्‍यता आहे. आज संपूर्ण भारतावर १००६ हेप्टापास्कल इतका समान हवेचा दाब राहील. तर उद्यापासून हवेच्या दाबात वाढ होण्याची शक्‍यता आहे. ईशान्य भारतात पावसाचे प्रमाण कायम राहणे शक्‍य आहे. वाऱ्याची दिशा ईशान्येकडून तसेच वायव्येकडून असून, ला निनाचा प्रभाव कायम असल्याने आज, उद्या आणि मंगळवारी (ता.१७, १८, १९) विदर्भ व मराठवाड्यात पावसाची शक्‍यता आहे. ला निनाचा प्रभाव कायम राहिल्यास ऑक्‍टोबर व नोव्हेंबर महिन्यांत काही वेळा अवेळी व अवकाळी पावसाची शक्‍यता राहील. उर्वरित महाराष्ट्रातून मॉन्सून परतला असून, यापुढे होणारे पाऊस हे मॉन्सूनोत्तर म्हणजेच अवेळी व अवकाळी असणार आहेत.

कोकण 
आज कोकणातील सर्वच जिल्ह्यांत, तर उद्या रत्नागिरी, रायगड व ठाणे जिल्ह्यांत पावसात उघडीप राहण्याची शक्यता आहे. फक्त सिंधुदुर्ग जिल्ह्यात उद्या ४ मि.मी. पावसाची शक्‍यता आहे. सिंधुदुर्ग व रत्नागिरी जिल्ह्यांत वाऱ्याची दिशा आग्नेयेकडून तर रायगड व ठाणे जिल्ह्यात ईशान्येकडून राहील. वाऱ्याचा ताशी वेग ४ ते ६ कि.मी. राहील. कमाल तापमान ३५ अंश सेल्सिअस, तर किमान तापमान २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६५ ते ८६ टक्के, तर दुपारची सापेक्ष आर्द्रता ३८ ते ५० टक्के राहील.

उत्तर महाराष्ट्र 
आज आणि उद्या नाशिक, धुळे, नंदूरबार व जळगाव जिल्ह्यांत पावसात उघडीप राहील. जळगाव जिल्ह्यात उद्या ८ मि.मी. पावसाची शक्‍यता आहे. वाऱ्याची दिशा सर्वच जिल्ह्यांत नैर्ऋत्येकडून आणि ताशी वेग ४ ते ६ कि.मी. राहील. कमाल तापमान ३४ ते ३५ अंश सेल्सिअस, तर किमान तापमान २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ४० ते ५० टक्के, तर दुपारची सापेक्ष आर्द्रता १९ ते २६ टक्के राहील.

मराठवाडा 
आज नांदेड जिल्ह्यात २४ मि.मी., परभणी जिल्ह्यात ४ मि.मी., हिंगोली जिल्ह्यात १० मि.मी., औरंगाबाद जिल्ह्यात १८ मि.मी. पावसाची शक्यता आहे. तर उद्या लातूर जिल्ह्यात २१ मि.मी., नांदेड जिल्ह्यात ४० मि.मी., बीड जिल्ह्यात ५ मि.मी., परभणी जिल्ह्यात ३० मि.मी., हिंगोली जिल्ह्यात १४ मि.मी., जालना जिल्ह्यात २३ मि.मी. व औरंगाबाद जिल्ह्यात ३२ मि.मी. पावसाची शक्‍यता आहे. आज आणि उद्या उस्मानाबाद जिल्ह्यांत पावसात उघडीप राहील. नांदेड, परभणी, हिंगोली जिल्ह्यांत वाऱ्याची दिशा वायव्येकडून, तर उस्मानाबाद जिल्ह्यात आग्नेयेकडून आणि औरंगाबाद जिल्ह्यांत ईशान्येकडून राहील. वाऱ्याचा ताशी वेग ४ ते ७ कि.मी. राहील. सर्वच जिल्ह्यात कमाल तापमान ३२ ते ३३ अंश, तर किमान तापमान २० ते २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६० टक्के, तर दुपारची सापेक्ष आर्द्रता ३५ ते ४० टक्के राहील.

पश्‍चिम विदर्भ 
आज बुलडाणा व वाशीम जिल्ह्यात ११ ते १४ मि.मी. तर वाशीम व अमरावती जिल्ह्यांत १६ ते १९ मि.मी. पावसाची शक्‍यता आहे. उद्या बुलडाणा व अकोला जिल्ह्यांत १७ ते २० मि.मी. तर वाशीम व अमरावती जिल्ह्यांत २७ ते ३६ मि.मी. पावसाची शक्‍यता आहे. वाऱ्याची दिशा वायव्येकडून आणि ताशी वेग ५ ते ६ कि.मी. राहील. कमाल तापमान ३३ अंश सेल्सिअस, तर किमान तापमान २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५४ ते ८५ टक्के, तर दुपारची ३२ ते ४० टक्के राहील.

मध्य विदर्भ 
आज वर्धा जिल्ह्यात १६ मि.मी., नागपूर जिल्ह्यात २० मि.मी., यवतमाळ जिल्ह्यात २७ मि.मी. पावसाची शक्‍यता आहे. उद्या वर्धा जिल्ह्यात १९ मि.मी., नागपूर जिल्ह्यात १९ मि.मी. व यवतमाळ जिल्ह्यात ३६ मि.मी. पावसाची शक्‍यता आहे. वाऱ्याची दिशा यवतमाळ जिल्ह्यात वायव्येकडून, वर्धा जिल्ह्यात आग्नेयेकडून, तर नागपूर जिल्ह्यात ईशान्येकडून राहील. कमाल तापमान ३४ अंश सेल्सिअस, तर किमान तापमान २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८५ ते ९३ टक्के, तर दुपारची ५० टक्के राहील.

पूर्व विदर्भ 
आज चंद्रपूर जिल्ह्यात २४ मि.मी., भंडारा व गडचिरोली जिल्ह्यांत ३१ ते ३६ मि.मी. तर गोंदिया जिल्ह्यात ५३ मि.मी. पावसाची शक्‍यता आहे. उद्या चंद्रपूर जिल्ह्यात २१ मि.मी., गडचिरोली व गोंदिया जिल्ह्यात ४० ते ४२ मि.मी. तर भंडारा जिल्ह्यात २६ मि.मी. पावसाची शक्‍यता आहे. चंद्रपूर व गडचिरोली जिल्ह्यांत वाऱ्याची दिशा नैर्ऋत्य व आग्नेयेकडून राहील. भंडारा व गोंदिया जिल्ह्यांत ती ईशान्येकडून राहील. वाऱ्याचा ताशी वेग ३ ते ६ कि.मी. राहील. कमाल तापमान ३३ अंश सेल्सिअस तर किमान तापमान २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९४ ते ९७ टक्के व दुपारची ५८ ते ७६ टक्के राहील.

दक्षिण-पश्‍चिम महाराष्ट्र 
आज कोल्हापूर, सांगली, सातारा, सोलापूर, पुणे व नगर जिल्ह्यांत, तर उद्या सांगली, सातारा, सोलापूर, पुणे व नगर जिल्ह्यांत पावसात उघडीप राहील. उद्या कोल्हापूर जिल्ह्यात ५ मि.मी. पावसाची शक्‍यता आहे. वाऱ्याची दिशा वायव्येकडून आणि ताशी वेग ६ ते ७ कि.मी. राहील. कमाल तापमान ३५ अंश सेल्सिअस राहील. किमान तापमान सातारा, पुणे व नगर जिल्ह्यांत २० अंश सेल्सिअस, तर सोलापूर व सांगली जिल्ह्यांत २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता कोल्हापूर जिल्ह्यात ८४ टक्के, तर उर्वरित जिल्ह्यात ५० ते ६० टक्के राहील. दुपारची सापेक्ष आर्द्रता २६ ते ४५ टक्के राहील.

कृषी सल्ला 

  • हरभरा आणि रब्बी बागायत ज्वारीची पेरणी वेळेवर करावी.
  • रब्बी हंगामात कांदा लागवडीसाठी एन-२-४-१ ही जात निवडावी. ही जात गरव्या प्रकारातील असून अधिक उत्पादन देते.
  • कोकणात हळव्या भात जातीची कापणी व मळणीची कामे उरकून घ्यावीत.

 


इतर कृषी सल्ला
उशिरा गहू लागवडीचे तंत्र...बागायती उशिरा पेरणीसाठी, फुले समाधान (...
तेलाचं ‘पामर’ जंगलनैसर्गिक जंगलातील जैवविविधतेचा बळी देत हजारो...
द्राक्ष बागेतील घडकूज, मणीगळीवर...सध्या बागेतील वातावरणातील बिघाडामुळे...
शेतकरी उत्पादक कंपन्यांकरिता केळी...शासन मार्गदर्शकाच्या भूमिकेमध्ये राहते, परंतु...
शेतकरी नियोजन पीक : संत्राशेतकरी नाव ः ऋषिकेश सोनटक्‍के गाव ः टाकरखेडा...
शंखी गोगलगायींचे नियंत्रण शंखी गोगलगायी ही बहुभक्षी कीड रात्रीच्या...
शेतकरी नियोजनः शेळीपालनशेळीपालनास सुरवात करण्यापूर्वी शेळ्यांच्या विविध...
थंडीचा पिकावरील परिणाम कमी करणारे उपायसध्या हिवाळा सुरू असला तरी ढगाळ वातावरणामुळे...
यशाला आवश्यक पैलू पाडणारे गुजरातगुजरात हे भारताच्या प. किनारपट्टीवरील...
थंडीमध्ये घ्या केळी बागांची काळजीहिवाळ्यामध्ये डिसेंबर ते फेब्रुवारी या काळात...
आठवड्याच्या सुरुवातीस पाऊस, नंतर थंडीत...हिवाळी हंगामात पाऊस होण्यामुळे आणि ढगाळ हवामान...
करडईमध्ये आंतरमशागत महत्त्वाची...पेरणीनंतर तिसऱ्या आठवड्यात पहिली कोळपणी फटीच्या...
व्हर्जीन कोकोनट ऑइलनिर्मिती तंत्रव्हर्जीन कोकोनट तेल हे नैसर्गिक सर्वश्रेष्ठ...
द्राक्ष बागेत रोगांचा प्रादुर्भाव कमी...सध्या द्राक्ष लागवडीखालील क्षेत्रामध्ये कमी-अधिक...
द्राक्ष बागेत अन्नद्रव्ये कमतरतेची...दर्जेदार द्राक्ष उत्पादनासाठी द्राक्ष वेलीत...
शेतकरी नियोजन - कुक्कुटपालननाव : शत्रुघ्न नामदेव जाधव गाव : विटा...
शेतकरी नियोजन - पीक केळीएप्रिल व मे महिन्यातील केळी लागवडीमध्ये निसवण...
अन्नपदार्थांतील पोषण विरोधी घटक परिणाम...अन्नपदार्थात जसे पोषक घटक असतात. त्याप्रमाणे पोषण...
सूत्रकृमीचा प्रादुर्भाव जाणून त्वरित...विविध पिकांवर सूत्रकृमीच्या प्रादुर्भावामुळे वाढ...
वनशास्त्रातील शिक्षण, व्यावसायिक संधी वने ही जैवविविधतेचे आगर आहेत. हे लक्षात घेता बी....