agricultural news in marathi,pomegranate crop advisory, Maharashtra | Agrowon

डाळिंब पीक सल्ला
डॉ. ज्योस्त्ना शर्मा, डॉ. डी. टी. मेश्राम, रमाकांत घरटे, एस. एस. वडणे
बुधवार, 11 जुलै 2018

डाळिंब बागेतील कीड व रोगांचा प्रादुर्भाव टाळण्यासाठी व झाडे मजबतू करण्यासाठी बागेची काळजी घेणे अत्यंत आवश्‍यक आहे. वेळेवर व योग्य पद्धतीने आंतरमशागत, अन्नद्रव्ये, रोग, पाण्याचे आणि किडीचे व्यवस्थापन केल्याने, झाडाची वाढ चांगली होते आणि चांगल्या प्रकारे उत्पादन मिळू शकते.

मृग बहर व्यवस्थापन

डाळिंब बागेतील कीड व रोगांचा प्रादुर्भाव टाळण्यासाठी व झाडे मजबतू करण्यासाठी बागेची काळजी घेणे अत्यंत आवश्‍यक आहे. वेळेवर व योग्य पद्धतीने आंतरमशागत, अन्नद्रव्ये, रोग, पाण्याचे आणि किडीचे व्यवस्थापन केल्याने, झाडाची वाढ चांगली होते आणि चांगल्या प्रकारे उत्पादन मिळू शकते.

मृग बहर व्यवस्थापन

  • मृग बहर धरलेल्या बहुतांश बागांमध्ये आता फुलाेऱ्याची अवस्था आहे. सद्यःस्थितीत पावसाळा असल्याने बागांमध्ये तणांची मोठ्या प्रमाणात वाढ होण्याची शक्यता आहे. त्यामुळे वेळोवेळी तणे काढून बाग स्वच्छ ठेवावी. पावसाचा व जमिनीच्या मगदुराचा विचार करून सिंचन करावे.
  • फुलाेऱ्याचे पोषण व्हावे, यासाठी झिंक सल्फेट ३ मि.लि. अधिक बोरीक अॅसिड २ ग्रॅम अधिक चिलेटेड लोह ३ ग्रॅम प्रतिलिटर पाणी या प्रमाणात फवारणी करावी. ढगाळ वातावरण पाहून तेलकट डाग रोगनियंत्रणासाठी प्रतिबंधात्मक म्हणून स्ट्रेप्टोमायसीन* ०.५ ग्रॅम अधिक कार्बेन्डाझिम (५० डब्ल्यू.पी.) १ ग्रॅम अधिक अॅसिटामिप्रीड (२० एस.पी.) ०.३ ग्रॅम अधिक सरफेक्टंट ०.५ ग्रॅम प्रतिलिटर पाणी या प्रमाणात फवारणी करावी.
  • ब्लॅक हर्ट रोगाचा प्रादुर्भाव टाळण्यासाठी उपाययोजना करावी. त्यासाठी कॅप्टन (५० डब्ल्यू.पी.) २.५ ग्रॅम अधिक ब्रोमोपोल (२ ब्रोमो २ नायट्रोप्रोपेन १-३ डायोल) ०.५ ग्रॅम अधिक सरफेक्टंट ०.५ ग्रॅम प्रतिलिटर पाणी अशी फवारणी करावी. काही दिवसांनी स्ट्रेप्टोमायसिन ०.५ ग्रॅम अधिक मॅंकोझेब (७५ डब्ल्यू. पी.) २ ग्रॅम अधिक इमिडाक्लोप्रिड (१४.८ एस.एल.) ०.३ मि.लि. अधिक सरफेक्टंट ०.५ ग्रॅम प्रतिलिटर पाणी अशी फवारणी करावी.
  • बागेत फुलोऱ्याची अवस्था पूर्ण झाल्यावर (१०० टक्के झाडांवर फुलोरा) स्ट्रेप्टोमायसिन ०.५ ग्रॅम अधिक मॅंकोझेब (७५ डब्ल्यू.पी.) २ ग्रॅम अधिक इमिडाक्लोप्रिड (१७.८ एस.एल.) ०.३ मि.लि. अधिक सरफेक्टंट ०.५ ग्रॅम प्रतिलिटर पाणी या प्रमाणात फवारणी करावी.
  • पुढील काही दिवसांत फळधारणेस सुरवात होते. अशावेळी झाडांची कीड-रोगप्रतिकारशक्ती वाढावी यासाठी सॅलिसिलिक अॅसिड ०.३ ग्रॅम प्रतिलिटर पाणी या प्रमाणात फवारणी करावी. तसेच प्रतिबंधात्मक म्हणून स्ट्रेप्टोमायसिन ०.५ ग्रॅम अधिक प्रोपिनेब (७० टक्के डब्ल्यू. पी.) २ ग्रॅम अधिक सर्फेक्टंट ०.५ ग्रॅम प्रतिलिटर पाणी या प्रमाणात फवारणी करावी.
  • फळधारणेस सुरवात झाल्यानंतर नत्रयुक्त खताची १/४ मात्रा (४ वर्षांखालील झाडांना युरिया १३५ ग्रॅम प्रतिझाड व ४ वर्षांपुढील झाडांना २७० ग्रॅम प्रतिझाड) द्यावी. तसेच ठिबक संचातून १९:१९:१९ हे विद्राव्य खत ८ किलो प्रतिहेक्टर या प्रमाणात एक दिवसाआड १५ वेळा द्यावे.
  • फळधारणा सुरू झाल्यावर बोरीक अॅसिड २ ग्रॅम अधिक एकत्रित सूक्ष्म अन्नद्नव्ये (ग्रेड २) १ ग्रॅम प्रतिलिटर पाणी या प्रमाणात फवारावे. काही दिवसांनी स्ट्रेप्टोमायसिन ०.५ ग्रॅम अधिक थायोफिनेट मिथाईल (७० टक्के डब्ल्यू.पी.) १ ग्रॅम अधिक सायपरमेथ्रिन (२५ टक्के ई.सी.) १ मि.लि. अधिक निंबोळी अर्क ५० ग्रॅम किंवा अॅझाडिरॅक्टिन (१,००० पीपीएम) ३ मि.लि. अधिक सर्फेक्टंट ०.५ ग्रॅम प्रतिलिटर या प्रमाणात फवारणी करावी.

आंबे बहर व्यवस्थापन

  • फळ पक्वतेच्या अवस्थेत असलेल्या पिकास स्ट्रेप्टोमायसिन ०.५ ग्रॅम अधिक कॉपर हायड्रॉक्साइड (७७ डब्ल्यू. पी.) २ ग्रॅम अधिक अॅझाडिरॅक्टिन १,००० पीपीएम ३ मि.लि. अधिक सर्फेक्टंट ०.५ ग्रॅम प्रतिलिटर पाणी या प्रमाणात फवारणी करावी.
  • दिवस पावसाळ्याचे असल्यामुळे पावसाचा अंदाज व जमिनीचा मगदूर यांचा विचार करून सिंचन करावे.
  • ज्या बागेत फळे बहुतांशत: पक्व होत आली आहेत अशा ठिकाणी तोडणीपूर्वी एक महिना आधी ०:०:५० किंवा पोटॅशियम नायट्रेट १० ग्रॅम प्रतिलिटर या प्रमाणात फवारणी करावी.
  • रोग वाढीस पोषक वातावरणाची परिस्थिती उद्भवल्यास तातडीने ०.५ टक्के बोर्डो मिश्रणाची फवारणी करावी.
  • ज्या बागांतील फळे काढणीच्या अवस्थेत असतील तेथे फळांची काढणी करावी.

सूचना

  • ब्रोमोपॉल आणि स्ट्रेप्टोमायसीनची फवारणी फक्त तेलकट डाग ग्रस्त बागेतच करावी.
  • बोर्डो मिश्रणाचा सामू (pH ६.८ ते ७.३ ) तपासूनच फवारणी करावी.
  • माती परीक्षणानुसारच खतमात्रा द्याव्यात.
  • टीप- निर्यातक्षम डाळिंब उत्पादनासाठी शिफारसीत कीडनाशकांचा वापर करावा. पीएचआय, एमआरएल्स तपासून घ्यावेत.

संपर्क : डॉ. डी. टी. मेश्राम, ७५०७१९२६०६
(राष्ट्रीय डाळिंब संशोधन केंद्र, सोलापूर.)

इतर ताज्या घडामोडी
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
अमेरिकन लष्करी अळीविषयी जागृती,...मक्यावरील लष्करी अळी (शा. नाव - स्पोडोप्टेरा...
संजीवकांचा वापर संतुलितपणेच व्हावानाशिक : द्राक्षबागेत आवश्यकतेनुसार रासायनिक...
‘महावितरण’कडून शेतकऱ्यांना अंदाजपंचे...नाशिक : अंबड परिसरात महावितरणकडून कृषी पंपाचे...
खरीप पीकविमा योजनेत शेतकऱ्यांचा सहभाग...जळगाव ः जिल्ह्यात खरिपातील पीकविमा योजनेला चांगला...
खानदेशातील अनेक सिंचन प्रकल्प भरलेजळगाव ः खानदेशातील अवर्षणप्रवण भागातील काही...
निष्पक्ष निवडणुकीसाठी यंत्रणा सज्जअकोला ः विधानसभा निवडणुकीच्‍या अनुषंगाने जिल्‍हा...
मेळघाटातील शेतकऱ्यांना जाणून घ्यायचेय...औरंगाबाद : मेळघाटातील शेतकरी मराठवाडा आणि...
निकृष्ट बंधाऱ्याप्रकरणी तिघांवर गुन्हे...गडचिरोली ः चार महिन्यांपूर्वी बांधण्यात...
अनुदानावरील पशुखाद्य पुरवठ्यासाठी उद्या...नागपूर ः पशुखाद्याच्या तुटवड्यामुळे अडचणीत...
पूर्वहंगामी कापूस पिकाला पावसाचा फटकाजळगाव ः खानदेशातील पूर्वहंगामी कापूस पिकाला सततचा...
रयतच्या योगदानातून इतिहास घडेल ः शरद...सातारा: त्यागाचा विचार तत्कालीन पिढीत घडविण्यात...
सरकार सातत्याने शेतकरी विरोधी भूमिका...नगर  ः दोन वेळचा घास भरवणाऱ्या...
साहित्य संमेलनाच्या अध्यक्षपदी दिब्रिटो...लातूर :  उस्मानाबाद येथे होणाऱ्या आगामी...
केळीच्या पिल बागेतील सिगाटोका रोगाचे...केळी पिकावर दरवर्षी पिवळा करपा म्हणजेच ‘सिगाटोका...
गव्हावरील किडीच्या नियंत्रणासाठी सहजीवी...मोंटाना राज्य विद्यापीठातील कृषी महाविद्यालयातील...
साताऱ्यातील तीन तालुक्यांत पाणीटंचाई...सातारा : गेल्या दोन दिवसांत माण, खटाव, फलटण या...
चाळीसगाव तालुक्‍यात अद्यापही टॅंकर सुरूचजळगाव  ः जिल्ह्यात यंदा पावसाने नाबाद ११५.५...
पुणे जिल्ह्यात अतिवृष्टीमुळे ४२ कोटींचे...पुणे : गेल्या जुलै व ऑगस्ट महिन्यांत...
नाशिक जिल्ह्यात लाल कांद्याची लागवड...नाशिक  : महाराष्ट्रात होणारी खरीप कांद्याची...